無綫電視J5台

  呢篇嘢講嘅係2016年2月到2017年8月嘅香港數碼電視第85頻道。

• 想揾2007年12月到2016年2月嘅同一頻道嘅話，請睇「高清翡翠台」。
• 想揾2017年8月打後嘅同一頻道嘅話，請睇「財經 體育 資訊台」。

J5
國家／地區	香港
邊位屬下	電視廣播有限公司
啟播	2016年2月22號 凌晨3點
停播	2017年8月15號 清晨6點
視頻格式	數碼（DTMB）：1080i 16:9（高清）
用乜話	粵語、普通話
口號	財富與知識
類	自製財經同資訊節目、外購紀錄片、劇集、電影同資訊節目
播出地區	香港、 澳門、 廣東省
總部位置	香港新界將軍澳工業邨駿才街77號電視廣播城
前稱	高清翡翠台
替代者	財經 體育 資訊台
姊妹頻道	翡翠台、J2、明珠台
網站	頻道官方網站
收睇方法 地面數碼電視 香港免費電視 85頻道 有線電視 廣東部分地區有線供應商 隨地區而變 澳門基本電視頻道 轉為模擬制式，隨地區而異 澳門有線電視 85頻道 線上收睇／OTT myTV J5直播頻道 網上直播 香港myTV SUPER 85頻道

J5台徽

無綫電視J5台（英文：TVB J5，官方多數叫J5，亦可以叫J5台），係香港無綫電視其中一條高清數碼電視頻道，頻道冧巴85，喺2016年2月22號正式啟播，取代原先嘅高清翡翠台。2017年8月15號開始，呢個頻道變做財經 體育 資訊台。

J5係一係完全獨立嘅頻道，唔似得佢前身高清翡翠台每日黃金時段都會同翡翠台做同步廣播。佢嘅定位係一條財富同知識並重嘅全新頻道，播放自製財經資訊節目，由新聞部負責製作，亦會播放外購紀錄片、劇集、電影同綜藝節目。

J5黃金時段部份節目用普通話播，無粵語配音；當中嘅普通話新聞嘅字幕同自製圖表都用簡體中文，無繁體中文揀。