元朗站 (屯馬綫)

元朗站係香港嘅一個鐵路車站，響港鐵屯馬綫之上。元朗站響香港新界元朗朗日路，係元朗區四站之一。個站同輕鐵元朗站相鄰，乘客可以喺呢個站轉輕鐵。

車站結構

元朗站響元朗市區東便，係個架空車站，長420米，闊40米。大堂同月台都係架空，有3部升降機同12部扶手電梯，來往月台、大堂同埋出口。站下便地面有巴士總站、的士站等公共運輸交匯處，同橫過嘅朗日路。

車站南面係畀人轉輕鐵嘅元朗總站同上蓋物業新元朗中心。再南面有元朗東巴士總站、青山公路元朗段同新時代廣場。車站北面就係元朗舊墟。

A - 朗日路
- 朗日路
B - 元朗舊墟
- 南邊圍、西邊圍
C - 元點
- 鳳庭苑
E - 輕鐵
- 輕鐵
  - 設有升降機往返及失明人士引導徑地面
F - 形點II
- 佛教榮茵學校（新界區資優教育中心）、鳳琴街體育館、鳳攸東街、鳳攸南街、雍翠豪園、形點II、新時代廣場
  - 設有輪椅升降台及失明人士引導徑往返地面
G - 輕鐵
- G1 - 輕鐵
  - 設有升降機及失明人士引導徑往返地面
- G2 - 東頭村、蔡屋村、采葉庭
  - 設有斜道往返地面
H - 博愛醫院
- 博愛醫院、公眾停車場、小商新村
J - 英龍圍
- 朗和路、英龍圍、大圍村、黃屋村
K - 形點I

編輯	屯馬綫

屯門南 - 第16區 - 屯門 - 兆康 - 洪水橋 - 天水圍 - 朗屏 - 元朗 - 錦上路 - 荃灣西 - 美孚 - 南昌 - 柯士甸 - 尖東 - 紅磡 - 何文田 - 土瓜灣 - 宋皇臺 - 啟德 - 鑽石山 - 顯徑 - 大圍 - 車公廟 - 沙田圍 - 第一城 - 石門 - 大水坑 - 恆安 - 馬鞍山 - 烏溪沙

元朗站喺車站底設有公共運輸交匯處外，朗日路對面亦有新元朗中心巴士站。其他嘅巴士站，包括元朗（東）巴士總站同青山公路嘅東頭村巴士站都距離較遠。

鐵路
- 輕鐵元朗（八達通、西鐵綫全月通、西鐵綫全日通及遊客全日通免費轉乘優惠）
巴士
- 港鐵巴士：
  - K65 - 元朗（東） ↔ 流浮山（八達通、西鐵綫全月通、西鐵綫全日通及遊客全日通免費轉乘優惠）
  - K74 - 天瑞 ↺ 元朗（東）（八達通、西鐵綫全月通、西鐵綫全日通及遊客全日通免費轉乘優惠）

- 九巴：
  - 其他路線：53、54、64K、68、68E、68F、68M、68X、76K、77K、251C、264R、268A、268B、268C、268P、268X、269D、276、276C、276P、968、968A、968X、P968、N269、N368、B1
- 新大嶼山巴士：
  - B2 - 元朗站 ↔ 深圳灣口岸
- 龍運巴士：
  - A36、E36、E36A、E36S、N30、NA36
小巴
- 新界專線小巴：
  - 77 - 天水圍 ↔ 落馬洲公共運輸交匯處（八達通轉乘優惠，只限往返落馬洲嘅車程）
  - 604 - 元朗站 ↔ 山下村
  - 其他路線：31、32、36、37、38、71、72、601、602、603、608、609、611

西鐵啱啱通車嗰陣，車站相當冷清，到各項優惠措施推出之後乘客量先至上升，本站嘅人流同樣係先冷清，然後轉趨熱鬧。之後開辦咗兩條來往邊境管制站嘅巴士路線後，車站成為轉乘嗰啲路線嘅轉車站。

輕鐵可以令本站嘅服務範圍擴張至青山公路（元朗段）沿線，對提高人流相當有效，但係人流以返工放工同返學放學嘅乘客居多。九廣鐵路公司或者港鐵都未有公開喺人流方面嘅統計。

西鐵綫，原本叫九廣西鐵，喺1998年動工興建。呢個站之前係朗日路一部分，到動工嗰陣，朗日路向北移，本來北面嘅唔少村屋被收返用作工地，工程完成後到而家仍然係空地。

由於本站需要成為輕鐵元朗站轉車站，呢個站嘅位置盡量挨近輕鐵元朗總站嘅北面。呢個站喺2002年建成，並喺2003年12月20號啟用。

元朗站西南面D出口已預留接口畀行人天橋。個接口已準備好，不過家下用牆封住先。

2019年7月21號晚，有百幾個白衫人帶住藤條長棍入元朗站，打傷多名乘客，包括柳俊江同埋立法會議員林卓廷，總共45人傷。

上一站		港鐵		下一站
朗屏往屯門		屯馬綫		錦上路往烏溪沙

（由2009年8月16號開始）

月台	方向	列車班次（分鐘）						頭班車	尾班車
月台	方向	平日上晝繁忙時段	平日下晝繁忙時段	星期六上晝繁忙時段	星期六下晝繁忙時段	星期六非繁忙時段	平日非繁忙時段/ 星期日及公眾假期	頭班車	尾班車
	往屯門	2.9	3.5		4	5-7		0607	0058
	往烏溪沙							0557	0021
	往紅磡							0557	0027