迪士尼站

迪士尼站（粵拼：dik6 si6 nei4 zaam6；英文：Disneyland Station）喺香港荃灣區大嶼山東北部嘅竹篙灣，係港鐵迪士尼綫嘅總站，喺2005年8月1號配合迪士尼綫通車而啟用，個站淨係設有1個月台，亦都裝咗月台閘門。

車站用咗維多利亞時代風格，並且係一個開放式車站，設備及裝飾亦都仿照19世紀嘅格局，用嚟配合香港迪士尼樂園度假區嘅設計。

車站結構[編輯]

迪士尼站設有2層，包括喺地面嘅車站大堂同埋L1層嘅月台，1號月台係畀迪士尼綫往欣澳方向嘅列車使用。本站嘅月台位置雖然低過地面水平，但仍屬於地面車站。

迪士尼站車站大堂設於地面，其中比較特別嘅地方，主要係售票機喺車站建築物外牆，以及出入閘機及客務中心位於出口之處，係香港嘅鐵路車站較少出現嘅設計。

同時，站內只設有1組兩條來回嘅扶手電梯往返車站大堂及月台，而大堂兩側設有升降機及斜道方便輪椅及嬰兒車嘅乘客使用。

現時，迪士尼站提供恒生銀行同中國工商銀行嘅自動櫃員機。收費區內曾經設有7-Eleven 便利店及其他小型商店，畀乘客買小食同嘢飲喺閘外嘅非收費區享用。

迪士尼站係繼寶琳站後只設1個側式月台嘅車站，因此乘客落車後，列車就會改為相反方向，畀乘客上列車前往欣澳站方向。

車站同欣澳站一樣，為咗配合該站無冷氣嘅通風系統，設有月台閘門，高度大約係一般港鐵車站月台幕門嘅一半，係全香港第2個車站採用月台閘門，月台更預留充足空間以便日後迪士尼綫增加至8卡行走。

此外，迪士尼站嘅月台層更設有收費區內公眾洗手間，同欣澳站，成為全港第2個港鐵前地鐵市區綫系統嘅車站於收費區內設有畀公眾使用嘅洗手間，亦係繼機場快綫之後喺車站內設有公眾洗手間嘅車站。

迪士尼站同欣澳站一樣，淨係得一個出入口，通去香港迪士尼樂園度假區門口外面嘅迎樂路。除咗方便往來香港迪士尼樂園度假區嘅市民同遊客之外，亦可以喺迪士尼站以北嘅迪士尼樂園公共運輸交匯處，轉巴士往來迪欣湖活動中心。

由於車站出口嘅指示牌，正喺出入閘機隔籬，因此乘客喺出入閘機，其實經已離開咗車站範圍。

迪士尼站側邊設有1個公共運輸交匯處，入面有巴士站、旅遊巴士站同的士站畀乘客轉巴士或的士去迪欣湖活動中心、香港迪士尼樂園酒店及迪士尼好萊塢酒店嘅度假區區內設施。特別係往返迪欣湖活動中心嘅巴士路線R8，由於前往活動中心嘅步行時間較長，唔少遊客轉巴士前往，成為迪士尼站主要嘅接駁交通工具。

而且，公共運輸交匯處重有旅遊巴士前往深圳皇崗口岸同喺夜晚迪士尼煙花匯演後提供特別巴士路線前往香港各區。不過由於客量唔多，由迪士尼公共運輸交匯處前往東鐵綫上水站嘅旅遊巴士已於2007年11月1號被取消，特別巴士路線亦不斷削減班次。

城巴／龍運巴士：
- R8 - 迪士尼樂園 ↔ 青嶼幹線收費廣場（循環線）
城巴：
- R11 - 迪士尼樂園 → 北角碼頭
- R22 - 迪士尼樂園 → 油塘
- B5 - 港珠澳大橋香港口岸 ↔ 欣澳站（部分時間繞經迪士尼樂園）
  - R11、R22淨係喺特定日子按需求服務
龍運巴士：
- R33 - 迪士尼樂園 ↔ 屯門站
- R42 - 迪士尼樂園 ↔ 大圍站
  - R33、R42淨係喺星期日及公眾假期朝早提供往迪士尼樂園服務同喺星期六、日及公眾假期迪士尼樂園煙花匯演後提供回程服務
跨境巴士
- 迪士尼樂園 ↔ 深圳皇崗口岸
迪士尼度假區穿梭巴士
- 迪士尼公共運輸交匯處 ↔ 香港迪士尼樂園酒店 ↔ 迪士尼好萊塢酒店
的士
- 市區的士站
- 新界的士站
- 大嶼山的士站

迪士尼站通車初期主要方便樂園工作人員用，及率先開放車站畀市民遊覽，因此通車初期人流只限試搭鐵路嘅乘客同埋樂園工作人員。2005年 8月及9月，迪欣湖活動中心及香港迪士尼樂園對外開放，迪士尼站人流急增，主要畀遊客及樂園工作人員使用。

雖然香港迪士尼樂園度假區有巴士及旅遊巴往返香港各區同埋深圳皇崗口岸，但因為行車時間長同車費高，而且遊客離開度假區後會選擇前往鄰近嘅青衣城買嘢食嘢，因此迪士尼綫一直係遊客主要嘅交通工具，有一定乘客量。

上一站		港鐵		下一站
總站		迪士尼綫		欣澳總站

月台	方向	列車班次（分鐘）						頭班車	尾班車
月台	方向	平日上晝繁忙時段	平日下晝繁忙時段	星期六上晝繁忙時段	星期六下晝繁忙時段	星期六非繁忙時段	平日非繁忙時段/ 星期日及公眾假期	頭班車	尾班車
	往欣澳	4.5-5				10		0620	0040