語言接觸
語言接觸（粵音：jyu5 jin4 zip3 zuk1 ）泛指兩隻或者以上嘅語言變體彼此互動同埋互相影響。例如香港畀英國統治期間，港式粵語就大量噉由英文嗰度借詞。而除咗借詞之外，語言接觸仲可以引致合流以及洋涇浜等嘅語言現象。[1]
歷史案例
[編輯]
香港人：呢啲？叫叉燒包，好好食㗎。
其後英倫朋友返到屋企，就同佢本地嘅朋友用英文傾計，講到喺香港食到一種叫 cha siu baau 嘅美食，喺言談間當咗 cha siu baau 係英文名詞噉用。
唔同語言文化嘅群體有所接觸，喺人類歷史上一路都有發生，而呢點可見於佢哋嘅語言身上。
喺十九世紀中後期至二十世紀期間，香港同澳門分別受到大英帝國同葡萄牙管治，形成長期嘅多語接觸環境，當中香港人頻密接觸英語，令到香港粵語有咗好多嚟自英語嘅詞彙[2]，而澳門粵語接觸到葡語，吸納咗一定量嘅葡語詞彙。呢啲外來詞，廣泛用於政府、法律、科技同日常生活等嘅地方，例如香港粵語嘅英語借詞繁多，諸如係巴士、的士、梳化同埋快勞等嘅概念嘅粵語常用名，都係嚟自英語。而且呢種影響唔淨只可見於詞彙層面，亦有一種可能性，如果港式粵語喺某啲句法同表達習慣上受英語影響，可以出現以下噉嘅語句：
同一句話，用比較「純正」嘅粵語[註 1]表達會係[註 2]：
阿明佢去咗深造，係去全世界排名最高嘅大學之一嘅耶魯大學。
語言接觸並唔係單向嘅。隨住十九世紀以嚟中西貿易、移民同殖民活動增加，亦有唔少出自粵語以至第啲漢語嘅詞彙流入咗歐洲語言之中，常見例子有英語入便指點心嘅 dim sum 等詞彙[3]，就被指係由粵語借去英語度嘅，截至二十一世紀初經已完全融入咗英語嘅詞彙系統，而閩南話同官話都試過借詞畀歐語。
現代日語嘅先祖語言，亦曾經受中古漢語影響：喺唐朝同宋朝期間，日本透過朝鮮半島同中國建立政治、宗教同文化交流，將漢字同埋中古漢語嘅詞彙大量引入日本列島，令到今日嘅日語有本土詞彙得嚟[4]，又夾雜咗好多漢語詞彙，尤其係佢哋對佢哋嗰套漢字嘅讀音，就充滿咗嚟自中古漢語嘅音[註 3]。
除咗上述呢啲例子之外，人類歷史上仲有無數咁多嘅語言接觸案例。
語言影響
[編輯]借詞
[編輯] | 呢節要加長。 |
兩隻語言接觸，最明顯嘅影響就係佢哋會由對方嗰度借詞。
層次
[編輯] | 呢節要加長。 |
層次[歐 1]：想像而家有兩隻語言 A 同 B 接觸，如果 A 嘅地位低過 B，噉 A 就謂之底層[歐 2]而 B 就算係頂層[歐 3]；喺語言接觸當中，底層同頂層都會對對方造成影響，但影響嘅方式唔同[5]。
合流
[編輯]合流[歐 4]係指兩隻或者以上嘅語言，隨住接觸而慢慢變到似對方：好似語言威望噉，就被指係合流嘅重要原因；想像有某笪地方，啲人係以愈語呢隻語言為母語嘅，佢哋接觸到嚟自另外一笪地方嘅人，後者講嘅語言叫應語，講應語嗰班人係統治者，或者有錢啲，所以應語威望就高過愈語，自然講愈語嗰班人有唔少都會走去學應語，然後嗰啲母語係愈語但係對應語有返咁上下認識嘅人，有可能會由應語嗰度攞啲詞去愈語嗰度用，甚至用應語嘅語法加埋愈語嘅形態素砌句子，令到愈語開始變得比較似應語[6]。
洋涇浜
[編輯]語言接觸有陣時亦會產生洋涇浜[歐 5]：想像家陣有笪地方，有若干個群體住喺嗰度，每個群體都自己講自己嘅語言，而且呢拃語言之間冇互通度；如果佢哋有誘因互相溝通，例如係要做貿易，佢哋就焗住要搵方法嚟製作出一隻大家都用到嘅語言，洋涇浜就係指呢種環境下產生嘅簡單語言，會由區內各語言嘅詞庫同文法攞啲嘢嚟用。洋涇浜唔會係任何人嘅母語[7][8]。譬如十九世紀期間英格蘭人周圍去殖民嗰陣，畀佢哋殖民嘅人成日要學講英語，同時呢啲人好多時教育水平都唔高，所以就倉卒噉學咗啲簡單英文詞，仲會用自己語言啲語法嚟砌句子。
例如廿一世紀英語仲有人用嘅 long time no see －好耐冇見噉解－就被指係用粵語語法加埋簡單英文詞砌出嚟[9][註 4]，呢啲「唔鹹唔淡」嘅產物，係洋涇浜嘅例子。
語言聯盟
[編輯]語言聯盟，德文稱之為 Sprachbund，係長期語言接觸所產生嘅一個結果。假如有多種唔同源嘅語言，喺同一地理區域之中持續共存，而佢哋嘅使用者之間有頻繁交流、通婚、貿易或者雙語使用情況嗰時，呢啲語言之間就會開始互相影響，令到詞彙或者語法等嘅特徵喺佢哋之間擴散。隨住呢啲特徵逐步喺各語之中變得穩定，就會出現一種情況，就係佢哋嘅後代雖然彼此間無同源嘅關係，仍然會因為結構特徵而呈現高度相似，構成語言聯盟。譬如阿爾泰語言就係噉嘅情況：諸如蒙古語、滿語、韓語同日語等，佢哋之間無共同祖先，但係喺語法等多方面都高度相似，據估計係因為喺早期歷史當中長期緊密接觸而引致嘅[10]。
