哈爾濱
45°45′00″N 128°39′00″E / 45.75000°N 128.65000°E
| 哈爾濱 | |
|---|---|
| 哈尔滨市 | |
 自左上到右下：紅博廣場、防洪紀念塔、中央大街、聖索菲亞大教堂、松浦大橋、冰雪大世界 | |
| ---- | |
| 簡稱：哈、哈市 | |
| 花名：冰城、東方小巴黎、東方莫斯科、天鵝頸上嘅明珠、夏日勝地 | |
| 舊名：濱江 | |
 哈爾濱位置圖 | |
| 國 |  中華人民共和國 |
| 省 | 黑龍江 |
| 地級政區 | 副省級市 |
| 轄下一級政區 | 9區、2縣級市、7縣 |
| 建城年 | 1898年 |
| 設市年 | 1926年 |
| 市長 | 王合生 |
| 市委書記 | 于洪濤 |
| 政府駐地 | 松北區世紀大道1號 |
| 地理 | |
| 總面積 | 53,068 km² |
| 市區面積 | 2,454.5 km² |
| 海拔 | 150 m |
| 人口 | |
| 總人口(2022) | 939.5萬 |
| 市區 | 630.47萬 |
| 人口密度 | 200.4人/km² |
| 民族 | 漢族，另有47個少數民族（45.9萬） |
| 官方語言 | 普通話 |
| 本地語言 | 東北官話 |
| 經濟 | |
| GDP(2022) | ¥5,490.1億[1] |
| 人均GDP | ¥55,175[1] |
| 時間 | |
| 時區 | 中國時區[2]（UTC+8） |
| 識別信息 | |
| 電話區號 | +86 (0)451 |
| 郵政編碼 | 150000 |
| 車牌 | 黑A（市轄區）、黑L（原松花江地區，即縣級市共縣）、黑R（農墾系統） |
| 政區代碼 | 230100 |
| 象徵 | |
| 市樹 | 榆樹 |
| 市花 | 丁香 |
| 網站： 哈爾濱市府 | |
哈爾濱（粵拼：haa1 ji5 ban1；滿文：ᡥᠠᡵᠪᡳᠨ ，
，穆麟德：Harbin；俄文：
Харби́н (幫手·有關)，拉丁轉寫：Kharbin；普通話拼音： Hārbīn (幫手·有關)，威式拼音：Ha-erh-pin）[未記出處或冇根據]，係中國東北一城市，喺黑龍江省。中華人民共和國編制下，係黑龍江省會，行政上係副省級城市，叫哈爾濱市。哈爾濱位處喺東北平原嘅北面，黑龍江省嘅南邊，面積有53,068平方公里，響副省級以上嘅城市排第二，僅次於重慶市。哈爾濱亦係中國東北政治、經濟、文化、科技同埋交通嘅中心，亦係中國乃至東北亞嘅大城市，2022年GDP 5,490.1 億人民幣[1]，據《2015年中國城市綜合競爭力排名》哈爾濱排第28位[3]。哈爾濱住落嘅主要民族有漢族、朝鮮族、滿族、回族、蒙古族、錫伯族、達斡爾族。
「哈爾濱」呢個名係從滿蒙語言度音譯來，不過係咩意思有好多種講法，比較通行嘅講法係滿洲話「曬漁網嘅場地」。
哈爾濱嘅氣候係中溫帶嘅大陸性季風氣候，冬天非常之長又好凍，連夏天都好涼爽，所以佢重有冰城、夏日勝地嘅稱號，係滑雪、旅遊，同埋避暑嘅好地方。入冬時舉辦冰燈展會，吸引好多遊客參觀。
哈爾濱市係中國第一批優秀旅遊城市，又係中國歷史文化名城；佢嘅城市建築風格好特別，城入面有好多歐洲式嘅建築物，所以又有東方莫斯科、東方小巴黎嘅稱號，同時哈爾濱又有遞個讚法叫天鵝頸上嘅明珠，係因為流過市區嘅松花江嘅形狀似天鵝頸。
歷史
[編輯]名
[編輯]「哈爾濱」呢個名可以肯定係源自滿蒙語言，但具體意思好多種講法，滿文入面有「曬網場」、「人名」、「羊膊骨」嘅講法；蒙文嘅意思係「平地」；女真文有「音變自阿勒錦（榮譽噉解）」、「天鵝」；又有通古斯語言「官碼頭」嘅講法。
漢代
漢武帝劉徹時期
哈爾濱雖是扶餘國土，但朝廷十分重視哈爾濱，因為當時的哈爾濱是一座重鎮，漢武帝十分喜歡這個地方，曾在晚年的時候(公元前89年)，遊覽哈爾濱，漢武帝對哈爾濱讚不絕口。
漢光武帝劉秀時期
漢光武帝劉秀登
東漢末年以後
[編輯]哈爾濱地處滿洲偏北嘅地方，一直以來係遊牧民族嘅領地。漢晉兩代係扶餘國土，隋代係靺鞨領地，唐代係渤海國鄚頡府轄地。
