細碟

一隻黑膠細碟

CD細碟

細碟（粵拼：sai3 dip6*2；英文：Extended play，簡稱EP），又叫迷你專輯（mai4 nei5 zyun1 cap1），係唱片一種，規模介乎單曲同大碟之間。

佢叫細碟係因為喺以前唱碟係實物嘅年代，細碟嘅面積大細的確係細好多（但係喺CD年代已經開始有同大碟一樣大細嘅細碟）(香港一般會稱7吋45轉單曲為細碟，而10吋45轉迷你專輯則稱為EP)。

定義

細碟同單曲（英文：single）有時係對應嘅關係，因為喺黑膠唱片流行嘅年代，一隻「單曲」碟好多時係主打一隻歌，但係附送另外一兩隻歌。但係自從上網買音樂流行之後，「單曲」就越來越嚴謹指定只可以得一隻歌，同收錄幾隻歌嘅「細碟」喺概念上分返開。

根據蘋果公司旗下嘅媒體播放器軟件iTunes對細碟嘅定義，係指「收錄四至七隻歌，兼且成套碟總長度唔超過30分鐘嘅唱片」。

銷量

由於流行歌手傾向會收錄四至五首歌響EP入面，對於藝人嚟講，細碟比起專輯係「既慳時間又用少好多錢」，所以佢哋都好樂意整細碟。

目前世界上銷量最高嘅細碟係美國重金屬樂隊Ugly Kid Joe嘅《As Ugly as They Wanna Be》，呢隻EP響1991年推出，一年間就賣出二百萬張。