2008年夏季奧林匹克運動會

出自維基百科,自由嘅百科全書
(由北京奧運跳轉過來)
Jump to navigation Jump to search

第廿九屆奧林匹克運動會2008年8月8號8月24號中華人民共和國首都北京入面舉行嘅一屆奧運會,呢次係中國第一次搞奧運,重係繼1964年嘅東京同1988年嘅漢城(而家係首爾)之後,第三個亞洲城市嚟搞奧運。[1]

背景[編輯]

中國國家博物館門前嘅2008奧運會倒計時牌

北京曾經喺1993年申請舉辦2000年夏季奧林匹克運動會,但喺最後一輪投票以兩票之差輸畀澳洲悉尼1998年,北京再次提出申辦2008年奧運會,以「新北京,新奧運」為競選口號,重提出咗「綠色奧運」、「人文奧運」同「科技奧運」嘅理念。同第一次申辦嗰陣一樣,有94.7%嘅中國人民都支持北京申辦奧運會[2]。雖然喺交通環境等一系列問題上畀啲國際媒體同人士都話擔心,但喺2001年7月13日莫斯科舉行嘅國際奧委會第112屆年會度,奧會主席薩馬蘭奇宣佈,北京喺兩輪投票入面,以超過大半嘅票數擊敗咗多倫多巴黎伊斯坦布爾大阪呢4個城市,攞咗2008年奧運會嘅主辦權。

2003年8月3號,2008年奧運會嘅會徽正式發佈。會徽由成龍同埋鄧亞萍共同捧出。

2004年6月,曾經傳出中國國家體育總局動用奧委會資金嘅傳聞,喺國內及世界上造成一啲負面影響。

喺奧運市場開發方面,除咗完成場館建設嘅大部分法人招標外,北京奧組委已經確定咗6個合作夥伴,其中包括多間中國本地企業。奧運會嘅贊助商計畫喺2005年開始啟動。

2004年10月,國際奧委會主席羅格訪問北京視察奧運會嘅籌備情況,對目前嘅進度表示滿意。北京市政府重同國際奧委會共同確定2008年奧運會嘅開幕式將喺2008年8月8號夜晚8點舉行,象徵吉祥。

2005年6月26號,呢次奧運會嘅主題口號正式公佈。

馬術項目方面,國際奧委會同埋馬術聯會喺2005年7月8號中午喺新加坡宣佈,香港獲得馬術主辦權,馬術場地定喺香港沙田火炭沙田體育學院。即使香港運動員對需要從訓練基地遷出感到憂慮,但隨住奧運馬術由香港協辦,運動員無奈接受,搬去烏溪沙青年新村

2005年11月11號,北京舉行咗「北京2008奧運會吉祥物發佈暨倒計時1000天」活動,喺活動中公佈2008年夏季奧林匹克運動會吉祥物

象徵[編輯]

會徽[編輯]

會徽係稱之為「中國印•舞動嘅北京」,將中國印、中國字同五環徽結合埋一齊,由漢字「京」字變化而成。白色嘅線條象徵一個運動緊嘅人。另外,據一啲細心網友觀察後發現,由於中國印係由「京」字變化而成,而變異後嘅「京」字形象,令人覺得非常似清朝時期中國人卑躬屈膝嘅樣,認為呢個中國印有損中國人形象。就一般視覺美術來講,變異後嘅「京」字似個蹦跑嘅人形,貼切咁將北京同奧運會聯繫埋一齊。人形張開嘅雙手亦可以視為「北京歡迎你」嘅表示。

吉祥物[編輯]

喺北京一間商場嘅奧運特許商品專櫃前,人潮湧現,爭住買吉祥物福娃公仔紀念品
內文: 福娃

吉祥物由五個形象組成,總名係福娃,分別係:貝貝(鯉魚形象)、晶晶(大熊貓形象)、歡歡(奧林匹克聖火形象)、迎迎(藏羚羊形象)、妮妮(北京燕子形象),係普通話「北京歡迎你」嘅諧音,顏色亦係奧運五環嘅顏色。呢組吉祥物係權衡知識產權保護、市場開發、展現中華文明、大眾嘅喜愛程度等各個因素而決定。

