大圍站

出自維基百科,自由嘅百科全書
跳去導覽 跳去搵嘢
大圍
Tai Wai
Tai Wai Station 2021 03 part7.jpg
大圍站外觀
站名
中文名大圍站
英文名Tai Wai Station
站代碼TAW
基本資訊
座標22°22′23″N 114°10′44″E / 22.373108°N 114.178756°E / 22.373108; 114.178756座標: 22°22′23″N 114°10′44″E / 22.373108°N 114.178756°E / 22.373108; 114.178756
車站色  深藍色
途經路線東鐵綫
站服務時間0525-0115
接駁交通巴士、小巴
車站結構
站類架空
月台類4側式月台
月台數4
出口數7
其它設施其它無障礙設施
地圖
File:大圍.JPG
大圍站書法字
大圍站大堂
大圍站2號月台
大圍站月台層轉車通道
大圍站D出口

大圍站粵拼daai6 wai4 zaam6英文Tai Wai Station)係港鐵東鐵綫屯馬綫一個架空車站,喺沙田區大圍富嘉花園對開嘅位置,喺1983年8月15號開。

大圍站中央大堂連接A、B、C、D 出口,另外喺1及2號月台南端亦設有出入閘口分別連接F,G 出口及E 出口。

車站結構[編輯]

車站樓層[編輯]

P
月台
出口 E、G出口、客務中心
側式月台,左邊嘅車門將會打開
1號月台 往羅湖/落馬洲
  路軌
  路軌
2號月台 往紅磡
側式月台,左邊嘅車門將會打開[1]
轉乘通道 F出口、客務中心、收費區內轉乘通道
側式月台,右邊嘅車門將會打開[1]
3號月台 往屯門
  路軌
  路軌
4號月台 往烏溪沙
側式月台,右邊嘅車門將會打開
C
大堂
(地面)
大堂 出口、公共運輸交匯處
客務中心、洗手間
車站商店、自動售賣機、自動櫃員機
「e分鐘著數」機

車站大堂[編輯]

車站商店及自助服務[編輯]

車站有人民幣找換店、各大銀行嘅自動櫃員機、衣履、書籍、食品、公共事業、快餐店、銀行、理財服務及便利店等商店及自助服務。

車站月台[編輯]

車站設有4個側式月台,位於大堂上面。當中2號同3號月台設有4條斜道連接,令屯馬綫南行轉東鐵綫南行(同埋掉轉)嘅搭客唔使上落樓,斜道設計更方便傷殘人士用。但係其他轉綫乘客就要先經過大堂。要注意嘅係,為方便乘客轉東鐵綫屯馬綫唔同香港其他嘅鐵路系統,係右上左落嘅。所以位於右邊嘅4號月台係屯馬綫嘅北行月台。

車站出口[編輯]

大圍站以南設有一個大型公共運輸交匯處,乘客可利用地面行人通道進出車站。另有一條廿四小時全日開放嘅行人隧道,連接村南道同埋公共運輸交匯處。

大圍站共設七個出入口,新設嘅出入口有五個,其中三個位於擴建嘅車站大堂,兩個位於美田路以南連接東鐵綫北行大堂。原有位於美田路以南連接東鐵綫南行大堂,以及位於村南道嘅出入口將會保留。

車站大堂(地面)[編輯]

  • A - 村南道
    • 村南道、佛教黃允畋中學、金禧花園、富嘉花園、海福花園、香港文化博物館、文禮閣、美城苑、美林邨、沙田官立中學、沙田(大圍)診所、大圍村
  • B - 公共運輸交匯處
    • 公共運輸交匯處、雲叠花園、車公廟、東莞工商總會張煌偉小學、景田苑、李屋村、隆亨邨、五育中學、新田村、沙田祟真中學、新翠邨田心村
  • C - 美田路
    • 新翠邨、雲叠花園、家計會大圍診所、景田苑、隆亨邨、美田路、新翠中心、田心村
  • D - 富嘉花園
    • 富嘉花園、金禧花園、海福花園、香港文化博物館、美城苑、美松苑、美林邨、沙田公立學校、村南道

東鐵綫1號月台(月台)[編輯]

  • E - 海福花園(目前只畀進入車站使用)
    • 富嘉花園、海福花園、金禧花園、美林邨、美田路
  • G - 積運街
    • 海福花園、雲叠花園、積運街、中華宣道會鄭榮之中學、東莞工商總會劉百樂中學、景田苑、下城門道、隆亨邨、保良局鄭翼之中心、大圍新村、田心村