遼國時歸東京道，不過當地實際有效統治嘅係完顏氏。1114年，女真領袖完顏阿骨打起兵反遼，喺寧江州、出河店兩個戰役大敗十萬遼軍，喺1115年稱帝金國，喺今日哈爾濱阿城定都叫會寧府（又叫金上京），哈爾濱市區就係上京嘅週邊。
元代時屬遼陽行省開元路，係成吉思汗三弟斡斤的家族領地，明朝屬奴兒干都司，清代先歸寧古塔將軍，1756年喺阿城設阿拉楚喀副都統，當時以松花江爲界，以南歸阿拉楚喀副都統，隸屬吉林將軍，置賓州廳、雙城廳；以北歸呼蘭副都統，隸屬黑龍江將軍。
後來清朝搞京旗移墾、開禁放荒，有許多滿漢百姓移民到哈爾濱地方，不過淨係發展咗農業，建城前哈爾濱有十條村、三萬人。
建城同俄化
[編輯]
近代，沙俄向遠東擴張，除咗奪得中國外滿洲嘅領土之外，亦都將東北納入佢勢力範圍。1896年6月3號，沙俄因為參與三國干涉還遼，要中國畀啲着數佢，逼中國簽咗《中俄密約》，取得咗中東鐵路嘅修築權。沙俄特別考察隊揀啱咗阿什河匯入松花江嘅三角地帶（今哈爾濱市區），1898年6月9號將鐵路工程局設喺呢處，立即辦公，哈爾濱建城。當年哈爾濱屬吉林省，沙俄改佢名做松花江市。不過到1903年鐵路通車之後恢復叫哈爾濱。
鐵路通車之後，哈爾濱作為交通要衝急劇發展，有好多俄人遷居哈爾濱，可以講哈爾濱係俄人起嘅，就好似上海係十里洋場噉，至今佢個城市依然好俄化，比如老城區嘅俄國建築、發達嘅俄餐廳、以及有俄羅斯人喺道活動。所以當時中國政府想加強控制，1905年10月31號設哈爾關道（後改名濱江關道），遞年5月11號喺濱江城（今日道外區）正式設署。
1907年1月14號，哈爾濱定爲中俄交易地，而吉林將軍、黑龍江將軍準奏設濱江廳，想強化對哈爾濱嘅管理。不過當年11月23號中東鐵路管理局頒佈《哈爾濱自治公議會章程》，劃埠頭區、新街市（卽南崗區）七千幾平方公里做哈爾濱市區，歸公議會管轄，實質上就係反抗中國政府嘅強化管理。直到1926年成立哈爾濱特別市之前，哈爾濱嘅實際統治歸俄羅斯人嘅公議會。
喺日俄戰爭失敗之後，俄國影響力減弱，結果有33個國家16萬僑民移民哈爾濱，哈爾濱由俄人城市變成國際都會，係中國最早國際化嘅地方。當時有16個外國領館，過千銀行企業，同時亦都有中國資本。哈爾濱變成東北亞嘅金融、經濟、交通中心之一，以及係世界有名都會。
民國
[編輯]1913年濱江廳改為濱江縣，1914年改爲濱江道。
1918年，俄國內戰，之後俄國又有共產黨運動，於是好多沙俄將軍、貴族、地主、資本家、難民被迫流亡國外，其中哈爾濱同上海係白俄、俄系猶太人聚居嘅中國城市，哈爾濱一度係俄國之外最大嘅俄人聚居城市，佢哋喺哈爾濱起咗幾十間俄文學校，重開辦俄文報刊，同時哈爾濱嘅東正教堂都好興，令哈爾濱更似西方城市。
1921年設東省特別區市政管理局，1926年設特別市，將管轄權收歸中國。其中埠頭區、新街市係特別市範圍，馬家溝、老哈爾濱（家下嘅香坊區）、新安埠、八區、顧鄉、正陽河屬東省特別區市政管理局。
滿洲國
[編輯]滿洲事變後，1933年7月1號將原先特別市範圍擴大到東省特別區市政管理局、吉林省濱江縣、黑龍江省松浦市，直屬偽滿洲國政府。
1937年改為濱江省省會。
二戰之後
[編輯]1945年8月18號蘇聯軍控制咗哈爾濱，後來轉交民國政府，設特別市直屬國府。
1946年4月28號中共控制哈爾濱，11月18號特別市歸中共政權，1949年3月取消特別市，改爲松江省省會；1953年7月8號又成為直轄市，1954年松江、黑龍江兩省合併，哈爾濱又放返畀省做黑龍江省會至今。
轄下變動年表
[編輯]松江省哈爾濱市（1949年到1953年）
[編輯]- 1949年10月1號，哈爾濱市設道裏區、南崗區、太平區、東傅家區、西傅家區、香坊區、松浦區、顧鄉區、新陽區（9區）
- 1953年1月23號，香坊分出平房區、朝陽區；顧鄉分出王崗區；阿城縣分出天恆區（13區）
哈爾濱直轄市（1953年到1954年）
[編輯]- 1953年11月23號，新陽一分為二，併入道裏、顧鄉。（12區）
黑龍江省哈爾濱市（1954年至1958年）
[編輯]- 1956年8月28號，東傅家、西傅家合併爲道外區；顧鄉併入道裏；朝陽嘅一部分併入平房（10區）
