上海話

出自維基百科,自由嘅百科全書
跳去導覽 跳去搵嘢
用上海話講“維基百科,自由嘅百科全書”

上海話,上海本地叫上海閒話(上海話:Zaon He Ghe Gho),亦都叫做滬語,係吳語太湖片蘇滬嘉小片嘅其中一種方言,主要喺上海嗰頭風行,用家估計有一千萬人。由於近代上海開埠,發展逐漸超越以前嘅大埠蘇州,上海話亦逐漸取代咗蘇州話嘅地位。

定義[編輯]

上海話有廣義跟狹義之分,廣義嘅上海話係上海地區嘅吳語、即包括有上海城區話跟上海各郊區個話(本地話)。一般來講上海話指嘅都係城區個上海話。

歷史[編輯]

中古至近古[編輯]

上海古時屬過嘉定管,後尾又跟到松江府,所以佢啲吳語音韻都係立基於嘉定、松江吳語個音系之上。

近代[編輯]

1843年上海開埠之後直至中華人民共和國一百年期間,好多人湧落上海(1930年前仲屬江蘇管)揾食,其中大部份係江蘇省人,其次係浙江人。江蘇省人之中,又分蘇南吳人跟江北淮人;而浙江人之中又以寧波人、紹興人、衢州人居多[1]。 蘇南吳人同浙江人一齊影響咗上海話好多。其中影響咗最大嘅係蘇州話寧波話,仲有部分借詞來自江淮官話英語法語。喺上海話嘅音系轉變得好大嘅時期當中,傳教士編寫有好多辭書,包括《新字上海土音》(1850)、《英漢上海方言詞典》(1901)、《上海方言常用習慣用語》(1908)等等,之後為今時今日嘅學者提供研究上海話甚至吳語音變提供寶貴材料。

音韻[編輯]

上海話音系自近代到而家嘅變動好大,所以要分細啲討論。上海話分代有幾種,主要分成老派、中派、新派等。按照沈同(1981)嘅定義,老派指大概1910年代嘅人,新派就指大概1970年代嘅人,而中派就視乎語音特點介於新老派而定[2]

1990年以降,由於普通話嘅推廣等等原因,新派之後嘅上海話重發生咗部分音位嘅合併同埋字音借讀,呢啲新變化、重未穩定落來嘅音系就統稱「新新派」。

對於晚清時期嘅上海話,一般用具體成書年代界定。

晚清音系[編輯]

老派[編輯]

新派[編輯]

「新新派」[編輯]

現狀[編輯]

參考[編輯]

  1. 谢, 俊美 (1980). "上海历史上人口的变迁". 社会科学 (3).
  2. 沈, 同 (1981). "上海话老派新派的差别". 方言 (4): 275-283.