東鐵綫2號月台(月台)[編輯]

鄰接車站[編輯]

編輯 東鐵綫
紅磡 - 旺角東 - 九龍塘 - 大圍 - 沙田 <火炭> 大學 - 大埔墟 - 太和 - 粉嶺 - 上水 <落馬洲
馬場羅湖


編輯 東鐵綫(第日)
金鐘 - 會展 -紅磡 - 旺角東 - 九龍塘 - 大圍 - 沙田 <火炭> 大學 - 大埔墟 - 太和 - 粉嶺 - 上水 <古洞 -落馬洲
馬場羅湖


編輯 屯馬綫
屯門南 - 屯門 - 兆康 - 天水圍 - 朗屏 - 元朗 - 錦上路 - 荃灣西 - 美孚 - 南昌 - 柯士甸 - 尖東 - 紅磡 - 何文田 - 土瓜灣 - 宋皇臺 - 啟德 - 鑽石山 - 顯徑 - 大圍 - 車公廟 - 沙田圍 - 第一城 - 石門 - 大水坑 - 恆安 - 馬鞍山 - 烏溪沙


車站周邊[編輯]

車站附近係住宅區。有大圍村美林邨海福花園新翠邨同車公廟。

接駁交通[編輯]

大圍站大堂東面有一條24小時全日開放嘅行人隧道,連接村南道同公共運輸交匯處

  • 九巴
    • 46P - 顯徑 ↔ 荔景(北)
    • 46S - 顯徑 ↔ 荃灣(如心廣場)
    • 46X - 顯徑 ↔ 美孚
    • 72A - 大埔工業邨 ↔ 大圍站
    • 80 - 美林 ↔ 觀塘碼頭
    • 80A - 美林 → 觀塘碼頭(經九龍灣商貿區,只係喺早上繁忙時間服務)
    • 80K - 新翠愉翠苑
    • 81C - 耀安 ↔ 紅磡站
    • 82B - 大圍站 ↺ 美松苑
    • 82D - 白石角 ↔ 大圍站
    • 82K - 黃泥頭 ↔ 美林
    • 85 - 火炭(山尾街)↔ 九龍城碼頭
    • 85B - 秦石 ↔ 九龍城碼頭
    • 86A - 沙田圍長沙灣(甘泉街)
    • 87B - 新田圍維港灣
    • 88 - 中秀茂坪 ↔ 大圍站
    • 88K - 顯徑 ↔ 駿景園
    • 89B - 沙田圍 ↔ 觀塘站
    • 249X - 青衣站 ↔ 沙田博康
    • 281 - 新田圍 ↺ 大圍站
    • 281B - 碩門邨 → 尖東麼地道
    • 281M - 新田圍 ↔ 九龍塘站(只係喺繁忙時間服務)
    • 286P - 美松苑 → 長沙灣
    • 286X - 顯徑 ↺ 深水埗
    • 287X - 水泉澳 ↺ 旺角(柏景灣
    • N281 - 紅磡站 ↔ 錦英苑
  • 隧巴
    • 170 - 沙田站 ↔ 華富(中)
    • 182 - 愉翠苑 ↔ 中環(港澳碼頭)
    • 686 - 大圍站 ↔ 西灣河(太安街)(只限平日繁忙時間服務)
    • 982X - 愉翠苑 → 灣仔菲林明道)(上晝)/ 金鐘(東)→ 愉翠苑(下晝)
    • 985 - 美田邨美致樓 → 銅鑼灣(灣仔消防局)(上晝)/ 金鐘(東)→ 美田邨美致樓(下晝)
    • 985A - 美田邨美致樓 → 銅鑼灣(灣仔消防局)
    • N170 - 沙田市中心 ↔ 華富(中)
    • N182 - 廣源 ↔ 中環(港澳碼頭)
  • 龍運巴士
  • 專線小巴
    • 63A - 美松苑 ↺ 大圍站
    • 63B - 恆峰花園 ↺ 大圍站
    • 63K - 美田邨/香粉寮村 ↺ 大圍站
    • 64K - 富山 ↔ 大圍站
    • 68K - 瑞峰花園 ↔ 沙田站(排頭街)
    • 403X - 大圍站 ↺ 石梨(梨貝街)
    • 481B - 荃灣街市街 ↔ 大圍(銅鑼灣山)
    • 803K - 顯徑邨 ↔ 大圍站
  • 居民巴士

