高清翡翠台

出自維基百科,自由嘅百科全書
Jump to navigation Jump to search
搞清楚 呢篇嘢講嘅係2007年12月到2016年2月嘅香港數碼電視第85頻道。
高清翡翠台
HD Jade
HDJade-1march2013.jpg
國家/地區 香港
邊位屬下 電視廣播有限公司
試播 2007年12月10號
啟播 2007年12月31號下午7時
停播 2016年2月22號凌晨3時
視頻格式 數碼(DTMB):1080i 16:9(高清)
用乜話 粵語
綜合娛樂
播出地區 香港澳門廣東省
總部位置 香港新界將軍澳工業邨駿才街77號電視廣播城
替代者 J5
姊妹頻道 翡翠台J2明珠台

 高清翡翠台粵拼gou1 cing1 fei2 ceoi3 toi4 (HD Jade)係香港無綫電視旗下一條以高清格式播放嘅數碼電視頻道,喺2007年12月31號夜晚7點正式開播,係香港全日24個鐘廣播嘅免費高清電視頻道,有高清製作同升頻到1080i既節目,每日黃金時段都會同翡翠台做同步廣播。2016年2月22號開始,呢個頻道變做無綫電視J5台

播放格式[編輯]

頻道嘅影像用 H.264/MPEG-4 AVC 格式編碼,畫面比例係 16:9。喺大部分高清節目播嘅時候,右下角都會有一粒「HD」嘅標誌,由2008年11月起,為配合台慶,加入咗「TV Buddy」飛出嚟嘅動畫,到而家都重用緊。

聲音方面,高清翡翠台用Dolby AC-3編碼;而家TVB拍嘅電視劇暫時冇環迴立體聲,淨係會用立體聲播放,但係如果外購嘅電視劇集同電影有用環繞聲,就有埋環繞聲效果。

開播情況[編輯]

高清翡翠台喺2007年12月29號起試播,高清翡翠台同翡翠台同步播出外購高清電影《愛君如夢》。

2007年12月31號夜晚7點,高清翡翠台啟播,並製作《數碼電視新紀元》開播典禮,當晚7點半播出首個全高清自製節目《東張西望》,然後係TVB自製高清處境劇,緊接嘅係《翡翠高清首映禮》、《奧海城全城狂歡邁向2008》,同埋《「幻彩詠香江」除夕倒數》,以上節目都用全高清,無用增線技術,除咗《東張西望》嘅部分採訪片段,因為高清攝錄架生唔夠,唯有用標清攝錄器材拍攝。

另外,香港首齣用高清播嘅外購電影,係高清翡翠台喺2008年1月1號朝早播映嘅《天下無賊》同翡翠台同步播放。

節目[編輯]

呢條高清頻道主要播放無綫電視製作嘅高清劇集綜藝節目紀錄片,同外購紀錄片外購劇等。啟播當晚,無綫電視製作大型節目同晚宴,用高清放映。播放初期,每日放映唔少過4個鐘真正以高清攝製嘅自製或外購節目,而其餘時間就會用增線技術,將唔係高清解像度的節目提升至1080i放映;而2008年下半年,將會有多過75%嘅時間以全高清放映。

每日嘅部分黃金時段,呢條頻道同翡翠台同步播放;高清頻道全部節目以高清或經過增線嘅技術播,或重播當日嘅高清節目。另外,當日娛樂直播嘅節目係翡翠台前日嘅節目,與翡翠台同步播放,同步播放時,翡翠台嘅畫面頂部標示為「較早前錄影」。

無綫電視2008年7月13號開始改為16:9標清拍攝及播放,並計劃喺北京奧運後播高清新聞,而呢條頻道喺北京奧運期間全日播放奧運賽事(包括直播同重播奧運賽事)。

海外播放[編輯]

馬來西亞[編輯]

TVB奧運頻道無綫電視馬來西亞Astro一齊開辦嘅奧運頻道,喺2008年8月7號啟播,2008月8月27號停播。

呢個頻道播出嘅節目同高清翡翠台一樣。而係高清翡翠台播緊其他節目嘅時候,呢個頻道就會以TVB奧運宣傳片、本地嘅廣告同埋奧運歌曲MV嚟填時間,高清翡翠台播番奧運節目嘅時候,呢個頻道亦都會一齊播映。呢條頻道喺北京奧運完咗之後嘅兩日內(即係8月25同埋8月26號)重播《北京奧運開幕式》同埋《北京奧運閉幕式》,最後一個節目係《京奧最難忘》。

雖然奧運期間高清翡翠台播嘅係高清畫面,但係因為馬來西亞未有高清電視服務,所以只係用數碼標清576i4:3嘅比例播映。

睇埋[編輯]

出面網頁[編輯]