標準官話

出自維基百科,自由嘅百科全書
(由現代標準漢語跳轉過嚟)
跳去導覽 跳去搵嘢

標準官話,又叫做新國音華語北平官話或者北京官話,係指官話中華人民共和國政府規範化之後嘅標準形式中文标准方言通用語。佢以北京官話中文北京官话為基礎音、官話白話文中文官話白話文著作為語法規範同書面文體。

標準官話喺大中華地區廣泛通行,但係喺唔同地方有唔同標準同稱呼,喺中華人民共和國叫做普通話,喺中華民國叫做國語,喺星加坡同埋馬來西亞等東南亞國家叫做華語香港澳門就以「國語」或者「普通話」稱呼。去到當地,亦混合咗一啲當地其他嘅語言。

喺各地嘅地位[編輯]

星加坡[編輯]

內文:星加坡華語

喺星加坡,華語(唐話)係四種官方語言之一。自星加坡1965年建國以嚟,雙語教育就成為主流教育體系嘅基石。所有星加坡學生除咗以英文為主要教學語言外,仲必須修讀所屬族群嘅「母語」課程。不過,經過40幾年後,英文已成為本地強勢語言,主導日常生活、大部份工作同跨族群交流,好多官方文件都以英文行先。

星加坡華人中文新加坡華人社群入面,華族學生必須接受「英文為主,華文為輔」嘅雙語教育體制,喺基礎教育階段修讀十到十二年嘅華文課程。但相對於英文應用能力,華語喺新加坡嘅教育體系入面教學時間有限,本地學生聽同講嘅能力都勉強可以,但讀寫能力就每況愈下[1]。到咗而家有好多人華人會喺講華語嘅時候混雜咗英文,有啲華人甚至唔識講華語而只係識講英文,被慣用華語嘅華人謔稱為「香蕉人」。

馬來西亞[編輯]

內文:馬來西亞華語

馬來西亞嘅國語馬來話,另外英文亦係官方語言;英文、馬來話、華語、淡米爾文都係獲承認嘅教育語言。多數當地華人同唔少馬來人都識得講華語。喺馬來亞獨立之後,國民型華小同獨立中學都以華語為教學語言,而大多數嘅國民型中學都規定華語為必修科。喺1920年代中後期,開始推廣華語之初,當地華人帶有濃厚方言腔、低音階嘅馬國式華語口音有時會被星加坡華人稱為「聯邦腔」。

如今,華語嘅推廣至今已經喺整個大馬華人社區持續三代以上,廣泛嘅流行亦加速咗語言嘅異變。而政治上嘅不同,加上地理位置確實同兩岸三地有一段距離,當地特色嘅馬來西亞華語已經成型。

參考[編輯]

  1. 吳, 英成. "新加坡雙語教育政策的沿革與新機遇" (PDF).