Talk:細碟

名嘅問題

• @Kowlooner、Z423x5c6、Detective Akai：頭先我見到User:WikiCantona喺編輯摘要到話「因為細碟同時指 EP 同 Single」，而改名做「細碟 EP」。睇返Category:各年細碟同單曲嘅情況一樣，考慮到粵維現存嘅文未有EP同Single兩者意思唔清嘅情況，再加埋依家樂壇出嘅音樂作品，將「單曲 (Single)」同「細碟 (EP)」係分得好開（唔會話A同時等於B，A就A B就B）。縱使佢揾到資料係有，呢類講法嘅情況亦都唔算多（最多要係寫都理應喺文章寫 而唔係用搬文嘅手法），而喺發行作品形式上幾乎係冇咁濟（可以去揾揾香港歌手文章入面出碟表格），跟返常用命名又見得有改名需要。縱使建議更好嘅名，應該係「EP」，佢依家建議嘅「細碟 EP」格式意思變咗做「香港 Hong Kong」咁解，EP本來就係細碟嘅意思。同埋仲要考慮埋en:Extended play（縮寫EP）嘅中文意思係「細碟」，「細碟」呢個字已經係粵譯意思入面同書面語「迷你專輯」唔同，又係常用粵譯字詞嚟。所以唔太同意改呢個名去處理 維持呢個寫法冇問題。特克斯特 (傾偈) 2021年8月31號 (二) 23:41 (UTC)

@Kowlooner、Z423x5c6、特克斯特：我都同User:WikiCantona講左好多次單曲同細碟唔係同一樣野黎....唔該真係唔好拎香港人既標準去睇世界，咁樣只會顯得有幾孤陋寡聞。就好似香港人口中既「左派」，即係指緊香港建制派同中國共產黨，所以好多人以為左派 = 保守派（至少我身邊好多人係）：但其實國際上既左派，佢地支持民主自由，極少好似建制派咁守舊，好多支持女性平權既人都係出自左派，甚至美國民主黨、英國工黨亦係左派出身；至於香港人成日將民主派納入「右派」，但其實國際上既右派多數支持保守主義，中意玩舊個套，比較出名既有日本自民黨、英國保守黨、美國共和黨。所以響國際政治光譜上，民主派理應係左派，建制派理應係右派；但香港人就調轉。所以真係唔好將自己個套強加於人地身上。Akai 博士 (傾偈) 2021年9月1號 (三) 05:48 (UTC)

我一直認知碟都係分做「大碟」>「細碟」>「單曲」三類，「細碟同時指 EP 同 Single」嘅講法我第一次聽。就算「細碟」真係因為有多重意思而需要改名，都應該考慮改做「EP」而唔係「細碟 (EP)」，因為「EP」本身已經係對呢樣嘢嘅另一個稱呼。--Kowlooner (傾偈) 2021年9月5號 (日) 12:11 (UTC)

照各位嘅意思去做，「細碟」唔搬。@Kowlooner：，睇talk:單曲#細碟，其實成個討論，有講「細碟同時指 EP 同 Single」。--WikiCantona (傾偈) 2021年9月7號 (二) 08:21 (UTC)