北方官話

北方官話，又叫做北方話、華北官話，係漢藏語系漢語族官話嘅分支。現代嘅國語、標準官話（「普通話」），就係以北方官話作為基礎演變而嚟。

北方官話大致分做北京話（北京口音）、東北官話、膠遼官話、冀魯官話同中原官話，另外蘭銀官話同晉語有時都會俾人當做北方官話嘅分支。

北方官話係官話入面分佈最廣、最多人用嘅一支。所有歸類做北方官話嘅官話分支，使用者總和大概係5億幾人，佔中國40%人口。