香港大學站
 香港大學站1號月台（書法字） | |
| 站名 | |
| 中文名 | 香港大學站 |
| 英文名 | HKU Station |
| 站代碼 | HKU（同英文站名相同） |
| 基本資訊 | |
| 車站色 | 青色 |
| 途經路線 | 港島綫 |
| 站服務時間 | 0551-0120 尾班車時間 |
| 接駁交通 | 巴士、小巴、電車 |
| 車站結構 | |
| 站類 | 地底 |
| 月台類 | 島式月台 |
| 月台數 | 1 |
| 出口數 | 6 |
| 其它設施 | 其它無障礙設施 |
| 地圖 | |
 | |
香港大學站（粵拼：hoeng1 gong2 daai6 hok6 zaam6；英文：HKU Station[1][2]）係香港一個鐵路車站，喺香港島石塘咀，屬港鐵港島綫同南港島綫西段。喺早期設計，位置唔同，初名卑路乍站（bei1 lou6 zaa3 zam6，Belcher Station）、後名屈地站（wat1 dei6*2 zam6，Whitty Station），都係用附近馬路來起名。如今座落香港大學以北山腳。個站可步行往來石塘咀同香港大學一帶。2008年8月10號動工[3]，2014年12月28號啟用。
歷史
[編輯]1967年最初設計，個站係港島綫一部份，想起喺卑路乍街，即係山市街同荷蘭街一段，所以叫卑路乍站。站喺正卑路乍街南面樓底，所以山市街同李寶龍路之間嘅樓，都打算拆咗重建。而站早就預咗搭客無咁多。1971年設計，決定東移去屈地街一帶，所以改名做屈地站。站位於嘉安街、屈地街同山道之間，一段德輔道西嘅地底，而附近商住大廈創業中心同埋商業大廈太平洋廣場，均預留位出入口同大堂[4]。1986年通車港島綫，屈地站有預留位置，但一直都無起個站，皆因人口少，技術繁，唔合經濟。
直到21世紀初，先至重提舊事，但路綫經已不同，偏向山邊。大型私人屋苑寶翠園重建，車站西南移至寶翠園一帶。到咗設計2006年方案，地鐵公司打算遷就香港大學同半山區，將車站移到山道同薄扶林道之間，山坡底。站由金門西松聯營負責興建，合約要埋其他兩西港島線車站，工程項目編號為WIL704。2005年6月建議，站係港島綫延伸段，即港島綫西延同南港島綫轉車站，而非早前建議，係南區鐵路支綫一站。當時支綫亦稱西港島綫，即現時暫稱「南港島綫西段」嘅前身。
命名爭議
[編輯]港島綫西延三站中，車站名最冇共識。因爲方案由原本屈地街，移近山，地近私人屋苑寶翠園，而初名作寶翠站。後尾喺香港大學話[5]因香港大學耐過寶翠園好多[6]），地鐵當局喺2003年改名大學站。
不過有當地居民反對，認為站係服務社區，而唔係大學，更加唔滿意地鐵方面，喺未咨詢居民情況下就擅做決定，建議改爲石塘咀站，石塘咀即站在地，合符貫名準則[7]。另一方面，呢三名，就係三區議會選區名，代表區議員，亦僵持不下[8]。喺兩鐵合併前，官方依然叫大學站[9]。
兩鐵合併，如果唔改名，港鐵就會有兩大學站。因此，有傳東鐵綫大學站，復名馬料水站[10]，噉樣令香港中文大學學生不滿，喺網上論壇同香港大學嘅學生激辯[11][12]。但港鐵指，港島綫西延大學站唔屬正式名，重話重新改名先至會反映出呢個區嘅特色[10]。直到2009年，港島綫西延動工，港鐵暫名香港大學站[13]，但英文名為「Hong Kong University」，但正式名，仍有待決定。
之後按2012年1月12號嘅港鐵文件話中文名可能改為港大站，而英文名唔變[14]。有關消息，喺文件之外，未受港鐵網站確認。1月26號，港鐵公司指有關站名，係「手民之誤」，重未落實[15]。
結果呢嗰站叫咗做香港大學站，英文就用縮寫HKU。
車站結構
[編輯]車站樓層
[編輯]| G 地面 |
- | 出口 |
| C 大堂 |
大堂 | 廁所
|
| P 月台 |
路軌 | |
|
往柴灣 | |
| 島式月台，右邊嘅車門將會打開 | ||
|
