石涌凹站（Shek Chung Au Station）係香港沙頭角支綫一站，喺沙頭角石涌凹嘅沙頭角公路側跟，沙頭角支綫停止營運之後就拆咗。
現時車站遺址、石屎橋同路基都喺沙頭角農莊範圍内，農莊入面仲設有展覽館，介紹沙頭角支線嘅歷史。以往呢個農莊位於邊境禁區範圍，2012年2月15號起解禁，但農莊現時只係接待預約團體。