口號[編輯]

呢屆奧運會口號,中文版本係「同一個世界,同一個夢想」,英文版本係「One World, One Dream」,兩者一齊用。

第29屆奧林匹克運動會組織委員會解釋呢個口號:

  • 集中體現奧林匹克精神嘅實質同埋普遍價值觀——團結、友誼、進步、和諧、參與同埋夢想,表達全世界喺奧林匹克精神嘅感召下,追求人類美好未來嘅共同願望。
  • 深刻反映北京奧運會嘅核心理念,體現作為「綠色奧運、科技奧運、人文奧運」三大理念嘅核心同埋靈魂嘅人文奧運所蘊含嘅和諧嘅價值觀。
  • 英文口號「One World, One Dream」句法結構係具有鮮明特色。兩個「One」形成排比,「World」同埋「Dream」前後呼應,整句口號簡潔、響亮,寓意深遠,既係易記上口,又係便於傳播。

但有人認為以前已經有相近口號用喺唔同嘅賽事。亦有人認為呢種口號間接反映中華人民共和國官方嘅「正統」觀念:追求大一統,重視差異。

主題曲[編輯]

呢次奧運會嘅主題曲係《我和你》。

北京2008年奧運會歌曲嘅徵集活動,一共收到八萬幾首歌曲。除咗主題曲,北京2008年奥运会暨残奥会火炬接力主题歌同埋北京2008年奧運會暨北京2008年殘奧會志願者主題曲分別係《點燃激情 傳遞夢想》、《我是明星》同《微笑北京》。歌曲徵集過程中同時開辦名為《唱響奧運》嘅電視同廣播節目。倒數一周年主題曲係《We Are Ready》,倒數一百日嘅主題曲就係《北京歡迎你》。

籌備工作[編輯]

起場館[編輯]

北京奧運會嘅場館建設喺申辦成功之後就好快展開,包括奧運會開幕會場中國國家體育場中國國家游泳中心中國國家體育館五棵松文化體育中心奧林匹克公園等重要場地已經開工,預計全部工程喺2007年完工。全部工程耗資預計將達21億美元,大部分資金已經通過法人招標融資獲得,得標企業可獲得奧運場館喺奧運會結束後30年嘅經營權。而部分建喺大學區嘅場館就會交畀各大學院校使用,另有一啲場館就會交由國家體育總局管理。奧運村喺奧運會結束之後亦會以商品住房嘅形式向公眾出售。

由於規劃中嘅各奧運場館設計方案都非常大膽新穎,而且耗資巨大,引起社會公眾同好多專家學者嘅廣泛討論與好大爭議,30多位中國科學院中國工程院院士曾喺2004年7月聯名上書,喺經費、設計和安全等方面對好多工程嘅方案提出疑問。2004年7月底,北京市政府提出「節儉辦奧運」嘅思想,對眾多原設計方案進行修改,其中最受注目嘅奧運主場館國家體育場(因佢嘅外觀設計似一個鳥巢,又被俗稱為「鳥巢」工程)嘅施工被暫時停止,喺修改咗原定方案之後至重新開工。新嘅方案取消咗極具爭議嘅可開啟頂蓋,優化建築鋼結構以節約鋼材用量,預定建設成本亦由原先嘅38.9億人民幣減少到22.7億人民幣。其他多個奧運場館亦修改咗原定設計方案以節省支出。

奧運馬術方面,國際奧會和馬術聯會喺2005年7月8日中午於新加坡宣佈,香港獲得馬術主辦權,馬術場地假定喺香港沙田火炭沙田體育學院。原址將會遷到烏溪沙青年新村

基礎設施建設[編輯]

北京預備重點改善城市交通,包括擴大公共交通網路,增加停車設施與城市道路,預計到奧運會期間要增加、改建道路總公里數達318公里。此外,北京首都國際機場將增加1條跑道,1座候機室和44個停機坪。城市鐵道交通方面,將增加2條地鐵和1條輕軌鐵路,整個喺改善城市交通方面嘅總投資就可能達到900億人民幣。[2]

