廣播

廣播發射站

廣播（英文：Broadcasting）係用電訊技術由傳媒傳播聲音同視像畀大眾嘅行為，可以分做齋聲嘅無綫電廣播（電台廣播）同有聲有畫嘅電視廣播兩大類。皆因前者嘅技術出現先，有時講「廣播」兩字係專指「電台廣播」。

有線廣播

有線廣播（英文：Cable radio）係一種通過金屬導線或光纖將電台節目直接傳送畀用戶接收設備嘅廣播形式。

歷史

最早嘅有線廣播源自有線電話。有線廣播嘅創造者畀認為係波蘭裔嘅心理學家，哲學家，公關人員同發明家朱利安·奧霍羅維奇，佢喺電氣工程，電視，攝影同化學等領域表現出色，並發明咗雙模電池電話。1880年，佢成功研製用導線把劇院入面嘅音樂節目傳輸出去嘅播音設備，之後歐美各國劇院紛紛採用有線電話嘅方式傳送演出實況。