尖沙嘴火車站
1910年10月1日投入服務嘅尖沙嘴火車站係舊時香港九廣鐵路英段嘅香港總站，喺九龍尖沙嘴最南端嘅海邊。以前嘅人可以喺尖沙咀火車站上火車到巴黎，係歐亞鐵路亞洲嘅總站。火車站主樓係由英國馬來聯邦建築師哈巴克設計。喺1913年開始起，1915年起好。第一班火車喺1916年3月28日開出。直到1975年11月30號由紅磡站取代成為九廣鐵路嘅香港總站。到咗1978年尖沙嘴火車站就拆埋，得番個鐘樓留低，原址就起咗香港文化中心。
火車站係用紅磚同花崗岩砌成，側邊有好多條羅馬石柱同拱門，上邊有尖頂裝飾。客運月台起喺南邊，面對維多利亞港，同梳士巴利道平行；喺羅湖抵達嘅列車由東面駛入車站月台。嗰陣時嘅鐵路路線沿住梳士巴利道同漆咸道行，路軌側邊已經係海岸線所在。
