粉嶺站
|
||||||||||
 |
||||||||||
 粉嶺站1號月台 |
||||||||||
|
||||||||||
|
||||||||||
|
||||||||||
|
||||||||||
粉嶺站（粵拼：fan2 leng5 zaam6；英文：Fanling Station）係港鐵東鐵綫一個喺香港粉嶺嘅鐵路車站。本站同沙田站同時係香港兩個最早通車，而且而家仍然提供鐵路服務嘅車站。
粉嶺站係一個地面車站。月台中間有扶手電梯連接上面嘅大堂，而大堂分為南北出入閘口，出閘之後喺左右兩邊分別有連接住粉嶺名都，同埋橫跨九號幹線直到百和路嘅出口，而南閘口就相反。喺2號月台嘅第9卡有個閘口可以直接去路面小巴站，未有呢個閘口之前嘅設計同未擴建前嘅上水站有啲似樣。月台係兩個側式月台。
目錄
車站結構[編輯]
車站樓層[編輯]
| 大堂 | 大堂 | 出口、客務中心、洗手間 |
| 車站商店、自動售賣機、自動櫃員機 | ||
| 「e分鐘著數」機 | ||
| 行人天橋 | 行人天橋往粉嶺名都、百和路 | |
| 月台 |
|
|
| ➊ | 往羅湖／落馬洲 | |
| 路軌 | ||
| 路軌 | ||
| ➋ | 往紅磡 | |
|
|
||
| 出C | 出口、客務中心 | |
車站出口[編輯]
粉嶺站有4個出口，其中A、B出口都連接車站南北大堂。另外，往尖東嘅2號月台另設C出口連接粉嶺車站路，方便乘客由其他交通工具轉東鐵綫去九龍。
車站大堂[編輯]
- A - 粉嶺名都
- A1 - 粉嶺政府合署、粉嶺法院大樓、粉嶺裁判法院、粉嶺遊樂場、聯和墟、上水分區警署
- A2 - 粉嶺名都、明愛粉嶺陳震夏中學、祥華邨、粉嶺中心、粉嶺官立小學、東華三院李嘉誠中學
- B - 蓬瀛仙館
- 蓬瀛仙館、碧湖花園、粉嶺救恩書院、嘉福邨、嘉盛苑、景盛苑、觀宗寺、百福花園、聖芳濟各書院、華明邨、華心邨、欣盛苑、中華基督教會基新中學、粉嶺官立中學
2號月台（地面）[編輯]
- C -
- 粉嶺政府合署、祥華邨、粉嶺中心、粉嶺官立小學、粉嶺法院大樓、粉嶺裁判法院、粉嶺遊樂場、粉嶺游泳池、粉嶺名都、聯和墟、五旬節靳茂生小學、上水分區警署
鄰接車站[編輯]
| 東鐵綫 | ||||||||
|
||||||||
利用情況[編輯]
粉嶺站使用量龐大，繁忙時間無論通往百和路定係粉嶺中心嘅車站出入口都人頭湧湧，朝早繁忙時間往紅磡方向月台迫到水洩不通，再加上前一站上水站嘅乘客量更驚人，間中會有粉嶺站乘客上唔到車嘅情況。而粉嶺站朝早亦有大量往來上水同粉嶺嘅學生使用，咁啱返學時間又撞正返工人士出門口時間，令粉嶺站朝早七點九到八點鐘時段更加迫。
另外，由於粉嶺站附近都係住宅區，所以非繁忙時間乘客量唔夠位於北區心臟地帶嘅上水站多人。
接駁交通[編輯]
粉嶺車站係粉嶺一帶交通樞紐，有巴士去粉嶺附近主要地區好似：聯和墟、和合石一帶，亦有車去沙頭角。而遠啲嘅地方就可以撘小巴去，例如鶴藪、坪輋、龍躍頭、丹竹坑、小坑村同鹿頸。
粉嶺車站路巴士站[編輯]
- 九巴
- 專線小巴
- 52A/56A - 粉嶺站 ↔ 聯和墟和滿街（聯和墟街市）
- 54A - 粉嶺站 ↔ 聯和墟榮福中心
粉嶺鐵路站小巴總站[編輯]
- 專線小巴
- 52B - 粉嶺站 ↔ 鶴藪
- 52K - 粉嶺站 ↔ 坪輋
- 54K - 粉嶺站 ↔ 龍躍頭（循環線）
- 56B - 粉嶺站 ↔ 丹竹坑
- 56C - 粉嶺站 ↔ 小坑村
- 56K - 粉嶺站 ↔ 鹿頸
- 501A - 雍盛苑 ↔ 聯和墟（循環線，八達通轉乘優惠）
- 501K - 欣盛苑 ↔ 聯和墟（循環線，八達通轉乘優惠）
百和路巴士站[編輯]
- 九巴
- 龍運巴士
- A43 - 聯和墟 ↔ 機場
新運路巴士站[編輯]
車站周邊[編輯]
附近係住宅區。不過由於車站貼住大型屋苑，好似粉嶺名都、粉嶺中心、祥華邨、華明邨、華心邨等，呢啲屋苑都有好多唔同嘅食肆，粥、粉、麪、飯，中、西式乜都有，價錢又比上水嘅平。所以，唔少由大陸返到嚟香港嘅人，都會喺粉嶺站落車，順便食返餐同慳返一個站火車錢（港幣2蚊至24.4蚊不等，以成人八達通搭普通等計算）。不過，亦由於附近嘅祥華邨有好多中、小學，所以喺午飯時間會見到有好多人喺度食晏。
而以下嘅地方亦都喺粉嶺站附近：
史[編輯]
粉嶺站做過沙頭角支綫總站。
| 沙頭角支綫 | ||
| 粉嶺 - 孔嶺 - 禾坑 - 石涌凹 - 沙頭角 | ||
上一站‧下一站[編輯]
| 上一站 | 港鐵 | 下一站 | ||
|---|---|---|---|---|
|
往紅磡
|
東鐵綫 |
外面鏈接[編輯]
 |
維基同享有呢類多媒體資源： 粉嶺站 |
