馬鞍山 (香港市鎮)

出自維基百科,自由嘅百科全書
馬鞍山新市鎮
地域 新界東
行政區 沙田區 
發展年份 1980 
面積 km²
人口 208,097人
2015年
人口密度 人/平方公里
鄰近新市鎮 將軍澳大埔 
區議會網頁 {{{url}}} 


馬鞍山

馬鞍山香港新界一市鎮,地區行政上屬沙田區,喺沙田東北面,馬鞍山山腳。

馬鞍山屬於沙田新市鎮嘅擴展部份[1];不過馬鞍山嘅發展比較遲,所以城市規劃有好大嘅分別。因此,佢同同樣喺1980年代開發嘅天水圍新市鎮以及將軍澳新市鎮都係屬於「第三代新市鎮」。[2]

歷史[編輯]

馬鞍山曾經發現過新石器時代晚期(距離依家大概三千至四千年)同埋南宋時期嘅文物。發展新市鎮之前,哩笪地方重係一個細村仔,村民主要從事農業、漁業呢啲傳統鄉村經濟活動。之後近代嘅日本企業嚟到呢度去開採啲磁鐵礦,令到馬鞍山成為工業重鎮,鼎盛嗰陣有幾千個工人喺呢度住。但去到七十年代,因為石油危機同埋新市鎮嘅發展,導致開礦嘅成本大增,再加上香港政府決定要開發馬鞍山變做新市鎮,礦場卒之喺1976年倒閉。馬鞍山新市鎮嘅發展開始喺1980年,經過幾十年嘅努力,馬鞍山已經變咗做有大把屋邨、商場嘅大型住宅區。

地理[編輯]

馬鞍山喺沙田區嘅東北面,同沙田本來嗰區就用梅子林路做分界線。同埋,馬鞍山喺馬鞍山雙峰嘅西面,佢起喺吐露港同馬鞍山之間嘅嗰條地帶上。佢北面可以去到烏溪沙嗰邊,南面去到大水坑。仲有,馬鞍山以東同埋西貢北(行政區劃上面其實屬於大埔區)嘅十四鄉相鄰。另外,喺1866年嘅清朝地圖《新安縣全圖》入面,已經出現咗「馬鞍山」同「沙田」兩個名喇。

馬鞍山三寶[編輯]

  1. 鐵礦:馬鞍山鐵礦藏量有超過700萬噸,1950至70年代開採嘅鐵礦主要係出口日本。
  2. 杜鵑花:香港杜鵑(Rhododendron hongkongensis)喺1851年喺香港發現,但係當時畀人誤認咗做另一個品種,去到1930年香港先將佢命名做新種。佢嘅花期係四月,花白至到淡紅色。佢淨係可以喺馬鞍山及其他幾笪地方見到。馬鞍山其他品種嘅原生杜鵑重有毛葉杜鵑華麗杜鵑羊角杜鵑南華杜鵑同埋紅杜鵑
  3. 黃麖:即係赤麖或者赤麂(Muntiacus muntjak),係小型偶蹄目鹿科麂亞科嘅動物,喺華南地區包括香港,西至印度巴基斯坦阿富汗生活。雄性有小角同獠牙,鍾意棲息喺樹林裏面同埋高嘅草叢入面,樹葉同埋地下根或者莖都係佢嘅食物,間唔中會食樹皮。佢係獨居,當佢受驚嗰陣或者繁殖季節都會發出一種奇怪嘅叫聲,俗稱鳴鹿(Barking Deer)。佢生性細膽,而香港曾經有被困嘅赤麖喺圍捕嗰時嚇死嘅紀錄。

參考[編輯]

  1. . www.pland.gov.hk. 原著喺2020-07-10歸檔. 喺2020-07-11搵到.
  2. . archive.is. 2009-10-27. 原著喺2009-10-27歸檔. 喺2020-07-11搵到.