方健儀

方健儀

方健儀（Akina Fong，1977年1月28號—）係香港新聞工作者。

生平

方健儀讀過沙田官立中學。1999年喺香港中文大學新聞與傳播學院畢業之後加入香港電台中文新聞部做記者。2004年去英國伯明翰大學修讀國際關係碩士課程，畢業之後一度喺紐約市嘅聯合國總部做嘢，返香港之後加入無綫新聞做高級記者，主要採訪重點新聞、治安、交通同埋衛生方面嘅新聞。

2010年10月10號（三條十），方健儀同無綫新聞工程人員洪楚恆結婚。

2012年2月24號，方健儀最後一日任職無綫電視，之後去香港廉政公署做高級新聞主任。最後一晚做晚間新聞主播時，佢最後同觀眾講咗一句「多謝支持，後會有期」。

2019年，方健儀話以住過公屋為榮，得到網民激讚。 佢近年熱愛運動，注重健康，經常長跑。

演唱歌曲

除咗報導新聞同主持節目外，佢都會喺其他方面試新嘢。好似喺2015年何韻詩「十八種香港HOCC」演唱會上演唱舊曲新詞作品〈中東與綜〉（原曲：〈風箏與風〉，主唱：Twins），內容取材自無綫記者麥詩敏錯讀「中東呼吸綜合症」事件。

出面網頁

• 方健儀嘅新浪微博（需要註冊）