馬恩賜

出自維基百科,自由嘅百科全書

馬恩賜,真名馮志強,係香港馬評人同電台節目主持[1]

簡歷[編輯]

馬恩賜1975年喺香港中文大學崇基學院社會系畢業[2],喺1970年代尾開始寫馬評,幫《號外》雜誌寫賽馬專欄,後嚟更喺幾份報紙寫馬評,曾經做過《新報》馬經版同《資本馬報》嘅總編輯。1990年就幫香港電台主持賽馬節目,直至到2005年港台停播賽馬節目為止。亦喺香港電台主持清談節目《講東講西》。

馬恩賜同張福元係最初嘅「理論派」馬評人,用統計數據將「社會學」嘅理論同方法加入馬評之中,同傳統嘅馬評人用睇馬匹晨操狀態同內幕消息嘅方法揀馬方式唔同[3]

2011年,馬恩賜加入香港數碼廣播有限公司做節目主持,同陳華棟何其準醉不平黃志康等合作主持賽馬直播節目,並且同黎則奮主持節目《傾國傾城》。2012年10月10號隨住數碼廣播電台停播而停止。而家喺港台主持清談節目《講東講西》做第二主持人。

筆名來源[編輯]

馮志強用「馬恩賜」呢個筆名,係早期幫「黎則奮」喺《號外》寫《馬恩賜專欄》嘅時候同佢一齊用嘅,喺1982年至1983年,「張福元」加入,並且用埋呢個筆名。到後期佢哋兩個人改番用自己個真名,馮志強就繼續用呢個筆名到而家。

參考[編輯]