語言滅亡
語言滅亡（粵拼：jyu5 jin4 mit6 mong4；英文：language death）係一種語言現象，指有某隻語言，最後一個用呢隻語言做母語嘅人死亡。
機制
[編輯]睇埋：語言威望
設手上有隻語言，叫佢做 L。講 L 嘅人，遇到一個更加強大嘅群體，後者嘅語言比較有威望，所以用 L 做母語嘅人開始覺得 L「唔夠高檔」甚至係「低等」，因而慢慢想放棄 L。
呢種情況嘅一個出名例子有蘇格蘭蓋爾話（Gàidhlig）：蘇格蘭蓋爾話喺中世紀嗰段期間一路都係蘇格蘭嘅主要語言，不過到咗 18 世紀中起，蘇格蘭畀英格蘭佔領咗，喺跟住嗰一兩個世紀之間一路受到壓抑，畀英格蘭禁止佢哋用蘇格蘭蓋爾話做任何正式嘅交流，令到唔少人覺得蘇格蘭蓋爾話係「低下階層先會講嘅語言」，覺得講蘇格蘭蓋爾話冇前途－英文（或者叫英格蘭話）威望高啲；於是就有大量嘅蘇格蘭人自願噉放棄自己嘅母語，改為講英文。到咗廿世紀尾，蘇格蘭蓋爾話仲未完全滅絕，但已經得返大約 50,000 個人識得講，被指係「奄奄一息就快死」。喺廿一世紀初，呢樣嘢引起咗唔少蘇格蘭人搞語言重振，想重振自己嘅語言[1][2]。
- L 喺正式場合仲會有人用，但冇人再會喺日常生活講隻語言，例子可以睇吓拉丁文。
睇埋
[編輯]引述
[編輯] |