馬場站 (東鐵綫)
 馬場站2號月台 | |
| 站名 | |
| 中文名 | 馬場站 |
| 英文名 | Racecourse Station |
| 站代碼 | RAC |
| 基本資訊 | |
| 座標 | 22°24′01″N 114°12′10″E / 22.400365°N 114.202883°E |
| 車站色 | 碧綠色 |
| 途經路線 | 東鐵綫 |
| 站服務時間 | 請留意車站公佈 尾班車時間 |
| 接駁交通 | 巴士、小巴 |
| 車站結構 | |
| 站類 | 地面 |
| 月台類 | 1島式月台 |
| 月台數 | 2 |
| 出口數 | 2 |
| 其它設施 | 其它無障礙設施 |
| 地圖 | |
 | |
馬場站（粵拼：maa5 coeng4 zaam6，英文：Racecourse Station）係港鐵東鐵綫嘅鐵路站，喺香港沙田西北面，專為沙田馬場而設，只喺沙田馬場跑馬先開。
馬場站喺港鐵票務系統中，接近東鐵綫本地路段收費，其中，馬場站喺兩鐵合併有減價，學生亦可以畀「特惠車費」（但係一般情況底下學生唔可以喺呢嗰站出閘）；然而，由於馬場站嘅收費較高同埋車站性質特別，所以上水－尖東全月通或部份港鐵紀念車票喺呢個站唔適用。
另外，因應香港賽馬會規定，未滿18歲人士喺賽馬日唔可以入馬場。因此畀3歲至11歲小童遊客用嘅「小童遊客全日通」唔可以喺呢個站用。同時小童八達通卡同未滿18歲人士所持有嘅個人八達通卡（包括已加註「學生身分」或「殘疾人士身分」嘅個人八達通卡）喺呢個站亦唔適用（沙田馬場舉行非賽馬活動除外）。即係話，只有成人同長者先至可以喺呢個站出閘。
車站結構
[編輯]車站喺大埔公路側邊，月台位於沙田馬場看台對面，貼住港鐵何東樓車廠。而大堂位於馬場看台，有三條橋駁去馬場同彭福公園。
車站樓層
[編輯]| C 大堂 |
大堂 | 出口、客務中心、沙田馬場看台 |
| 行人天橋 | 行人天橋通往大堂及月台 | |
| P 月台 |
路軌 | |
|
往羅湖／落馬洲 | |
| 島式月台，左／右邊嘅車門將會打開 | ||
|
往金鐘 | |
| 路軌 | ||
車站大堂
[編輯]大堂喺沙田馬場看台入面，因此大堂並非位於月台嘅正上方，有吐露港公路相隔。如果乘客想由月台去返大堂或者相反，都一定要用喺大埔公路（沙田段）上面嘅行人天橋。由於呢條行人天橋駁住看台嘅中間同南面，因此車站分開做北面同南面兩個大堂，兩個大堂都有客務中心同出入閘機。
由於馬場站唔係經常開放，加上大堂喺馬場看台內，所以係東鐵綫唯一一個冇公眾洗手間、自動售票機、扶手電梯及升降機嘅車站，乘客需要喺其他車站買定一張車飛或用八達通回程，否則要喺客務中心排隊買飛。
車站月台
[編輯]馬場站只有2個月台，位於港鐵何東樓車廠旁邊，以島式月台排列，並無加設月台幕門及指定方向，乘客需留意職員、月台資訊板及車站廣播嘅指示上車。
車站出口
[編輯]馬場站設有兩個車站出口，一個位於沙田馬場看台嘅中央，另一個另位於看台嘅南面，兩個出口連去沙田馬場看台。馬場站初頭無頭等服務，後嚟先加返。
- 沙田馬場、彭福公園
鄰接車站
[編輯]馬場站係東鐵綫其中一個中途站，淨係沙田馬場跑馬先至開放使用，途經馬場站列車並唔停火炭站，因此乘客需要喺沙田站或大學站等下一班列車轉去火炭站。而由沙田馬場可以步行取道跨越大埔公路嘅行人天橋同埋銀禧花園通道前往火炭站。
| 東鐵綫 | ||||||||
| ||||||||
接駁交通
[編輯]
由於馬場站服務區域只限沙田馬場，港鐵公司並無喺車站街道圖提供接駁交通資訊。
利用狀況
[編輯]馬場站只係喺馬會有馬跑嗰陣先至開，沙田馬場嘅賽馬多數喺星期六、星期日或者公眾假期日間跑，而星期三雖然多數都係喺跑馬地馬場跑夜馬，但係沙田馬場亦會開出嚟做雙邊投注，所以港鐵亦會開埋馬場站，而平時無馬跑就唔會開，不過有部分直通車會通過馬場。而所有經馬場站嘅列車都唔會停火炭站。
上一站‧下一站
[編輯]| 上一站 | 港鐵 | 下一站 | ||
|---|---|---|---|---|
往金鐘
|
東鐵綫 賽馬日經馬場列車 |
出面網頁
[編輯]