香港小童群益會

出自維基百科,自由嘅百科全書
跳去: 定向搵嘢
香港小童群益會總部

香港小童群益會英文The Boys' and Girls' Clubs Association of Hong Kong)喺1936年成立,二次大戰之後重組,1951年7月27號正式登記為註冊團體。目前係香港最具規模負責兒童同青少年工作嘅非牟利組織之一。

使命[編輯]

香港小童群益會始創於1936年,多年嚟一直透過遍佈全香港嘅服務網絡,根據當時嘅地區同埋兒童同青少年嘅情況,提供切合時代需要嘅服務。喺20世紀30年代,香港有好多流連街上缺乏適當照顧嘅失學街童。小童群益會幫助呢啲細路發掘潛能,培育佢哋成為對社會有貢獻嘅人。透過基本嘅識字班、技能培訓、互動遊戲同運動項目,同埋物資援助,提升佢哋嘅知識同技能、發揮天賦同培養興趣,幫助佢哋能夠成功踏入社會。

隨住時間嘅流逝同埋香港社會嘅急速變化,小童群益會亦不斷變革,以迎接唔同嘅挑戰,並通過全方位嘅支援服務,令年輕一代得到均衡發展。

近年嚟,小童群益會尤其關注社會上嘅跨代貧窮問題。除咗調動額外嘅資源支援低收入家庭嘅兒童,重向政府同政策制定嘅人倡議更多審視長遠解決貧窮問題嘅政策同方案。同時,又不斷拓展服務,向有發展障礙或者有特殊學習需要嘅兒童提供援助,促進社會對兒童同青少年精神健康嘅認知,並向有需要嘅家庭提供一站式、跨專業嘅精神健康同心理輔導服務。

服務宗旨[編輯]

四大服務宗旨:

  • 關注兒童同青少年身心均衡發展
  • 培育兒童同青少年成為對社會有貢獻嘅公民
  • 加強家庭嘅功能
  • 促進家長同社會人士對兒童同青少年嘅關注,特別係處於不利環境嘅組群;與服務對象同社會人士攜手為佢哋爭取應有嘅權利同福利

服務重點[編輯]

服務重點包括:

  • 關注貧窮兒童
  • 支援特殊學習需要兒童
  • 關注兒童同青少年精神健康
  • 鼓勵兒童社會參與

出面網頁[編輯]