睇埋
[編輯]註釋
[編輯]- ↑ 純正：對於咩謂之「純正」，任何語言群體內部都實會有爭詏，例如二十一世紀初嘅英文圈都有喺度詏咩先係純正嘅英文。詳情可以睇下英文純化嘅爭論。
- ↑ 亦可以睇睇關係子句嘅概念，尤其係呢個概念相關嘅討論講到，對於關係子句要擺喺其名詞嘅前定後，唔同語言可以有差異。
- ↑ 順帶一提，由於粵語保留咗中古漢語有嘅入聲而普通話冇保留到，所以現今日語漢字嗰啲漢式讀音好多時都同普通話嘅差好遠，但係就同粵語嘅有唔少相似之處。
- ↑ 爾個講法喺美國其實有爭議，因為好多人認為爾句本來唔係任何漢語，而係美國原住民嘅某種話。見 Gandhi, Lakshmi (2014年3月9號). "Who First Said 'Long Time, No See' And In Which Language?" (美國英文). NPR. 喺2022年12月28號搵到.
歐詞
[編輯]引述
[編輯]- ↑ Hadzibeganovic, Tarik, Stauffer, Dietrich & Schulze, Christian (2008). Boundary effects in a three-state modified voter model for languages. Physica A: Statistical Mechanics and its Applications, 387(13), 3242–3252.
- ↑ Loanwords In Cantonese: 50+ Easy To Learn Terms. Ling.
- ↑ dim sum
- ↑ NODA, T., & Toru, N. (2021). The original Japanese expressions (Yamato-kotoba) of human body (the upper extremity). AINO JOURNAL, 18, 31-38. p. 31
- ↑ "Why Don't the English Speak Welsh?" Hildegard Tristram, Ch. 15 in The Britons in Anglo-Saxon England, N. J. Higham (ed.), The Boydell Press 2007 ISBN 1843833123, pp. 192-214.
- ↑ Backus, A. (2004). Convergence as a mechanism of language change. Bilingualism: language and cognition, 7(2), 179-181，有講到合流嘅幾種機制。
- ↑ pidgin. Encyclopedia Britannica.
- ↑ Muysken, P., & Smith, N. (1995). The study of pidgin and creole languages. Pidgins and creoles: An introduction, 3-14. Part 1.1 有講基本定義。
- ↑ Partridge, E. (2006). A dictionary of slang and unconventional English. Routledge. p. 1386.
- ↑ Lyle Campbell and Mauricio J. Mixco (2007): A Glossary of Historical Linguistics; University of Utah Press. Page 7: "While 'Altaic' is repeated in encyclopedias and handbooks most specialists in these languages no longer believe that the three traditional supposed Altaic groups, Turkic, Mongolian and Tungusic, are related."