無綫電視晚間新聞

《晚間新聞》（英文：News Roundup），係香港電視廣播有限公司新聞及資訊部製作嘅新聞節目，每日午夜前喺翡翠台、無綫新聞台同埋明珠台播出。由2008年7月13號起，《晚間新聞》節目改用16:9技術製作。

2009年2月2號起，《晚間新聞》改以廠景高清製作。

香港其他免費電視台嘅晚間新聞節目有HOY TV嘅《晚間直播室》。

節目版本、名稱及播放時間

《晚間新聞》喺香港時間禮拜一至禮拜五23:15至23:50播放，播放時間為35分鐘；而禮拜六及禮拜日播放時間則係23:15至23:35，播放時間為20分鐘。當遇上特別日子時，節目嘅播放時間或會稍作變動。如當天有突發事件，節目嘅播放時間或會延長，而之後嘅原定節目將順延播出。

新聞播放完畢之後，廣告後有一節《天氣報告》，然後轉播《瞬間看地球》。2011年2月28號起，逢禮拜一至五《晚間新聞》後緊接播放《新聞檔案》。2015年1月5號起，逢禮拜一至五《晚間新聞》前增設《環球新聞檔案》。

2009年2月2號，《晚間新聞》改為三節播放。2015年1月5號，《晚間新聞》改為四節播放。2016年7月11號至2020年10月30號，《晚間新聞》改為三節播放。2020年11月2號起，《晚間新聞》改版。禮拜六、日《晚間新聞》嘅節目內容包括綜合新聞及六合彩