亞皆老街

出自維基百科,自由嘅百科全書
跳去: 定向搵嘢

座標: 22°19′18.5448″N 114°10′39.6618″E / 22.321818°N 114.177683833°E / 22.321818; 114.177683833

亞皆老街近梭椏道

亞皆老街英文Argyle Street)係連接香港油尖旺區九龍城區嘅主要道路。除咗新填地街西洋菜南街嗰段,其他都係四線雙程行車,大致東西走向,西面由大角咀渡船街開始,穿過彌敦道窩打老道公主道,最後去到九龍城啟德機場一帶嘅世運公園完,駁住太子道東。呢條路個名由19世紀尾一艘英國商船亞皆老號而來。

旺角交通管制措施[編輯]

政府喺1970年代中起地鐵(而家叫港鐵),用咗西洋菜南街至砵蘭街一段亞皆老街嘅右邊行車線做地鐵出口,於是政府喺旺角地鐵站附近管制交通,由西洋菜南街至上海街嘅一段亞皆老街只准向西行。後來新填地街至上海街嘅一段亞皆老街亦改為只准向西行,搞到由大角咀經亞皆老街向東行嘅車要轉左入新填地街,轉右入旺角道、再轉右去西洋菜南街或者洗衣街,最後先可以轉返左,去返亞皆老街(好似去愛民嘅九巴18號同埋去大埔嘅九巴72號X咁)。

另外,沿彌敦道南行嘅車亦因為咁唔可以直入亞皆老街西行,要先轉左入旺角道、轉右入西洋菜南街或洗衣街南行、再轉右入亞皆老街西行去大角咀(好似九巴33號A九巴37號咁)。同樣,因為西洋菜南街至新填地街一段亞皆老街只係畀向西行,沿彌敦道北行嘅車如果想入亞皆老街東行,就要先喺彌敦道轉左入亞皆老街西行、轉右入新填地街再轉入旺角道去到西洋菜南街或洗衣街南行、再轉左入返亞皆老街東行去九龍城(好似九巴9號去坪石同九巴203E去彩虹咁)。呢個措施令到旺角道同新填地街一帶成日塞車,係九龍西區塞車黑點。

沿途建築物[編輯]

亞皆老街近中華電力總部,喺窩打老道交界

途經嘅公共交通服務[編輯]

睇埋[編輯]