沙田海
沙田海（Sha Tin Hoi）又叫潮水灣（Tide Cove）係香港近沙田一帶海面，喺城門河同大埔海之間，畀沙田、馬鞍山同馬料水夾住。自1960年代起，沙田海為咗沙田衞星城市以及之後沙田新市鎮發展，畀人填咗好多，填成城門河道一部份。
名
[編輯]沙田海因為近沙田而得名。
而英文名Tide Cove嘅意思，個Tide係解潮水。以前圓洲到大圍周圍一帶係淺灘，由城門河沖落來嘅沙坭積喺河口周圍。潮水漲得勁會浸咗個灘。而Cove係解一啲，三便畀地圍住，口窄肚闊嘅內海。大水坑到九肚山海面窄，內便近沙田圍一帶海面闊，因為咁而得名。
後尾跟住沙田發展，原沙田海兩岸填海，將城門河拉長成人工河，長7千米，闊200米，去到大水坑一帶為止。不過潮漲，海水一樣會湧入河度。而今日沙田海，變咗係馬鞍山到大水坑，同白石角東南便嘅科學園到馬料水，兩岸之間嘅海面。