屯門南站
跳去導覽
跳去搵嘢
 | 呢篇文或者呢節係關於香港未來嘅建設或者計劃。 呢篇文或者呢節可能包含估估下嘅資料，同完工時可能有出入。 |  |
屯門南站建議位置，而家係湖景路
屯門南站係香港港鐵屯馬綫上一個已落實會起嘅站，服務屯門南嗰頭。呢個站預計喺2023年興建、2030年啟用[1]。
計劃[編輯]
早喺2000年，呢個站已經被香港納入《鐵路發展策略2000》嘅檢討報告入面[2]。到咗2013年，路政署就開展我們未來的鐵路項目諮詢公眾，喺2014年9月《鐵路發展策略2014》公佈咗呢個站會係將來會起嘅屯門南延綫入面嘅一個站。呢個站由屯門站向南延伸到蝴蝶灣東面開設嘅屯門南站，到嗰陣屯門站將由屯馬綫新界西嘅終點站變咗中途站，呢個計劃最初建議喺2019年開工、2022年啟用[3]。2020年5月29號，行政長官會同行政會議正式批准政府邀請港鐵公司開展屯門南延線項目嘅詳細規劃同設計，喺工程時間上就改做2023年開工、2030年啟用[4][5]。
車站結構[編輯]
呢個站計劃係架空車站，以島式月台去起，同埋呢個站嘅規模會比較細[6]。
鄰接車站[編輯]
| 屯馬綫（建議緊） | ||
| 屯門南 - 屯門16區 - 屯門 - 兆康 - 洪水橋 - 天水圍 - 朗屏 - 元朗 - 錦上路 - 荃灣西 - 美孚 - 南昌 - 柯士甸 - 尖東 - 紅磡 - 何文田 - 土瓜灣 - 宋皇臺 - 啟德 - 鑽石山 - 顯徑 - 大圍 - 車公廟 - 沙田圍 - 第一城 - 石門 - 大水坑 - 恆安 - 馬鞍山 - 烏溪沙 | ||
攷[編輯]
- ↑ 〈港鐵展開屯門南延綫項目設計招標 預期2030年竣工〉. inews.hket. 2020-05-29.
- ↑ 〈屯門南延綫及洪水橋站〉. 原著喺2013-02-25歸檔. 喺2015-01-29搵到.
- ↑ 《鐵路發展策略2014 互聯網檔案館嘅歸檔，歸檔日期2016年4月12號，.》（第28-30、46頁），2014年9月，運輸及房屋局
- ↑ 〈政府邀請港鐵公司開展屯門南延線項目詳細規劃及設計〉. 政府新聞處. 2020-05-29.
- ↑ 立法會交通事務委員會 鐵路事宜小組委員會 屯門南延線
- ↑ 〈屯門南延線2030年通車 兩新站擬以架空形式建設〉. 東方日報. 2020-11-14. 喺2021-02-12搵到.