利用主辦奧運會嘅契機,北京仲將會大力改善令人擔憂嘅城市環境狀況,包括建設120平方公里嘅綠化隔離帶,搬遷治理200家污染企業,降低市區工業用地比例。喺通訊方面仲需要建成為奧運會服務嘅光纖網路、數位寬頻海底光纜數位化衛星電視系統等。[3]

聖火傳遞[編輯]

內文: 2008年奧運會聖火接力

今屆奧運聖火火把有個名叫「祥雲」[3],由聯想(北京)有限公司創新設計中心設計,靈感來自「淵源共生,和諧共融」嘅祥雲圖案,有代表中國文化意味。「祥雲」以紅色同銀色做主色,長72厘米,重985克,用輕薄高品質鋁合金同中空塑件整,下半部噴咗高觸感塑膠漆,拎上手唔容易滑落。火把嘅火用清潔燃料丙烷嚟燒,可以燒15分鐘,無風嘅話火可以燒到25至30厘米高,如果大風到每小時65公里或者落每小時50毫米大雨都唔會熄。呢支火把設計喺2007年1月國際奧委會批准咗正式用。

聖火傳唔入台灣[編輯]

根據2008年夏季奧林匹克運動會聖火傳遞方案,聖火本來由胡志明市傳去台北市,再傳去香港。不過台灣中華民國政府當局認為聖火傳遞路線係矮化台灣主權,將台灣當係中華人民共和國領土呢個傳遞路線規劃,於是要求「三進四出」(由第三國進入,由第四國出去),唔接受原本第三國入然後由香港出呢個計劃。

國際奧委會畀北京奧林匹克運動會組織委員會中華奧林匹克委員會就北京奧運聖火談判時間底線係瑞士洛桑時間2007年9月21號凌晨零時,但最後都因為地方名稱、旗幟等種種問題講唔掂數,兩邊都自己宣佈聖火唔會經過台北市,係柏林奧運開創聖火傳遞活動有史以來第一個城市喺有邀請下而傳唔到聖火[4][5][6][7][8][9][10]

爭議[編輯]

「自由西藏學生運動」抵制2008年北京奧運會嘅宣傳畫。

2007年8月大陸有四十幾人喺奧運倒數計時一周年嗰陣,發咗封致中共領導人嘅公開信,呼籲搞好奧運同時都要尊重人權,好多知名學者例如作家戴晴胡發雲艾小明重有啲教授都有份簽,其中上海作家兼編戲家沙葉新重係第一次咁樣簽公開信[11]

另外,香港民主黨立法會議員李柱銘美國華爾街日報》發表文章,希望美國總統喬治布殊透過北京主辦奧運呢個機會,要求中國改善人權[12][13]

號召抵制北京奧運會嘅組織同個人名單:

發起人 發起時間 結束時間 發起原因 結束原因
自由西藏學生運動 西藏獨立運動
無國界記者 2002年1月 2007年1月 言論自由
貝魯(2007年法國總統落選人)[14] 2007年3月 達爾富爾問題
羅亞爾(2007年法國總統落選人)可能抵制[15] 2007年3月21日 達爾富爾問題
中川昭一(日本自民黨政調會長,對華鷹派政治家)[16] 2007年3月1日 如果攻打台灣,或者進行大規模的人權打壓
石原慎太郎(日本東京都知事,右翼鷹派政治家)[17] 2005年 2004年亞洲杯日本隊遭中國球迷攻擊
CNKR(協助北韓難民組織)[18] 2003年8月18日 抗議和阻止中國政府將抓獲的朝鮮難民送回朝鮮
保羅麥卡尼(前披頭四歌星)[19] 抗議中國虐待動物
美亞·花露(美國演員,聯合國兒童基金會親善大使)[20] 2007年3月28日
艾華來斯(蘇丹學者)[21] 2007年3月28日 達爾富爾問題
華盛頓郵報》編輯 [22] 2006年12月14日 達爾富爾問題
106位美國議員[23] 2007年5月10日 達爾富爾問題,以及中國為奧運會強迫窮人遷徙
Ronan Seamus Farrow種族滅絕干預網絡[24] 2007年3月28日 達爾富爾問題

