葵芳

出自維基百科,自由嘅百科全書
跳去導覽 跳去搵嘢
葵通廣場、葵芳地鐵站,以及新都會廣場之間,為葵芳繁忙地帶
葵芳地鐵站望出葵青劇院。右方為新都會廣場,左方為貨櫃碼頭工廠地,遠方為葵盛
重建後葵芳邨。葵芳邨為葵芳起源地。

葵芳Kwai Fong),香港新界嘅一個地方,因葵芳邨而命名。行政而言,屬於葵青區入面,葵涌下葵涌。建設而言,係荃灣新市鎮嘅一部份。地方平坦,都係填海得來。

北面𡰪𡰪,叫葵興,出自葵興邨,亦為填海地。連接葵興葵芳嘅道路,叫興芳路。西北有山,因為葵盛邨而叫葵盛。而葵芳之南,為葵涌貨櫃碼頭相連工廠地。葵芳之東係原本葵涌村地農地,後有葵涌道相隔,唔少化成工廠地,一般叫大連排道工業區。再向東南就係山地,為九龍大帽山之山脈,山上有青山公路

葵芳原為葵涌填海地,原本成塊地都叫葵涌。有葵芳邨之後,近邨就叫葵芳。葵芳邨西有個細嘅墟市,之後起咗地下鐵路,有咗葵芳地鐵站、又有咗私人屋邨新葵芳花園,依一帶就日漸興旺。葵芳地鐵站西面,有兩大商場葵涌廣場新都會廣場,係現今葵芳最旺嘅地方。一般而言,葵芳並不包括工廠地,嗰啲都係葵涌名下,但有時由於無顯著地名,方便指示時亦會叫葵芳。

葵芳有葵涌運動場,為荃灣新市鎮主要運動場之一。葵涌劇院,亦為葵青區主要文娛場所。亦有室內體育館,叫林士德體育館

道路[編輯]

葵芳對外主路,為葵涌道,南去九龍,北去葵涌北部。葵涌道北端為昌榮路廻旋處,可通去大窩口荃灣沙田等地。

另一條主路,叫興芳路,去葵興同葵盛。興芳路,南駁葵青路,可以去青衣。葵青路經葵青交匯處,可上荃灣路,去荃灣屯門等地。

葵福路為駁通荃灣同荔景嘅路,經過葵盛同葵芳。由於路過葵盛山地,路稍為曲折。東南端駁通荔景山道。是為去荃灣去荔景嘅主路。