跑馬地站
馬場站（計畫本來叫跑馬地站）喺香港跑馬地，係港鐵南港島綫東段上一個已經擱置嘅車站，包括喺南港島綫東段三個方案中嘅方案乙同方案丙曾經被建議過。車站將會服務香港島灣仔區嘅跑馬地地區。
歷史
[編輯]喺港鐵公司（當時叫地鐵公司）嘅方案入面，跑馬地站設喺跑馬地馬場以南的住宅區。雖然個站附近有跑馬地馬場，但係同東鐵綫嘅馬場站不同，唔會淨係喺賽馬日先至開放，因為跑馬地有好多住宅大廈，平日都有唔少客源。
因為受到部分地區人士同區內居民大力反對，認為起站破壞跑馬地嘅寧靜環境。港鐵公司喺2007年12月17日宣佈擱置興建跑馬地站。不過，大概喺同一個時間，香港賽馬會表示有意同港鐵公司協商喺跑馬地馬場設立車站，並且改名做馬場站，因此本站興唔興建仍然存有變數[1]。至於會唔會只係喺賽馬日先至開放，就暫時未有定案。
隨住香港賽馬會係2008年1月11日發表措辭強硬聲明，拒絕補貼上市嘅港鐵公司起跑馬地站，並且指出銅鑼灣站已經可以足夠應付跑馬地居民嘅需求，加上賽馬會主席陳祖澤係港鐵其中一名主要對手九巴同龍運巴士嘅高級執行董事，相信該站嘅興建機會非常之渺茫[2]。
參攷
[編輯]- ↑ 馬會出13億 倡港鐵通馬場 南港島線決定棄跑馬地站 殺出程咬金 互聯網檔案館嘅歸檔，歸檔日期2007年12月23號，.，《明報》，2007年12月20日
- ↑ 馬會拒補貼建跑馬地站 互聯網檔案館嘅歸檔，歸檔日期2008年1月15號，.，《明報》，2007年12月20日