史匹堡辭京奧藝術顧問[編輯]

國際間亦將京奧同一啲人道人權問題掛鉤,諾貝爾獎得主婦女倡議團、一啲國家嘅奧林匹克運動員、一百幾個美國國會兩黨成員,希望中國政府採取敦促蘇丹中止達爾富爾嘅種族屠殺。而荷里活著名電影導演史蒂芬史匹堡就因為咁請辭京奧藝術顧問[25],英國運動員亦呼籲中國政府蘇丹施壓,結束達爾富爾人道危機[26]

禁口令[編輯]

除咗人道人權問題,言論自由亦係京奧一樣好有爭議嘅問題,英國奧林匹克協會(BOA)要求運動員喺合約入面加一條條款,就係話選手喺參加京奧嗰陣,唔可以對政治敏感話題評論,唔簽就無得參加奧運,結果引嚟英國反對黨英奧委指責,最後英奧委決定修改合約內容,強調唔會限制運動員嘅言論自由[27][28]

參考[編輯]

  1. 廣州日報 2001年7月14號 北京奧運特輯 A4版
  2. 2001年第4期嘅廣州市中小學生時事學習手冊 第15頁
  3. 北京2008年奧運會火炬 互聯網檔案館歸檔,歸檔日期2007年9月17號,.北京奧運會官方網站
  4. "北京奧組委新聞發言人就2008年奧運火炬傳遞活動不能前往台北發表談話". (原先內容喺2014年11月6號歸檔). 喺2007年10月29號搵到. 
  5. 自由電子報:未國進國出 我拒奧運聖火
  6. 國際奧會今將宣佈 聖火確定不來台
  7. 國際奧委會 京奧運聖火不經過台北,中國評論新聞網,2007年9月20日
  8. "聖火來台破局! 蔡辰威:北京刁難,片面翻盤". (原先內容喺2007年10月9號歸檔). 喺2007年10月29號搵到. 
  9. 聖火不來了 扁:改跑入聯聖火
  10. 努力到19日 高層才決定放棄
  11. 互聯網檔案館嘅[https://web.archive.org/web/20071216165923/http://minzhuzhongguo.org/Article/ShowArticle.asp?ArticleID=2437 歸檔,歸檔日期2007年12月16號,. 中國知名文人簽公開信促尊重人權
  12. 李柱銘奧運言論風波 互聯網檔案館歸檔,歸檔日期2007年10月29號,.明報專題
  13. 李柱銘:有勢力逼他但他不會認錯
  14. Call for Olympic boycott stirs up pre-poll France
  15. 法國總統落選人羅亞爾稱可能抵制北京奧運
  16. 日本高官:「中國是可怕國家!」 抵制北京奧運
  17. 石原慎太郎稱應抵制北京奧運會 為保釣不惜開戰
  18. [1] 互聯網檔案館歸檔,歸檔日期2007年11月2號,.
  19. 甲壳虫:抵制中國貨不去中國演出[失咗效嘅鏈]
  20. "The 'Genocide Olympics'". (原先內容喺2007年8月22號歸檔). 喺2007年10月29號搵到. 
  21. On Darfur, China and the 2008 Olympic Games
  22. China and Darfur: The Genocide Olympics?
  23. China defends Darfur role, deflects Olympic warning
  24. "The 'Genocide Olympics'". (原先內容喺2007年8月22號歸檔). 喺2007年10月29號搵到. 
  25. 中國對達爾富爾問題要做得更多些
  26. "英運動員籲中國結束達爾富爾危機". BBC中文網. 
  27. "北京奧運會"禁口令"風波". BBC中文網. 
  28. "英奧委會被迫更改禁口令 各界批評未歇". (原先內容喺2015年7月8號歸檔). 喺2018年12月16號搵到. 

連出去[編輯]