南港島綫

出自維基百科,自由嘅百科全書
跳去: 定向搵嘢
南港島綫路線
南港島綫列車
南港島綫高架橋

南港島綫香港鐵路有限公司嘅未來路線計劃之一。呢條線計劃連接香港島北岸同南區,以解決南區嘅交通擠塞問題。鐵路分為南港島綫東段南港島綫西段,係一個中型鐵路系統香港行政長官曾蔭權響2007年施政報告應承過會起。南港島線東段響2011年開始起,本嚟話2015年通車,最後東段喺2016年12月28號通車[1][2],但係西段就暫時未有興建時間表。

[編輯]

早期構思[編輯]

1989年香港政府運輸科發表《第二次整體運輸研究》報告,就話想拉地鐵入南區,1993年發表嘅鐵路發展諮詢文件同1999年發表嘅鐵路發展研究都有提過,不過都係得個講字。

研究點起[編輯]

2002年,香港政府搵地鐵公司研究南港島綫點起,初頭提議由香港大學經鴨脷洲接駁去灣仔,唔經香港仔。2004年地鐵公司將南港島綫拆開兩邊,東段由鴨脷洲接駁去金鐘,西段就同西港島綫合併,由黃竹坑接駁去西營盤。2005年地鐵公司再改方案,西港島綫用延長港島綫方式去起,南港島綫西段接駁去香港大學,不過嗰時政府一路未拍板起唔起。

到兩年之後,行政長官曾蔭權響2007年10月施政報告應承起南港島綫,同年12月行政會議批准起東段。之後曾經研究加唔加跑馬地站,最後港鐵公司同香港馬會傾唔掂數,2009年落實唔加。

開工同通車[編輯]

2011年5月,行政會議再批准交前黃竹坑邨地皮畀港鐵發展,資助起南港島綫,同時南港島綫亦正式開工。

2012年4月,港鐵公佈南港島綫詳情,預計2015年完工,不過因為金鐘站工程有阻滯,2014年6月改口話2016年底前完工。

運輸及房屋局局長張炳良響2015年尾去海洋公園站視察嗰陣提過,嗰陣嘅工程已經完成咗九成,預計可以喺2016年尾通車[3]。2016年11月,時任港鐵主席馬時亨確認可以喺同年12月中下旬通車。2016年12月5號,港鐵確認南港島綫(金鐘到海怡半島)通車日期。[1]2016年12月28號,南港島綫通車,頭班車響清晨5:55由海怡半島站開出。[2]

車站一覽‧接駁路線[編輯]

東段[編輯]

車站套色同埋名 喺邊區 車站接駁 啟用日期
南港島綫
金鐘 中西區 港島綫荃灣綫 1980年2月12號
海洋公園 南區 2016年12月28號[1]
黃竹坑 南港島綫西段[SIL]
利東
海怡半島
附註
SIL 根據港鐵公司提出嘅南港島綫方案,會起南港島綫東段西段,為港島南區提供鐵路服務。宜家西段計劃仲喺研究階段,未能夠落實有關計劃嘅發展日期。
      

西段[編輯]

車站套色同埋名 喺邊區 車站接駁 啟用日期
南港島綫西段
香港大學 中西區 港島綫 2014年12月28號
數碼港 南區
華富
香港仔
黃竹坑 南港島綫東段[SIL] 2016年12月28號[1]
附註
SIL 根據地鐵公司提出嘅南港島綫方案,會起南港島綫東段南港島綫西段,為港島南區提供地鐵服務。而家西段重喺研究階段,未能夠落實有關計劃嘅發展日期。
      


[編輯]

出面網頁[編輯]


編輯 南港島綫
金鐘 - 海洋公園 - 黃竹坑 - 利東 - 海怡半島


編輯 南港島綫西段(建議緊)
香港大學 - 瑪麗醫院 - 數碼港 - 華富 - 田灣 - 香港仔 - 黃竹坑