梨木樹邨

出自維基百科,自由嘅百科全書
梨木樹(一)邨
桃樹樓同埋楓樹樓(2008年)
地區 荃灣區
類型 租住屋邨
入伙年期 1999[1]
樓宇座數 3
單位數目 2,300
面積呎數 175 - 562 呎(ft²)
伙數 2.300
居民 6,900
網站
梨木樹(二)邨
第3座、第5座同埋第6座(2008年)
地區 荃灣區
類型 租住屋邨
入伙年期 1975(舊)、1980-1998(新)[2]
樓宇座數 11
單位數目 4,300
面積呎數 16.3-52.2 呎(ft²)
伙數 4,200
居民 13,100
網站
梨木樹邨
康樹樓(2008年)
地區 荃灣區
類型 租住屋邨
入伙年期 2005[3]
樓宇座數 5
單位數目 3,900
面積呎數 17.4-39.7 呎(ft²)
伙數 3,900
居民 10,000
網站

梨木樹邨英文Lei Muk Shue Estate)係香港一條喺荃灣區東部上葵涌公共屋邨,有19幢樓,總人口大概有30,700人。按人口計,目前係荃灣最大嘅屋邨,亦係荃灣新市鎮第二大嘅屋邨[1][2][3]

[編輯]

第一代[編輯]

第一代梨木樹邨分咗做兩期:第一期係第7至14座,第二期係第1至6座。

第7至14座係屬於政府廉租屋,喺1970年11月21號開始慢慢起好,每一座都有4部𨋢,每部𨋢分別只係停地下同埋中、高其中兩層(例如7同埋15樓、11同埋19樓,第10座因為只係有七層高所以無起𨋢)。

第1至6座喺1975年6月1號啟用,第2、3同5座嘅𨋢可以直接去到大部份嘅樓層,第1座只係有十層、第4座只係有七層、而第6座只係有九層同埋隔離第7座相連,所以無起到𨋢。所有單位都有獨立廚房同埋廁所。

第二代[編輯]

由1979年第一季開始,地下鐵路(即係而家嘅港鐵荃灣綫動工,部分喺荃灣市區內嘅鄉村,有三棟屋村木棉下村西樓角村,同埋山邊木屋區需要清拆,將清拆所得到嘅土地用嚟起鐵路。所以香港房屋委員會喺梨木樹邨入面嘅空地,就起咗三座樓,起初叫做第15、16同埋17座,及嚟改叫做榕樹樓、柏樹樓同埋竹樹樓,喺1980年2月12日落成入伙,用嚟安置受影響嘅居民。

去到1985年,葵青同埋荃灣分成兩個區,梨木樹邨咁啱位於和宜合道以西,所以梨木樹邨就屬於荃灣區議會。直至今時今日,好多機構同埋市民仍然誤以為梨木樹邨係屬於葵青區嘅公屋。

重建[編輯]

喺1980年代中期,社會揭發咗公屋結構嘅問題,而梨木樹邨第一期嘅七座樓,雖然唔喺26座問題公屋醜聞名單入面,但係其中第7座同埋第11座嘅結構亦都發現有問題,需要清空兩層(12、13樓)嚟安裝鋼架加以鞏固,以防倒塌。

直至到1990年代中期,香港房屋委員會開始「整體重建計劃」,而梨木樹邨嘅重建工程亦都喺1995年6月展開,將7至第14座分階段逐步清拆,而新起嘅和諧式樓宇喺1998年至2005年8月期間陸續入伙[3]

第一代嘅舊樓喺1995年6月起逐步清拆,其中最早清拆嘅第7及8座,就喺原址重建成為而家嘅松樹樓同埋葵樹樓,喺1998年8月22日落成。

第13同埋14座原址亦都喺1996年9月開始重建,成為而家嘅楊樹樓、桃樹樓、楓樹樓,喺1999年11月16日起入伙[1],並且接收咗受到第9座同埋第12座拆重建計劃影響嘅居民,同埋小部分公屋輪候冊人士。

而喺第9至12座原址上面,就喺2002年1月1日重建為榮、翠、樂、健、康樹五座樓宇(梨木樹邨第三、四期),同埋梨木樹商場,由林陳簡建築師有限公司設計,已經喺2005年3月10日落成入伙[3]

而家,第一代嘅舊樓只係剩低第1至6座,喺邨入面比較高嘅位置。

重建之後[編輯]

[編輯]

