方言

出自維基百科,自由嘅百科全書
跳去: 定向搵嘢

想搵呢個詞嘅第啲意思,睇下【方言 (搞清楚)

方言係一個語言學術語,英文Dialect。方言分兩種,一種叫「地域方言」(英文regional dialect),另一種叫「社會方言」(英文SociolectSocial Dialect)。地域方言係語言嘅地域變體,多數嚟講地域方言係因為大規模移民之後,久而久之演變出嚟。而社會方言係語言嘅社會變體,同一種話因為唔同人嘅職業、階層、年紀、性別差異,而喺講嘢嘅口音措辭、言談之間會有唔同,例如上流社會同低下層社會嘅人講嘢就有唔同。社會方言之下又有所謂個人方言英文idiolect),即係每個人講嘢自己嘅特點。

「方言」相對「語言」[編輯]

通常任何有語言差異嘅社會,基本上每個人講嘢都係講方言,方言相對於語言嚟講,語言屬於一個抽象觀念,因為實際上每個人講嘢都係講方言而唔係講語言。對於語言一個比較實在啲嘅理解,可以講成「民族共同語」或者「民族語言」,即係指一個民族講嘢嘅大圍基礎。例如中國嘅民族共同語就係普通話,但實際上唔同地方嘅人講普通話都帶有方言嘅特性,就算係以標準普通話,即北京話嚟計,佢本身亦係一種地域方言,所以民族共同語其實本身都係以某一種方言作為基礎,所以又有分非基礎方言同基礎方言,但兩種嘢之間都有好多相通。

參考[編輯]