利用狀況[編輯]

大圍站係東鐵綫屯馬綫嘅轉車站,附近有多個大型屋苑同大量租單車舖,因此無論平日定假日,都有穩定嘅人流;而喺農曆新年期間,大量市民去車公廟參拜,但由於大圍站去車公廟近過車公廟站,故此乘客都係揀喺大圍站落車行去車公廟,令警方要喺大圍站實施人潮管制。

車站歷史[編輯]

兩鐵合併前嘅大圍站外觀
  • 1983年8月15號九廣鐵路(英段)大圍臨時車站開設,位於城門河西岸,而家大圍工業區對開隔音屏,車站主體用木材搭建,所以俗稱「木頭站」。
  • 1986年4月23號,位於臨時站以南(而家富嘉花園對開位置)嘅大圍站啟用,當時車站只有兩個相對嘅出入口(而家嘅D出口同客務中心所在位置)。
  • 1993年12月,位於2號月台近單車公園(家下港鐵大圍車廠)嘅大堂(而家嘅F出口)啟用。
  • 1995年,車站進行改善工程,加建兩組扶手電梯,並更改入閘區域,令升降機唔使職員協助使用。

大圍站擴建工程[編輯]

2001年,配合馬鞍山鐵路(馬鐵)動工,大圍站週邊開始進行擴建工程。2003年12月24號,大圍站擴建部份局部啟用,當中只有非馬鐵主體建築部份啟用,而家嘅A、B、C出入口亦啟用。原有大堂同日封閉進行改建工程,並將車站主題顏色由黃色變成深藍色2004年12月21號隨住馬鐵通車,剩低嘅大堂部份同埋月台轉乘通道啟用。2005年4月,新起嘅大圍站公共運輸交匯處啟用,B出入口重開。同年,D出入口周邊翻新完成重開。位於1號月台近海福花園嘅大堂(現時E、G出入口)啟用。

事件[編輯]

有港鐵前員工指出,大圍站一向屬執法嚴謹車站,因負責執行港鐵附例嘅查票組,辦公室位處呢個站,查票組無論出動同返工放工都會經呢個站,所以市民喺大圍站被截查機會率最高。[2]

市民反對大圍站上蓋規劃[編輯]

2012年12月16號,有市民喺大圍站大堂進行「無聲抗議」,反對大圍站上蓋發展項目規劃

2012年12月16號中午,有市民喺大圍站大堂進行「無聲抗議」,反對大圍站上蓋發展項目(而家柏傲莊)規劃,自稱站長男士表示市民阻住大堂通道,唔可以喺港鐵範圍內展示標語。其後喺站外落地玻璃幕牆抗議,亦被7至8名港鐵職員包圍,港鐵職員指地面範圍都屬港鐵範圍。[3]

女學生攜帶古箏事件[編輯]

2015年9月16號,有人喺facebook「大圍聯盟」群組發表一張圖片,一名着校服嘅女學生,孭住一個同佢身高相若嘅古箏喺港鐵大圍站。當時佢俾3個港鐵職員包圍,疑攜帶體積好大深啡色古箏盒,而被截停查問。有網友話,事件發生喺傍晚6點幾,個女學生被指古箏太大,唔可以入月台。之後呢張相喺網上瘋傳,網民紛紛「洗版式」抨擊港鐵處理乘客攜帶大型物件嘅條例有「雙重標準」同「執法不公」。網民以水貨客事件作比較,指港鐵對水貨客寬容,但就唔畀乘客攜帶大型樂器上車。當中有唔少音樂愛好者表示「身同感受」,要求港鐵檢討現行條例。有網民亦隨即喺facebook上載多張喺港鐵車廂相片,相中見到乘客帶住洗衣機甚至關刀、長槍等上車都無職員阻止,有網民質疑港鐵雙重標準,欺善怕惡。[4]

軟尺度男子手杖長度[編輯]

2015年9月29號,有網民發現大圍站月台見到有懷疑視障人士擺著一支杖求助,高叫「都冇人嚟幫我嘅」,其後先有一名女職員問係咪要搭車。不過女職員入去月台室之後,一名男職員話呢支杖需要短過130厘米先最好,之後就擺出軟尺度。港鐵職員做法引起網民強烈反彈,認為事件荒謬。[5]