全條屋邨分咗做梨木樹(一)邨、梨木樹(二)邨同埋梨木樹邨。

梨木樹(一)邨[編輯]

呢一部分嘅屋邨一共有三棟。

  • 楊樹樓
  • 桃樹樓
  • 楓樹樓

梨木樹(二)邨[編輯]

呢一部分嘅屋邨一共有十一棟。

  • 一至六座
  • 竹樹樓
  • 柏樹樓
  • 榕樹樓
  • 松樹樓
  • 葵樹樓

梨木樹邨[編輯]

呢一部分嘅屋邨一共有五棟。

  • 榮樹樓
  • 翠樹樓
  • 康樹樓
  • 樂樹樓
  • 健樹樓

拆咗[編輯]

  • 七至十四座
  • 舊巴士站同上蓋
  • 大排檔

[編輯]

第一代嘅梨木樹邨
  • 第二座:天寶茶餐廳、景泰中醫診所,明泰辦館、家家頌麵包、安祥中西藥行、張月英醫務所、郭任達醫務所
  • 第四座:南美麵包、永生書局、東尼理髮、金都辦館、源泰辦館、光興行石油氣
  • 第七座:劉健生醫務所、黃壽雄醫務所、偉昌書局、匯豐銀行渣打銀行金城銀行、青春攝影
  • 第八座:立基幼稚園、小童群益會圖書館
  • 第九座:南華茶餐廳、良記粥店、榮興隆辦館、李鴻記五金、裕承隆雜貨、枝記辦館、梨木樹酒家(單棟)
  • 第十座:金城辦館、溫莎麵包、金記五金、新華洗衣舖、順寧藥房
  • 第十一座:牙科診所、藍塘麵包、文星書局、新祥興電業
  • 第十二座:國記粥店、金輪茶餐廳、屈榕昆醫務所
  • 巴士站:特色快餐店、愛麗華酒樓、九巴茶水站、惠康超級市場
  • 大排檔:復成粉麵專家、一定好粥麵
而家
  • 第二座:天寶茶餐廳、景泰中醫診所、日本城、青春攝影、溫莎麵包、裕榮豐雜貨、安祥中西藥行、張月英醫務所、郭任達醫務所、長春社糧善關愛坊
  • 第四座:業興五金、東尼理髮、恆為、金都辦館、源泰辦館、明記南貨、新祥興電業、樂頤匯、光興行石油氣
  • 梨木樹商場地下:龍華閣海鮮酒家、零食家族、利豐零食、日本城、卓祺文具、中國銀行(香港)匯豐銀行(只有自動柜員機)
  • 梨木樹商場一樓:粵品川、綠園茶餐聽、君豪食軒、四季餐廳、大家樂、波仔、759阿信屋、卡爾文具、豐盛體育用品、萬寧屈臣氏、惠康超級市場
  • 街市:越泰軒、南美麵包、任天堂

大事件[編輯]

可風中學校門女屍案

1982年某日清晨時份,一個清潔工人喺可風中學學校門口外面斜路度,喺一個紅白藍膠袋度發現一具赤裸女屍。警方將案件列為兇殺案處理,重曾經喺電視節目《警訊》懸紅輯兇,到而家兇案重未偵破。

男童岑浩賢被斬案

2005年8月25日傍晚,7歲男仔岑浩賢喺補習之後由嫲嫲接返屋企途中,喺第5座對出馬路,俾兩個16歲嘅刀手用菜刀狂斬右手,案件轟動全香港。岑浩賢經接駁手術後康復情況理想,佢同屋企人獲房屋署安排搬到區外嘅公屋單位。佢繼母孔敏儀就因為透過前男朋友買兇,而被要坐監12年[4]

四貓分屍案

2013年10月5號夜晚9點左右,保安員巡邏經過第三座嘅時候,發現小巷度有四具貓屍,懷疑佢哋係畀人虐殺[5]

參考[編輯]

  1. 1.0 1.1 1.2 . 香港房屋委員會.
  2. 2.0 2.1 . 香港房屋委員會.
  3. 3.0 3.1 3.2 3.3 . 香港房屋委員會.
  4. 浩賢繼母被判入獄12年. 香港電台. 2006-12-13. 原著喺2013-12-03歸檔. 喺2018-03-07搵到.
  5. . 蘋果日報. 2013-10-06. 原著喺2017-05-09歸檔. 喺2018-03-07搵到.