往堅尼地城 | |
| 路軌 | ||
| 預留結構 | 預留月台 | 留畀第日南港島綫西段用 |
車站月台
[編輯]南港島綫、港島綫西延，兩綫分期興建，所以月台都分階段起。地鐵公司二零零六年八月，發表修訂建議方案，香港大學站喺港島綫西延啟用時，會設一層島式月台，供港島綫列車用[17]。至於南港島綫西段嘅設計，則未有相關資料。
在此之前，地鐵公司二零零五年九月，發表港島綫西延初步設計方案，香港大學站喺港島綫西延啟用時，有上下兩個側式月台構成，港島綫路軌，會置喺車站月台北面，而月台設計，計埋南港島綫轉車流量；起南港島綫嗰陣，先至將南港島綫西段路軌，加建喺月台南面，成為兩層島式月台，就似北角站順方向跨月台轉車站：去堅尼地城方向嘅搭客，只要行過對面月台，就可以轉南港島綫西段列車，反之，南港島綫西段嘅搭客，可行過對面月台，搭港島綫去柴灣方向。至於來往堅尼地城站嘅乘客想喺呢個站轉車，就要坐電動扶梯，往來上下兩層，到啱月台。然而，由於南港島綫西段，興建時間尚未明朗，因此地鐵公司二零零六年八月，發表修訂建議方案，無留位畀南港島綫西段，以務求降低成本。
車站出入口
[編輯] |
 |
| 出口編號 | 建議前往目的地 |
|---|---|
   |
 薄扶林道、聖保羅書院
|
 |
香港大學
|
 |
屈地街、皇后大道西、石塘咀市政大廈 |
|
山道、太平洋廣場、香港商業中心、德輔道西、維壹
|
 |
薄扶林道、何東夫人堂、香港潮商學校、賽馬會第一學生舍堂村、任白樓、寶翠園
|
|
卑路乍街、堅彌地城海旁、中遠酒店、西寶城、保良局陳區碧茵頤養院、堅尼地城游泳池、寶翠園 |
香港大學站通往 A1/A2 出口嘅通道上面有介紹香港大學校史嘅畫廊。
使用狀況
[編輯]車站鄰近香港大學，因此有唔少香港大學師生，甚至校外市民亦會選擇使用呢個站往返大學。返學嘅繁忙時段，好容易因為大量乘客需要喺A出口搭𨋢上去大學而排長龍，有時會由A出口通道排到車站大堂附近，甚至排到去其他出口嘅通道，而放學時段就會由A2出口港大嗰邊開始排長龍。另外車站亦鄰近多間中小學以及石塘咀商住區，亦且有唔少前往南區西部嘅市民亦會選擇於呢個站轉乘其他交通工具前往目的地，故此自啟用以嚟一直有高企嘅客流量。
接駁交通
[編輯]- 城巴：
- 3A、4、4X、5B、5X、7、10、18、18P、18X、23、30X、33X、37A、37B、37X、40、40M、40P、43M、71、71P、90B、91、93、93A、93C、A10、N8X、NA10、NA12
- 過海隧道巴士：
- 101、101X、103、104、113、904、905、905A、905P、970、970X、971、973、X970
- 專線小巴：
- 3、3A、8、8X、10、10P、12、13、22、22S、22X、28、28M、28S、31、54、55
上一站·下一站
[編輯]| 上一站 | 港鐵 | 下一站 | ||
|---|---|---|---|---|
總站
|
港島綫 | 往柴灣
|
列車班次
[編輯]| 月台 | 方向 | 列車班次（分鐘） | 頭班車 | 尾班車 | |||||
|---|---|---|---|---|---|---|---|---|---|
| 平日上晝 繁忙時段 |
平日下晝 繁忙時段 |
星期六上晝 繁忙時段 |
星期六下晝 繁忙時段 |
星期六 非繁忙時段 |
平日非繁忙時段/ 星期日及公眾假期 | ||||
|
|||||||||
|
|||||||||
註
[編輯]- ↑ "Construction of MTR West Island Line Project Commenced-Background Information of MTR West Island Line" (PDF) (新聞稿) (英文). 香港鐵路有限公司. 2009-08-10. p. 4. 喺2009-08-13搵到.
