羅湖口岸

羅湖口岸大樓

羅湖口岸（簡化字：罗湖口岸）喺廣東深圳羅湖區，南面係香港北區羅湖邊界，2001年12月1號起，通關時間係06:30至00:00。

羅湖口岸南接香港嘅羅湖管制站，經鐵路連接香港市區；北面靠近深圳火車站、深圳地鐵羅湖站、羅湖商業城等。羅湖口岸可以處理多啲嘅出入境旅客，喺旅遊旺季人潮好繁忙。

2006至07年度，經羅湖管制站出入境嘅旅客達9,300萬人次，成為世界最繁忙嘅過境口岸，呢個記錄到2011年畀駁住珠海同澳門嘅拱北口岸打破。