中國內地

中國內地（簡稱內地）家陣指中華人民共和國嘅普通行政區（包括所謂自治區），與香港同澳門兩個特別行政區，以及有名無實嘅所謂領土相對。

時間地點

「內地」好早就已經見於漢族中文而意思隨時代改變，亦被大日本帝國用嚟指非殖民地國土。

台灣等地由大日本帝國統治時，前者被歸入後者嘅「外地」（即係殖民地），相對嘅「內地」就係宗主國／侵略國嘅非殖民地（大概等於日本本土），因此宜家中華民國嘅官民皆唔興以「內地」稱呼中共普通領土，而往往叫佢做「大陸」。

然而，中共、香港同澳門三個政府並唔作上述避諱，都用「內地」嚟做標準稱呼；港澳民間興講「大陸」；內地／大陸民間講閒話時通常嗌佢做「中國」／「國」（喺呢種語境，所指嘅唔包括香港、澳門同民國），強調政治意思時先至會用「內地」／「中國內地」（同系列用詞為「中國香港」、「中國澳門」及「中國台灣」）。