過百人抗議禁帶樂器[編輯]

內文:號召各界攜帶大型樂器搭東鐵
逾百市民於2015年10月3日在大圍站大堂示威,抗議港鐵禁止攜帶大型樂器及縱容水貨客

2015年10月3號俟晚6點幾,超過100名市民喺大圍站大堂示威,抗議港鐵禁止攜帶大型樂器及縱容水貨客,當中幾十個係音樂人,分別㩦帶大提琴結他手風琴到場,成功入閘。抗議亦吸引大批市民到場,對港鐵執法不一表示不滿,認為港鐵放生水貨客,部分更鬧港鐵職員,有人更喺大堂地下寫上港鐵「擾亂民生 打壓藝術」紅色大字,亦有人揮動港英旗,話想要「港英年代的地鐵」。到接近7點,有樂手各自喺大堂唔同地方用樂器演奏,吹奏《龍的傳人》同《鳳凰花鼓》,贏到唔少掌聲同喝采,成為全場焦點。到夜晚8點幾人群散去。[6]

反修例期間事件[編輯]

  • 2019年8月5號三罷行動,大量戴口罩嘅市民喺朝早返工時間阻住列車閂門,引起部分無參與罷工市民不滿。其後列車未開出,唔少人坐喺車廂地面等候,亦有人喺月台舉牌。到中午12點有人號召離開車廂後,示威者先陸續散去。[7]
  • 2019年9月1號「機場交通壓力測試日」示威後,大批警員夜晚喺車站一帶截查市民,沙田區議員李世鴻高叫一句「黑警暴打市民可恥」後,就被警方指揮官制服地下,其後多個防暴警員用身體壓向佢,被送到田心警署。警員同時以涉嫌「襲警」拘捕一男一女,兩名男警務人員報稱分別胸痛及手部受傷,其後有市民聲援,包圍田心警署[8][9]。最後裁判官裁定一男一女襲警罪唔成立,並獲訟費。裁判官指案發地點唔喺示威現場,如果警員可以冷靜處理,衝突就會避免發生。[10]
  • 2019年9月25號俟晚6點幾,休班警員喺車站發現一名青年懷疑跳閘後,上前將佢截停。市民目擊事件期間懷疑有人毆打呢個青年,引起幾十個市民一度上前包圍,懷疑跳閘青年報稱受傷,由救護車送院治理。期間有大約20個防暴警員到場增援,之後護送休班警員上警車離開,在場市民亦陸續散去。[11]
  • 2019年10月2號,示威者喺站內進行抗議活動,期間示威者破壞B出口兩部入閘機、D出口入閘機,售票機、增值機以及近東鐵綫月台玻璃幕牆,大堂更被掟汽油彈。之後放工時間乘客需要排隊超過3分鐘先可以出閘,有個別乘客表示政府造成民怨,明白示威者訴求,但亦認為示威者唔應該破壞物件[12]

事故[編輯]

  • 2014年2月25號清晨6點幾,車站近美田路大快活快餐店嘅廚房,懷疑油煙槽油污滴落爐頭引起搶火,職員撲救無效慌忙報警。其間大量濃煙湧出,令樓上月台、路軌、快餐店內外,同埋美田路都煙霧瀰漫。餐廳食客慌忙走出店外,喺對開空地趕食未食完嘅早餐;月台乘客一度誤以為又有列車事故,紛紛掩鼻走避;列車駛至時候,車上乘客亦大吃一驚,但列車服務未有受影響。消防員接報到場,食店天花灑水系統已經開咗,消防員開喉迅速將火撲熄,其間有10幾個員工同埋40名食客自行疏散,無人受傷。由於大堂水浸,港鐵一度需要封閉大圍站C出入口,至朝早9點35分先至重開。[13]
  • 2014年3月30號,黑色暴雨警告信號發出期間,呢個站同黃大仙荃灣西九龍塘站一樣出現水浸,雨水湧入露天路軌。夜晚9點47分,D出入口暫時關閉,乘客需要用C出入口。當時東鐵綫要維持有限度服務,紅磡至大圍12分鐘一班,大圍至羅湖就8分鐘一班[14]
  • 2020年8月4號下晝5點幾,大圍站近D出口大堂發生搶劫案。一名47歲男工程師原本約買家交收一隻值27萬港元勞力士Daytona手錶時,突然被兩個身全穿黑衫,戴口罩,手持40厘米長牛肉刀及伸縮警棍男子施襲,事主身體多處中刀浴血,而賊人向海福花園天橋方向,登上私家車逃去。現場地面有大量血漬,警方封鎖現場,案件由沙田警區重案組第二隊接手調查。[15]
  • 2021年8月7號凌晨,警方機動部隊喺大圍站進行內部保安同反恐演習,演習模擬恐怖分子喺站內月台發動「孤狼式」襲擊,斬傷多名乘客,同時喺售票大堂脅持人質。機動部隊、刑事應變小隊同鐵路應變部隊等人員喺現場設立事件指揮中心,同港鐵人員進行協調及疏散工作。演習大約有600人參與。[16]