- 10月25號，天恆併入朝陽（9區）
- 1958年1月15號，香坊分出部分成立動力之鄉區（10區）
- 1958年8月16號，綏化專區改名爲松花江專區（專區11縣）
- 1959年12月14號，阿城分出部分畀香坊、太平、動力之鄉、平房；肇東分出部分畀道裏；平房分出部分畀動力之鄉（市7區4縣）
- 1960年5月12號，松花江專區嘅五常縣、雙城縣、巴彥縣、木蘭縣、通河縣拼入哈爾濱；哈爾濱市嘅肇東畀咗松花江專區；嫩江專區嘅安達縣、明水縣、青岡縣畀咗松花江專區（市7區8縣、專區1市12縣）
- 26號，成個安達同肇州嘅一部分合併爲安達市（專區2市11縣）
- 1962年10月20號，鐵力由慶安度恢復返（專區2市12縣）
- 1963年3月8號，按原先噉恢復濱江區（市8區8縣）
- 1964年1月15號，伊春重新變返地級市，脫離專區（專區1市12縣）
- 1965年3月27號，安達市分咗一部分，重置安達縣（專區1市13縣）
- 6月14號，哈爾濱市啲縣冚唪唥脫離出去，組成咗新嘅8縣松花江專區；而原先有1市13縣嘅松花江專區恢復個名爲綏化專區（市8區、專區8縣）
- 1967年4月，動力之鄉改名動力區；平房改名新曙光區（市8區）
哈爾濱市、松花江地區（1968年到1996年）
[編輯]- 1968年，松花江專區改名爲松花江地區（地區8縣）
- 1970年4月1號，牡丹江地區嘅尚志縣、方正縣、延壽縣劃歸松花江地區（地區11縣）
- 1972年8月14號，濱江按上一次噉解散畀嗰7個區：道裏、南崗、太平、道外、香坊、新曙光、動力（市7區）
- 9月22號，新曙光恢復叫平房區（市7區）
- 1983年10月3號，松花江地區畀咗呼蘭、阿城兩個縣入哈爾濱市（市7區2縣、地區9縣）
- 1987年2月24號，阿城縣升為阿城市（市7區1市1縣）
- 1988年9月14號，尚志同雙城都徹縣升市分別爲尚志市、 雙城市（地區2市7縣）
- 1991年2月2號，松花江地區嘅方正縣、賓縣，佳木斯市嘅依蘭縣畀過來（市7區1市4縣、地區2市5縣）
- 1993年6月1號，五常徹縣升市爲五常市（地區3市4縣）
- 1996年8月11號，松花江地區併入哈爾濱市（市7區4市8縣）
哈爾濱市（1996年至今）
[編輯]- 2004年2月4號，太平併入道外；道外同呼蘭各出一部分成立松北區；淨低嘅呼蘭縣改爲呼蘭區（8區4市7縣）
- 2006年8月15號，動力合併到香坊；阿城市畀咗部分畀道外；淨低嘅阿城市變成阿城區（8區3市7縣）
- 2014年5月，雙城由市改區，做雙城區（9區2市7縣）
政區
[編輯]
哈爾濱轄18個縣級政區，其中有9個區、2個縣級市、7個縣。
兄弟城市
[編輯]國內
[編輯]國際
[編輯]
日本新潟市
丹麥奧胡斯
加拿大愛民頓
美國明尼阿波利斯
南非艾古萊尼
拉脫維亞陶格夫匹爾斯
羅馬尼亞普洛耶什蒂- 日本旭川市
韓國富川市
巴西薩爾瓦多
以色列吉夫阿塔伊姆
波蘭華沙
澳洲格里菲斯
紐西蘭南塔拉納基區
芬蘭羅瓦涅米
匈牙利尼賴吉哈佐
意大利里喬內
菲律賓卡加延德奧羅
智利蓬塔阿雷納斯
泰國清邁
法國阿拉斯
奧地利維也納新城
德國馬德堡
英國新特蘭- 美國費爾法克斯縣
大學
[編輯]註、攷
[編輯]- ↑ 1.0 1.1 1.2 〈2021年哈尔滨市国民经济和社会发展统计公报〉。哈尔滨市统计局、国家统计局哈尔滨调查队。2022-05-18。原先內容歸檔喺2023-01-21。
- ↑ 東八區係中國標準時間，覆蓋全國，而當地嘅實際時區係UTC+9
- ↑ 〈2016年中國城市綜合競爭力排名〉。三思教育網。2016年3月26號。原著喺2016年10月23號歸檔。喺2016年6月7號搵到。
- ↑ 松花江專區呢個政區比較
猱狡 ，有兩個松花江專區：第一個係改名自綏化專區，可以睇做係實際上嘅綏化地區；第二個係脫離哈爾濱市嘅縣組成嘅新專區，屬於哈爾濱地區。第一個松花江專區嘅時期爲1958年8月16號到1965年6月14號；第二個松花江專區嘅時期爲1965年6月14號到1968年，之後改爲地區。
