星海音樂廳
23°6′37.25″N 113°18′0.69″E / 23.1103472°N 113.3001917°E
名
[編輯]呢間樂廳係為咗紀念喺中華民國時期、廣東出身嘅出名音樂家——冼星海而起嘅名。
場館
[編輯]- 佔地面積：14000平方米
- 建築面積：18000平方米
- 1979個座位嘅演奏廳
- 交響樂演奏廳：1518個
- 室内樂演奏廳：461座
- 100個座位嘅視聽欣賞室
- 4800平方米嘅音樂文化廣場
建築設施
[編輯]交響樂演奏廳
[編輯]
交響樂演奏大廳係音樂廳嘅主體，佢重係家陣中國內地最大嘅純自然聲演奏廳。喺綜合聲學指標方面，係達到國際一流嘅專業交響樂廳標準，同時重結合咗呢個廳嘅規模而設計；而觀眾席方面，就好似個山谷嘅梯田噉，有堂座、廂座、樓座同廊座，挾埋一共有1500個座位，雖然話唔同座位，角度都有唔同，但係去到邊個座位都好，收到嘅音頻都係基本一樣嘅，而且混響嘅時間凈係得1.8秒。廳堂嘅跨度有80米，喺大廳頂重吊住卌幾隻玻璃鋼調音體；喺舞臺嘅正上面，重有喺捷克引入嚟嘅管風琴，佢重係而家成個東南亞入面，最大嘅巨型管風琴。而個管風琴有40噸重、闊14米、高9米、深5米，差唔多有3層樓咁高。入面重有成7000條樂管響度，既有金屬管，又有木製管；而最大嘅樂管重可以畀一個成年人鑽入去；而最細嘅重幼過支筷子，而佢嘅演奏效果方面，同一支大型交響樂隊差唔多。
注意，星海音樂廳入面係會屏蔽嗮所有嘅手機信號，喺演出嗰陣，主辦單位就會撳掣來屏蔽。
室內樂演奏廳
[編輯]室內樂演奏廳係有國際水準嘅演奏廳，而呢個廳嘅牆度裝咗一條有多種模式調節嘅幕簾同29部吸音轉體，重有演奏台、音控室、放映室、休息廳等設施，由於呢個廳係通過電腦來調節室內嘅聲學性質，所以佢唔單止可以用喺室內嚟搞室內樂、重奏、獨奏、獨唱外，重可以辦單、雙、三人舞演出、獨幕劇表演等好多種唔同樣嘅演出以及音樂講座、播電影呢啲噉嘅嘢。而呢間廳入面有460個座位咁多。
音樂錄音室
[編輯]星海音樂廳嘅音樂錄音室係華南地區第一間、亦係目前爲止唯一一間48聲軌道嘅數字錄音室。佢有分期分軌錄音嘅強吸聲錄音棚，可以針對演奏廳入面嘅自然混響聲場、來錄低聲樂或器樂嘅現場實況，入面重有DVW四訊道數位現場錄影系統同埋數位非線性嘅電視編輯系統，可以喺現場度整DVD同埋VCD、CD。
圖書資料中心
[編輯]星海音樂廳嘅音樂圖書資料中心係結合咗視、聽、讀呢三種服務功能嘅專業音樂圖書館，佢嘅主要任務係收集啲世界音樂資料、以及國際音樂信息；重提供埋信息諮詢服務。佢重收藏咗世界優秀音樂作品嘅音像資料、樂譜同埋相關嘅音樂書刊，演出劇嘅珍藏紀念品。
樂器
[編輯]為咗滿足世界級嘅交響樂團同演奏家嘅表演，星海音樂廳重配置咗兩部喺德國出嘅Steinway鋼琴、兩部奧地利出嘅Bosendorfer鋼琴、一部日本出嘅Yamaha鋼琴、以及美國出嘅一部馬蓮巴琴、一部豎琴同一套定音鼓。
出面網頁
[編輯]