自殺事件[編輯]

  • 2015年3月26號下晝發生墮軌案,63歲姓方男子跳軌後俾列車撞死,多名消防員同救護員落路軌檢拾清理。死者阿哥到場認屍後神情哀傷,指細患末期胰臟癌,抗病路上飽受痛苦,希望政府推行安樂死合法化。[17]
    • 當中明報喺呢件事報道入面,其中一幅圖片描述出錯,寫成「死者到大圍站認屍後,十分傷心。」[18],引起網民熱烈討論[19]
  • 2017年6月11號朝早8點半左右,一名24歲喺沙田區一間中學任職教學助理嘅女子喺大圍站墮軌,並捲入車底,最後證實不治。[20]
  • 2017年7月8號下晝近5點,24歲男子喺facebook透露無法融入社會,由大圍站大堂天橋高處墮下,接獲報案時事主昏迷,搶救後不治。[21]
  • 2019年4月22號夜晚10點半,一名40歲男子跳軌,九龍塘至沙田來回列車暫停。[22]一日後,夜晚10點幾,一名21歲喺港鐵任職電子工程學徒4年嘅青年因生活問題唔開心而跳軌,被一列往紅磡嘅列車捲入車底車死。[23]同年7月27號又再有人墮軌,九龍塘至沙田站服務一度暫停。

未來發展[編輯]

沙田至中環綫[編輯]

內文:沙田至中環綫

按照沙田至中環綫嘅計劃,東鐵綫將接駁第四條過海鐵路到達香港島灣仔北,最終以金鐘站為終點站。

上一站‧下一站[編輯]

上一站   港鐵   下一站
東鐵綫
屯馬綫

列車班次[編輯]

月台 方向 列車班次(分鐘) 頭班車 尾班車
平日上晝
繁忙時段
平日下晝
繁忙時段
星期六上晝
繁忙時段
星期六下晝
繁忙時段
星期六
非繁忙時段
平日非繁忙時段/
星期日及公眾假期
1號月台
上水
3-8
4-8
3-8
4-8
3.5-8
0535
0035
羅湖
6-8
5.5-8
0540
2317
落馬洲
10-12
12-14
10-14
0535
2145
2號月台
紅磡
3-8
4-8
3-8
4-8
3.5-8
0540
0059
3號月台
屯門
2.7-3
3.5
4.7-7.3
6.8-7.3
0558
0014
紅磡
0558
0034
4號月台
烏溪沙
0540
0105

[編輯]

