狄波拉

狄波拉（Deborah Lee，1951年 10月26號—）原名李敏儀，又名李嬙，係香港演員，由選美出身。狄波拉個名來自佢個洋名Deborah。

佢同過名演員謝賢結過婚，係名歌手謝霆鋒嘅阿媽。

屋企[編輯]

狄波拉祖籍上海。1951年10月27號香港出世。

1979年佢同謝賢結婚，生咗一仔一女，即係謝霆鋒同謝婷婷。香港前途談判期間，夫婦成家齊齊移民加拿大溫哥華。之後，狄波拉同謝賢離婚。2000年，喺新加坡同機師江耀城（綽號鬍鬚Kong）註冊結婚。

1973年喺香港「東方選美會」中勝出，代表香港參加喺菲律賓馬尼拉舉行嘅「亞洲小姐」選舉。之後，加入麗的電視（亞洲電視前身）主持電視節目。1974年加入嘉禾做電影演員。1975年入香港無綫電視演《歡樂今宵》。1976年演無綫長劇《狂潮》而走紅。