明珠台

  呢篇文講無綫電視英文頻道。想搵第二個意思嘅話，請睇明珠台 (搞清楚)。

明珠台 Pearl
國家／地區	香港
邊位屬下	無綫電視
啟播	1967年11月19號（模擬版本） 2007年12月31號（數碼版本）
停播	2020年11月30號夜晚23時59分59秒（模擬版本）
視頻格式	模擬（PAL）：576i 4:3 數碼（DTMB）： 2012年10月28號02:50之前 576i 16:9（標清） 2012年10月28號02:50開始 1080i 16:9（高清）
用乜話	以英語為主
口號	We're all connected 與你脈搏相連（2016年7月） What is wisdom to you? （2016年11月起）
類	綜合
播出地區	香港、澳門、廣東省、美國
收視率	1.0收視點（黃金時段）（2018年，資料來自電視廣播有限公司年報）
總部位置	香港新界將軍澳工業邨駿才街77號電視廣播城
姊妹頻道	翡翠台、J2、無綫財經·資訊台
網站	頻道官方網站
收睇方法 地面電視 香港免費電視 隨地區而變 地面數碼電視 香港免費電視 84頻道 衛星電視 美國DISH 9798頻道（美國版） 有線電視 澳門有線電視 83頻道 廣東各地有線電視供應商 隨地區而變 澳門基本電視頻道 84頻道(數碼制式) UHF 25頻道(模擬制式) 線上收睇／OTT myTV 明珠台直播頻道 網上直播 香港myTV SUPER 84頻道

 明珠台（粵拼：ming4 zyu1 toi4） （英文：Pearl）係無綫電視嘅英文電視頻道，部分節目以普通話、日本話或者韓文作麗音廣播。

無綫電視喺1967年11月19號成立，係香港第一個商營無綫電視台，提供免費電視廣播服務。於2007年上半年，黃金時段內（下午7時至午夜），明珠台嘅英文電視頻道平均收視約佔百份之七十，係全港收視率最高嘅英文電視頻道。

1991年，明珠台開始採用麗音廣播服務，提供多語言聲音廣播，觀眾可自行選擇廣播語言（而喺2007年12月31號啟播嘅數碼版本，就採用多重AC-3位流提供多種語言廣播）。基本上，明珠台喺部份節目提供廣東話同埋英文作廣播（主要喺連續劇，紀錄片等其他類型節目比較少）。而中文字幕喺下晝6點20分後，於大部份節目提供。

明珠台全港模擬電視訊號發射頻道同埋頻率

發射站	頻段	頻道
慈雲山（主）	UHF	第25頻道
青衣	UHF	第24頻道
虎地	UHF	第26頻道
將軍澳村	UHF	第28頻道
西貢對面海、元朗374山	UHF	第30頻道
元朗新時代廣場	UHF	第33頻道
荃灣	UHF	第36頻道
青山、飛鵝山、赤柱、石壁、紅花嶺	UHF	第38頻道
金山、南朗山、砵甸乍山、康樂園、大欖涌141山	UHF	第39頻道
大埔泮涌村	UHF	第40頻道
營盤	UHF	第45頻道
鴨脷洲及香港仔	UHF	第46頻道
大澳	UHF	第49頻道
柴灣、聶高信山、筆架山、大嶼山275山、上洋山、元朗297山、屯門	UHF	第50頻道
九龍坑山、南丫島、琵琶山、照鏡環山、橫洲、石崗、大埔仔、沙頭角消防局	UHF	第51頻道
東涌	UHF	第52頻道
葵涌大白田	UHF	第55頻道
中西區	UHF	第57頻道
坑口村、九華徑、元朗龍田村	UHF	第58頻道
深井、長洲、茶果嶺	UHF	第60頻道

• 來源：香港電視廣播服務頻率表

節目

明珠台絕大多數晚間節目都有以NICAM（麗音）技術（模擬版本）或者係多重AC-3位流（數碼版本），作多種語言廣播。尤其係晚間播出嘅部分綜合節目同埋電視劇、電影等等，都有英粵、日粵雙聲道。佢嘅英文劇收視係全港最高。

電影

從前，明珠台播放電影嘅時段係最受歡迎嘅節目。根據AC尼爾森喺2001年嘅調查中，「明珠930」（現稱「周末大電影」）係全香港觀眾最鍾意嘅電視節目。節日期間會播出唔同主題嘅電影。例如喺情人節前一星期，播出愛情主題電影；而萬聖節期間，會播出以恐怖為主題嘅電影。現時「周末大電影」逢星期五六日晚9:30播出。

電視劇

明珠台亦重點播英語戲劇節目，間中亦會播放韓劇、日劇、台劇。一些曾經喺明珠台播放嘅外購節目，亦被香港嘅電視台用類似嘅題材製作成香港版本。

綜合資訊節目

明珠台其他節目包括紀錄片、資訊節目、音樂節目，戲劇節目及娛樂節目等。

轉播教育電視節目

由於香港政府並無自行運作嘅電視台，政府規定兩間免費電視台一定要播放香港電台嘅節目，其中教育電視早喺1971年開始播，根據香港嘅教育制度，將中文、英文、數學、常識、普通話等教育節目，畀中小學學生睇。而教育電視節目就喺每年嘅32個星期播映期間，被安排喺香港兩間免費電視台嘅非主流頻道——無綫電視明珠台同亞洲電視國際台播出。播放模式係：上晝8點至中午12點由其中一間電視台（舉例：無綫明珠台）播出，中午12點至4點就由另一間電視台（依上例子就係亞視國際台）播出。下一學年兩間電視台嘅播放時段互換。而由2006年9月18號開始，教育電視播放時間縮短為兩個鐘，上晝時段由上晝10點至中午12點，而下晝時段就係由下晝2點至4點。

台徽

明珠台啟播時，台徽最初同翡翠台標誌一樣，後尾開始獨立用自己嘅台徽。台徽大致同翡翠台標誌相似，只不過將白框改成圓形，再形成「P」的形狀，代表Pearl的字頭「P」字。1989年11月，無綫進行大改革，並將台徽統一，明珠台P形台徽就無咗。統一後，為避免同翡翠台標誌撈亂，無幾耐再喺台徽底下加上「Pearl」嘅英文字樣。