Three underground stations namely Sai Ying Pun,HongKongUniversity and Kennedy Town
- ↑ "West Island Line Authorized Scheme" (英文). 香港鐵路有限公司. 原著喺2009-08-16歸檔. 喺2009-08-10搵到.
- ↑ 〈存档副本〉。原著喺2015年7月9號歸檔。喺2012年1月27號搵到。
- ↑ 西港島線歷史 互聯網檔案館嘅歸檔，歸檔日期2004年8月24號，. ── 香港西港島線關注小組
- ↑ 〈港大倡西港島線建大學站〉，《文匯報》，2004年2月27號
- ↑ 〈「寶翠」「大學」爭命名〉，《成報》，2005年9月17日
- ↑ 〈大學站百米深 掘豎井建升降機〉，《香港經濟日報》，2005年9月16日
- ↑ 〈地鐵西港島線11出入口 大學站命名掀爭議〉，《太陽報》，2005年9月13日
- ↑ 西港島綫最新建議方案 互聯網檔案館嘅歸檔，歸檔日期2008年10月6號，.，港鐵公司，2006年8月31號
- ↑ 10.0 10.1 《大學站鬧雙胞》，明報，2007年10月23號
- ↑ 〈迷你論壇〉。原著喺2008年6月3號歸檔。喺2012年1月27號搵到。
- ↑ 〈迷你論壇〉。原著喺2008年6月1號歸檔。喺2012年1月27號搵到。
- ↑ 〈港鐵網站-西港島綫資料〉。原著喺2010年2月21號歸檔。喺2012年1月27號搵到。
- ↑ 新一代鐵路車站的設計 互聯網檔案館嘅歸檔，歸檔日期2012年1月31號，. - 港鐵公司
- ↑ 〈「大學站」改名「中大站」 港鐵：手民之誤〉。《明報》。2012-01-26。歸檔時間2012-01-29。喺2012-01-26搵到。
{{cite news}}: CS1 maint: bot: original URL status unknown (link) - ↑ 環境評估報告：西港島線（環境評估報告附圖：4.11），2008年4月，香港環境保護署
- ↑ 地鐵公司就西港島綫向香港立法會提供的電腦投影片資料，2007年3月30號
- ↑ 〈港鐵西港島綫香港大學站小冊子〉 (PDF)。《港鐵西港島綫網頁》 (繁體中文)。港鐵公司。原著 (PDF)喺2014年1月24日歸檔。喺2011年8月30日搵到。
- ↑ 西港島綫環境影響評估報告－EIA Reports－Drawings－Figure 2.4－Site Plan – University Station
睇埋
[編輯]出面網頁
[編輯]
| 港島綫 | ||
| 堅尼地城 - 香港大學 - 西營盤 - 上環 - 中環 - 金鐘 - 灣仔 - 銅鑼灣 - 天后 - 炮台山 - 北角 - 鰂魚涌 - 太古 - 西灣河 - 筲箕灣 - 杏花邨 - 柴灣 | ||
| 南港島綫西段（計劃緊） | ||
| 香港大學 - 瑪麗醫院 - 數碼港 - 華富 - 田灣 - 香港仔 - 黃竹坑 | ||