  1. 1.0 1.1 雖然東鐵綫嘅2號月台同埋屯馬綫嘅3號月台都係側式月台,但兩個月台中間有斜道連接,乘客唔使繞經大堂轉車。
  2. "【古箏學生妹】大圍站執法嚴 前港鐵員工揭露原因". 蘋果日報. 2015-09-17. 原著喺2015-12-21歸檔. 喺2015-09-29搵到. Unknown parameter |dead-url= ignored (help)>
  3. "寫在大圍站反屏風樓「無聲抗議」之後 反大圍站上蓋建屏風樓關注組 2012年12月18日". 原著喺2020年12月9日歸檔. 喺2015年9月19日搵到. Unknown parameter |dead-url= ignored (help); Check date values in: |access-date=, |archive-date= (help)
  4. "女生揹古箏就截洗衣機唔截 港鐵被轟大細超". on.cc 東網. 2015-09-16. 原著喺2015-09-19歸檔. 喺2015-09-19搵到. Unknown parameter |dead-url= ignored (help)>
  5. "大圍站港鐵職員走火入魔 竟用軟尺度男子手杖長度". 熱血時報. 2015-09-29. 原著喺2020-12-09歸檔. 喺2015-09-29搵到. Unknown parameter |dead-url= ignored (help)>
  6. "抗議港鐵截樂器 逾百人大圍站示威". 明報. 2015-10-03. 原著喺2018-06-12歸檔. 喺2015-10-04搵到. Unknown parameter |dead-url= ignored (help)>
  7. "【港鐵不合作運動】有市民則不滿社會政治化". now新聞台. 2020-08-05. 原著喺2020-12-09歸檔. 喺2020-03-19搵到. Unknown parameter |dead-url= ignored (help)
  8. "【睇片】罵一句「黑警暴打市民可恥」  區議員李世鴻即被捕". 立場新聞. 2019-09-01. 原著喺2019-09-14歸檔. 喺2019-09-02搵到. Unknown parameter |dead-url= ignored (help)
  9. "警大圍拘3男女 沙田區議員李世鴻涉公眾地方行為不檢". 明報. 2019-09-02. 原著喺2020-03-20歸檔. 喺2020-03-20搵到. Unknown parameter |dead-url= ignored (help)
  10. "兩男女涉襲警罪不成立獲訟費 官稱警證供不可信籲冷靜處理免衝突". 明報. 2020-09-16. 原著喺2020-12-09歸檔. 喺2020-09-16搵到. Unknown parameter |dead-url= ignored (help)
  11. "300市民包圍控制室 沙田站關閉". on.cc. 2019-09-25. 原著喺2019-09-26歸檔. 喺2020-03-30搵到. Unknown parameter |dead-url= ignored (help)
  12. "【逃犯條例】大圍站閘機被毀 長人龍出閘 乘客:示威唔駛打爛嘢". 香港01. 2019-10-03. 原著喺2020-12-09歸檔. 喺2020-02-02搵到. Unknown parameter |dead-url= ignored (help)
  13. "快餐店起火 煙攻月台 蘋果日報 (2014年2月26日)". 原著喺2015年6月3日歸檔. 喺2014年2月26日搵到. Unknown parameter |dead-url= ignored (help); Check date values in: |access-date=, |archive-date= (help)
  14. "MTR Service Update-2225 東鐵綫水浸服務安排". 原著喺2020-12-09歸檔. 喺2014-03-30搵到. Unknown parameter |dead-url= ignored (help)
  15. "【又劫錶!】兩劫匪大圍站斬人 搶澳洲工程師27萬Daytona玫瑰金錶". 蘋果日報. 2020-08-05. 原著喺2020-08-05歸檔. 喺2020-08-05搵到. Unknown parameter |dead-url= ignored (help)
  16. "PTU港鐵大圍站進行反恐演習 約600人參與". 頭條日報. 2021-08-07. 原著喺2021-08-10歸檔. 喺2021-08-10搵到. Unknown parameter |dead-url= ignored (help)
  17. "【大圍站墮軌】【短片】死者患癌飽受痛苦 胞兄:點解唔俾人安樂死? 明報 2015-03-26". 原著喺2016-04-09歸檔. 喺2015-03-26搵到. Unknown parameter |dead-url= ignored (help)
  18. "男子跳軌遭列車分屍 消防落路軌拾殘肢 列車服務回復正常" (中文). 明報. 2015-03-26. 原著喺2021-06-25歸檔. 喺2021-06-25搵到. Unknown parameter |dead-url= ignored (help)
  19. 明報:死者到大圍站認屍後 十分傷心
  20. "24歲女教學助理 大圍站墮軌亡". 蘋果日報. 2017-06-11. 原著喺2017-08-18歸檔. 喺2017-07-09搵到. Unknown parameter |dead-url= ignored (help)
  21. 余睿菁、蔡正邦、梁融軒 (2017-07-08). "【飛墮大圍站】FB提死念朋友急報警 一小時後24歲男月台墮大堂亡". 香港01. 喺2017-07-09搵到.
  22. "40歲男東鐵大圍站墮軌 九龍塘至沙田來回列車暫停". 香港經濟日報. 2019-04-22. 喺2020-03-30搵到.
  23. "港鐵大圍站昨墮軌被列車輾斃青年 證實是港鐵學徒". 香港經濟日報. 2019-04-23. 原著喺2021-01-17歸檔. 喺2019-04-24搵到. Unknown parameter |dead-url= ignored (help)

出面網頁[編輯]