沙田

出自維基百科,自由嘅百科全書
跳去: 定向搵嘢
HK ShingMunRiverview.jpg

沙田Sha Tin或者Shatin)係香港新界南部沙田海(即今日收窄成城門河)一帶地方。以前係漁村同鄉郊,今日係一個新市鎮。沙田係沙田區核心市區。有大型商場、戲院、大會堂等設施。

沙田最大嘅圍村係大圍,響沙田市中心南面。

歷史[編輯]

沙田原本唔係指呢個地方。以前呢度叫做瀝源,沙田海以前叫瀝源海。因為呢度條瀝源大村,係呢塊地最大嘅村,後尾呢條村就歿落,消失得無影無蹤。英國1898年大清手上租到新界,沙田呢度就落入英國人手中。英國人要編新界地圖,來到沙田量地,而其中一個量地官去沙田圍問呢度叫乜名。個官就誤會成個瀝源叫沙田,寫入文件裏面,所以沙田呢個名就用到而家。

後尾起九廣鐵路,響沙田起沙田車站,附近一帶就變成墟市,叫沙田墟。呢個墟響1979年燒成廢墟,香港政府趁呢個機會將佢拆晒,重新規劃過。