車淑梅

出自維基百科,自由嘅百科全書
跳去導覽 跳去搵嘢
車淑梅
出生日1957年10月14號 喺Wikidata改呢個 (64歲)
配偶張文新 喺Wikidata改呢個

車淑梅MH英文CHEA Shuk Mui, Candy1957年10月14號—)係香港廣播員,香港電台第一台《開心日報》、《舊日的足跡》節目主持人,主持過香港電台第二台早晨節目《晨光第一線》。

個人背景[編輯]

車淑梅原本係蒙古人,幾十年前移民香港[1]。早年喺馬頭圍邨居住,就讀馬頭涌官立小學上午校。佢小學畢業後做過塑膠公仔噴漆工人[2],以為半工讀鋪路。其後喺伯特利中學(1976年下午校英文部中五)同埋萃華英文書院(已結束辦學)預科畢業[3]

雖然佢喺香港出世,但佢自細同契媽喺元朗居住,學到滿口客家話,結果反而唔識講廣東話。之後做咗傳媒工作者,經努力加上家姐嘅車森梅幫助,成為語言流利嘅港台首席主持人。[4]1967年透過參加《空中小園地》加入電台兒童節目播音。中學畢業後,車淑梅擁有真正屬於自己嘅節目《車天車地》(星期六播放,一般會同佢個名一齊叫做「車天車地車淑梅」)。另外佢亦喺土瓜灣珠江戲院附近嘅夜校教過書[2]

一九八零至一九九零年代開始連續多年蟬聯香港大學民意研究計劃全港電台收聽調查》十大最受歡迎電台節目主持人第一位,因此被一啲人封為香港金牌DJ[5]。1992年被一名電台聽眾提名,成功獲選香港十大傑出青年。2009年接受美國CNN訪問 [6]。車淑梅更加喺2010年《讀者文摘》舉行嘅香港「最受信任的人物」網上調查入面上榜。

家庭[編輯]

佢老公係香港電台電視部助理廣播處長張文新,兩人有1仔1女,大仔2011年有26歲,美國費城賓夕凡尼亞大學經濟學心理學畢業,返咗香港幾年;細女喺美國麻省理工學院環境工程管理學[7]。家姐車森梅亦係電台主持人播音員

事件[編輯]

以「Chow Yun Fuck」稱呼周潤發[編輯]

喺1999年12月,電影《安娜與國王》首映禮入面,車淑梅因為周潤發唔肯接受佢訪問,以「Chow Yun Fuck」稱呼週潤發,仲要連續兩次,引起全場嘩然[8]

被梁家輝形容係八婆中嘅八婆[編輯]

1992年,梁家輝應承咗港台節目主持陳海琪做訪問,當時梁家輝主演嘅法國電影《情人》上映,由於內有大膽牀上戲,所以受到唔少人關注,但港台事前無知會梁家輝,就叫咗大批記者到場,令梁不滿而決定臨時甩底,車淑梅之後喺節目暗指梁家輝嘅保母辦事不力,梁家輝就更加扯火,除咗向高層吳錫輝投訴,仲形容車淑梅比八婆更八婆。車淑梅之後回應批評,就話如果件事係真嘅話,梁家輝好無風度,又話自己只係話有啲時候藝人保母聯絡工作做得唔好,並冇指名道姓針對邊個[9]

Roadshow失眠產品廣告被網民關注[編輯]

車淑梅曾經為一個紓緩精神嘅健康產品賣廣告,由於當時廣告喺Roadshow長期播放,加上車淑梅入面嘅表情被有啲人覺得誇張,所以車淑梅呢個廣告不時成為網民討論話題[10][11]

俄羅斯入侵烏克蘭事件期間不當言論[編輯]

內文:俄羅斯入侵烏克蘭戰爭入面同香港有關嘅事件#車淑梅、朱庭萱轉載不當言論

政治立場[編輯]

車淑梅無公開表達過自己支持邊個政治陣營,但就曾經喺文匯報專欄《淑梅足跡》撰文,為激進親中共派人士高松傑宣傳[12]。另外,喺2021年9月華為副董事長孟晚舟向加拿大政府承認華為喺伊朗業務誤導銀行而獲釋後,車淑梅亦喺社交媒體公開讚揚孟晚舟「不屈不撓、從容有禮」,稱讚佢係堅強不屈嘅中華女兒[13]

個人榮譽[編輯]

參考[編輯]

  1. 港台我有份:故事姐姐成為「十大傑出青年」(香港電台/RTHK)
  2. 2.0 2.1 "曾從事過的職業". Candy Chea. 2020-04-07. 歸檔時間2021-01-15. 喺2021-01-15搵到.{{cite web}}: CS1 maint: bot: original URL status unknown (link)
  3. "李龍基返母校開唱". 東方日報. 2012-06-29. 原著喺2016-03-05歸檔. 喺2015-06-27搵到.
  4. "港台我有份:故事姐姐成為「十大傑出青年」 (香港電台 / RTHK)". 原著喺2021-04-21歸檔. 喺2007-10-27搵到.
  5. "存档副本". 原著喺2009-04-27歸檔. 喺2010-03-10搵到.
  6. [1]
  7. 淑梅姐姐教您培育孩子
  8. "《安娜与国王》首映礼爆发骂战". ent.sina.com.cn. 喺2022-02-28搵到.
  9. "娛樂怪史:梁家輝喪鬧車淑梅". 蘋果日報. 2007-05-18.{{cite news}}: CS1 maint: url-status (link)
  10. "曾因噪音滋擾停播 九巴RoadShow傳今年內復播". hk.news.yahoo.com (中文). 喺2022-03-03搵到.
  11. "傳今年內復播RoadShow 九巴:探討善用車廂設備". www.bastillepost.com. 2019-03-29. 喺2022-03-03搵到.
  12. "淑梅足跡:高松傑「軟招」感化不同政見子女 - 香港文匯報". paper.wenweipo.com. 喺2021-03-30搵到.
  13. "太好了!恭喜孟晚舟女士終於回國了……". Facebook. 喺2021-09-25搵到.{{cite web}}: CS1 maint: url-status (link)
  14. "歷屆香港傑青" (繁體中文). 國際青年商會香港總會.
  15. "二○一二年授勳名單" (新聞稿) (繁體中文). 香港政府新聞公報. 2012年6月30號.
  16. "嶺南大學將頒授榮譽院士銜予四位傑出人士" (新聞稿) (繁體中文). 嶺南大學 (香港). 2018年9月26號.
  17. "嶺南大學頒授榮譽院士銜予四位傑出人士" (新聞稿) (繁體中文). 嶺南大學 (香港). 2018年10月11號.
  18. "贊辭 車淑梅女士" (PDF) (繁體中文). 嶺南大學 (香港)."Citation Ms Candy CHEA Shuk-Mui" (PDF) (英文). 嶺南大學 (香港).
  19. "二○二一年授勳名單 附件:二○二一年授勳名單" (PDF) (新聞稿) (繁體中文). 香港政府新聞公報. 2021年7月1號. p. 39.
  20. "車淑梅 Candy CHEA Shuk-mui 2021 榮譽院士" (繁體中文). 香港演藝學院.

出面網頁[編輯]