無綫新聞對香港非建制派嘅唔公平對待

出自維基百科,自由嘅百科全書

無綫新聞一般被視為親中派媒體,報導嘅觀點偏向北京或香港政府官方嘅聲音。喺處理一啲同香港非建制派有關嘅新聞時,無綫新聞有時會被部分嘅人批評,唔公平咁對待非建制派,反而會畀親中派充足嘅時間解釋佢哋嘅觀點。加上部分無綫新聞嘅高層同親中派嘅關係,喺社會上有一定爭議。喺呢啲問題上,有時無綫新聞都會回應否認。

事件[編輯]

2015年港大法律學院前院長陳文敏競選副校事件[編輯]

2015年,香港大學法律學院前院長陳文敏競選副校嗰陣,引起咗坊間一啲討論。而陳文敏本身同民主派關係唔錯,之前又曾經批評全國人大作「行政決定」侵蝕香港嘅司法權同埋高度自治[1],一啲親中派媒體亦一直對陳文敏攻擊。之後,時任行政長官梁振英就被報道干預學術自主,介入事件,遊說校委會成員唔好委任陳文敏。但係無綫新聞除咗梁振英嘅公開回應之外,其他相關新聞無綫一律無報導[2]

2015年錯誤報導民主、公民黨反對大嶼山新路[編輯]

喺2015年10月,汲水門大橋因為有船撞橋而封閉,搞到大嶼山有兩個鐘變咗孤島,無綫新聞之後報導重提2002年連接大嶼山元朗嘅十號幹線方案,錯誤報導民主黨公民黨反對方案。但當時公民黨未成立,民主黨議員投票贊成,反而係民建聯自由黨聯手否決。通訊局裁定投訴成立,向無綫同無綫網絡電視出警告。不過,無綫新聞只係低調更正報道,無正式更正聲明或者道歉[3]

2016年香港立法會選舉[編輯]

選舉投票日之前,有好幾個民主派候選人宣布退選,希望佢哋嘅支持者集中票源畀其他民主派嘅候選人。不過,無綫新聞就被指為咗幫助親中派選情,特登唔報導呢單新聞[4]

香港反送中運動[編輯]

香港反送中運動期間,無綫電視(特別係無綫新聞)對運動採取負面態度,喺新聞同其他節目內容上都偏頗政府,結果引起唔少市民不滿,喺一啲抗議現場,經常發生示威者包圍TVB記者同採訪車嘅情況。有傳媒比較報導篇幅,亦發現無綫畀反送中運動示威者解釋立場嘅機會比起其他媒體為少,甚至喺剪接上嘗試塑造反送中示威人士「先撩者賤自作自受」嘅訊息[5]

無綫新聞同親中派嘅關係[編輯]

無綫新聞同親中派亦被指友好,令一啲人對無綫新聞有所批評[4]。有啲激進親共派組織,甚至公開稱讚無綫新聞。

曾經喺2015年招攬民建聯前總幹事陸漢德擔任新聞部編輯主任(Managing Editor) 一職,​主力負責本地政治新聞嘅審稿工作。事件引起好多人擔心會唔會有進一步嘅政治審查,但無綫當時就否認事件[2][6][7]。不過,有現職員工喺接受《立場新聞》訪問嘅時候就話,打死都唔信上層請人冇政治考慮[8]。前無綫新聞部主播柳俊江就話,無綫咁做,佢哋嘅政治新聞直程唔使睇,又話佢並唔係普通有政治背景嘅人,而係曾經統籌民建聯選舉工程嘅人,根本唔應該請佢[9]

另外,喺2016年2月立法會新界東補選,無綫新聞亦得到民建聯嘅協助。雖然選舉管理委員會設立咗實時點票嘅結果,但無綫就反而用民建聯嘅點票數據,引來質疑。當時無綫就話民建聯嘅數據快啲,但呢個說法就亦唔係個個都接納[10]

2019年7月16號,激進親共派組織珍惜群組香港記者協會會址請願,聲稱記協濫權同立場偏頗,與此同時,召集人李璧而又點名又讚揚無綫新聞「走位好」[11]

參考[編輯]

  1. 文敏嘆人大政決定侵蝕港司法權高度自治 | 即時新聞 | 要聞 | 20180520. web.archive.org. 2018-06-17. 歸檔時間2018-06-17. 喺2021-06-23搵到.{{cite web}}: CS1 maint: bot: original URL status unknown (link)
  2. 2.0 2.1 建聯總幹事加盟無綫新聞部 | 立場報道 | 立場新聞. 場新聞 Stand News. 原著喺2021-06-25歸檔. 喺2021-06-23搵到.
  3. 報民主、公民黨反對大嶼山新路 通訊局警告無綫 | 立場報道 | 立場新聞. 場新聞 Stand News. 原著喺2021-06-25歸檔. 喺2021-06-23搵到.
  4. 4.0 4.1 Au, Cheuk Hang; Ho, Kevin K. W.; Chiu, Dickson K.W. (2021-04-19). "The Role of Online Misinformation and Fake News in Ideological Polarization: Barriers, Catalysts, and Implications". Information Systems Frontiers (英文). doi:10.1007/s10796-021-10133-9. ISSN 1572-9419.
  5. 撩者賤、自作自受? — 對 TVB 報道 7.21 元朗白衣人襲擊事件手法的觀察 | 讀者投稿 | 立場新聞. 場新聞 Stand News. 原著喺2021-06-24歸檔. 喺2021-06-23搵到.
  6. BeeMedia; AM730. [am獨家]民建聯總幹事空降無綫新聞部. AM730 香港免費派發的報紙 (Online Edition of am730). 原著喺2020-11-15歸檔. 喺2021-06-23搵到.
  7. 周雪君 (2015-03-02). TVB新聞部聘民建聯前總幹事 專責政治新聞. The News Lens 關鍵評論網 (中文). 喺2021-06-23搵到.
  8. 綫新聞部現職員工:請人冇政治考慮 打死都唔信 | 立場報道 | 立場新聞. 場新聞 Stand News. 原著喺2021-06-23歸檔. 喺2021-06-23搵到.
  9. TVB聘民建聯總幹事任新聞編輯主任 柳俊江:依間政治新聞直程唔洗睇啦. life.memehk.com (英文). 原著喺2021-05-05歸檔. 喺2021-06-23搵到.
  10. 東補選民建聯數據惹質疑 無綫:快過選舉事務處公布 (07:56) - 20160229 - 港聞. 報新聞網 - 即時新聞 instant news (繁體中文). 喺2021-06-23搵到.
  11. 惜群組不滿記協譴責警察 斥黑記者、黑傳媒 | 獨媒報導. . 原著喺2020-01-12歸檔. 喺2020-01-12搵到.