甲骨文

  想搵數據庫軟件公司Oracle嘅話，請睇甲骨文公司。

龜板上嘅甲骨文

甲骨文係殷商嗰陣嘅字，係家下唐字嘅原形。目前測定年份上下限係公元前14世紀到前11世紀，不過年份尚有爭議。佢之所以叫甲骨文，係因為刻響牛胛骨、龜板等骨頭之之上。殷人燒骨判紋（兆），再刻字卜辭定吉凶。甲骨文幫到史學家好大忙，因為佢將信史推上殷代，同及後史書對比正誤。

商之後周甲骨文就息微，呢個同周人信仰轉變有關。字用其他方式保存落來。

史

牛骨上嘅甲骨文

甲骨文係發展好成熟嘅文字，筆劃同圖畫經已化簡整理，所以應該有之前發展階段，不過家下考古，都未發現到佢之前嘅文字。新石器時代，陶器上係有花紋，但太過簡單，唔足以同甲骨文拉上關係。

發現

甲骨文最初響河南省安陽縣小屯村發現。初時畀人當藥材賣。