西營盤站

西營盤
Sai Ying Pun

西營盤站一號月台
站名
中文名	西營盤站
英文名	Sai Ying Pun Station
站代碼	SYP
基本資訊
途經路線	港島綫
站服務時間	0553-0118
接駁交通	巴士、小巴、電車
車站結構
站類	地底
月台類	島式月台
月台數	1
出口數	6
其它設施	其它無障礙設施
地圖

大堂

西營盤站（粵拼：sai¹ jing⁴ pun⁴ zaam⁶；英文：Sai Ying Pun Station）係香港一鐵路車站，喺香港島西營盤，歸港鐵港島綫，喺二零一五年三月廿九號啟用。站用島式月台。呢個站嘅B3出口喺2016年6月25號先至啟用。

歷史

一九六七年設計，西營盤站係港島綫一站，喺皇后大道西地底，東及桂香街，西及忠正街。香港政府為減輕地鐵負債，一九八二年到一九八三年三月間，港島綫地鐵公司先起一段，即上環到柴灣，以解決中西區交通嚴重擠塞，引致干諾道及皇后大道西部份居民前往中區、太古及銅鑼灣。但到一九八六年港島綫通車，都冇起到西營盤站。

二零零三年十二月，規劃署分區計劃大綱核准圖編號，寫咗港島綫德輔道西西延嘅車站位置，改喺德輔道西九十四號到一百七十號電車路地底。喺德輔道西一百一十號地面，會見到電力支站（ESS），貼有地鐵告示。鄰近嘅醫療中心，有個向德輔道西嘅密封房間，可能係未來車站出口。

之不過地鐵喺二零零二年五月，向政府遞交建議，西營盤站西移到德輔道西同水街交界嘅地底。

之不過，二零零四年三月，港鐵公司港島綫西延嘅初步設計，西營盤站又移向東南，喺第三街同香港佐治五世紀念公園交界地底。港鐵公司向《明報》透露，咁係避免主要街道工程，以免滋擾，亦可順勢收納半山區居民。但係，香港佐治五世紀念公園附近，有好多特色嘅石牆樹，居民擔心港鐵會斬老樹，當地區議員發起「地鐵到我家，老樹不搬家」運動，要求地鐵公司施工，要保護該處石牆樹。

二零零五年六月建議，西營盤站係港島綫延伸段，即係港島綫西延一車站。而非較早前建議，南區鐵路支線轉車站。該支綫當時亦叫西港島綫（暫稱「南港島綫西段」）。

車站結構

車站樓層

地面	-	出口
大堂	大堂	客務中心、車站商店、洗手間
月台		路軌
	➊	往柴灣
	島式月台，右邊嘅車門將會打開
	➋	往堅尼地城
		路軌

車站資料

車站介紹

二零零六年四月，地鐵公司發表港島綫西延最新建議方案，車站二層，地底一樓為車站大堂，地底二樓為島式月臺。部份位於半山區車站出口，有高速升降機連接。

車站出口

A2出入口預留位置（安老院廣告板位置，2005年6月）

A2出入口預留位置（海味店右方，2010年8月）

A2出入口（2014年12月）

A2出入口（已啟用）

西營盤站有三組六出口 ：

出口編號	建議前往的目的地
	皇后大道西、西浦、東邊街、西湖里-、菲臘牙科醫院、贊育醫院
	德輔道西、東邊街、威利麻街、高陞街、干諾道西、西區海底隧道、西區公園體育館、中山紀念公園
	正街熟食中心、正街、第一街、縉城峰、西營盤街市
	正街熟食中心、正街、第二街、縉城峰、西營盤街市
	奇靈里、東慈商業中心、無國界醫生、義務工作發展局、西區警署、西邊街、德輔道西、中央人民政府駐香港特別行政區聯絡辦公室
	般咸道、戴麟趾中心、高街、東邊街、醫院道、柏道、聖士提反女子中學、英皇書院、香港醫學博物館、香港大學美術博物館

西營盤站啟用前特別優惠

港島綫西延喺2014年12月28號開通，但係西營盤站重未開通。為咗回饋返西營盤居民，港鐵喺位於德輔道西、正街、般咸道同埋皇后大道西嘅7-11便利店安裝特別優惠機，畀西營盤嘅乘客喺香港大學站或者上環站上車；不過同其他港鐵特惠站一樣，嘟卡之後可以喺同一日使用同一張八達通無限次，不過如果唔係喺呢兩個車站入閘，或者過咗嗰日，優惠自動失效。

隨住西營盤站開站，呢個優惠順理成章咁停止。

出面網頁

• 港鐵公司 - 新支綫及工程項目 - 西港島綫及南港島綫
• 城規會 - 《分區計劃大綱核准圖編號 S/H3/20》資料文件
• Western on the MTR track，Chester Yung、Danny Chung，英文虎報，2005年7月1日

上一站·下一站

上一站		港鐵		下一站
香港大學 往堅尼地城		港島綫		上環 往柴灣