港鐵特惠站

出自維基百科,自由嘅百科全書
Jump to navigation Jump to search
位於大窩口嘅港鐵特惠站
位於上環嘅前地鐵特惠站

港鐵特惠站英文MTR Fare Saver,以前叫地鐵特惠站),係一種提供港鐵車費優惠嘅電腦終端機。只要喺搭港鐵之前,用成人八達通輕拍嘟一嘟部終端機,去到指定港鐵車站拍卡入閘,大部分完成車程後就可以平HK$2。但亦有特別嘅特惠站,例如曾經有個喺昂坪嘅特惠站提供由港鐵東涌站前往任何一個前地鐵車站(機場快綫除外)嘅免費優惠(適用於任何八達通卡),以及位於紅磡站入境大堂禁區嘅特惠站可以慳HK$5[1];家陣亦有特別嘅特惠站,例如位於新渡輪(澳門)高速雙體船上嘅特惠站可以慳HK$6。

港鐵特惠站喺2002年由當時嘅地鐵公司(家陣叫港鐵公司)同八達通合作開發,設喺部份香港商場,佢哋都係比較遠離港鐵站出口,但港鐵嘅潛在乘客不時到訪嘅地方。港鐵特惠站係一種三贏方案,港鐵可以用有效特惠價方法,爭取更多為慳車資而改變主意嘅顧客。港鐵亦可以知道乘客嚟自邊度,可以作出人流數據分析。

優惠係由當時嘅地鐵公司設立。因此,喺兩鐵合併後初期只適用於前地鐵車站(機場快綫除外),而喺前九鐵嘅車站入閘都要畀正價車費,以及憑相關八達通轉乘前九鐵路綫時,亦可享有再入閘費調減。統一票務系統後優惠就開始擴展至港鐵全綫。例如:

  • 設立喺盈暉家居城嘅特惠站原本只適用於喺美孚站荃灣綫,直至2008年9月28號優惠隨港鐵統一票務系統工作完成而擴展至適用於包括搭西鐵綫[2]嘅乘客。
  • 設立喺半島中心海港城嘅特惠站原本只適用於尖沙咀站,即使2008年9月28號港鐵統一票務系統工作完成,優惠都冇擴展至另一個獨立車站尖東站;2008年12月2號,半島中心嘅特惠站優惠至擴展至同時適用於尖東站[2],而海港城嘅特惠站直至2009年8月16號優惠隨九龍南綫通車而擴展至同時適用於柯士甸站

港鐵大部份車站成人車資(用八達通卡)最低票價為HK$3.7,用咗特惠站之後,車費會減至HK$1.7,比相同車程嘅特惠車資最低票價HK$2.4重要平。

2009年7月1日,港鐵喺深圳地鐵福田口岸站收費區內增設適用於落馬洲站嘅特惠站,有HK$3車費回贈,曾經係唯一一個設喺香港境外嘅特惠站以及曾經係所有特惠站中最高嘅優惠金額。至7月18號,港鐵位於紅磡站城際直通車入境禁區嘅特惠站,用嗰個特惠站之後喺紅磡站入閘搭市區線,可享最多HK$5[1]車費回贈(已經喺2010年1月18號取消)。

2010年7月19日,港鐵喺新渡輪(澳門)高速雙體船上(澳門九龍)增設適用於柯士甸站尖沙咀站嘅特惠站,提供HK$6車費回贈,優惠金額係所有特惠站中最高嘅。

港鐵特惠站位置[編輯]

港鐵車程減收HK$3[編輯]

港鐵特惠站 位置 指定港鐵站
深圳地鐵福田口岸站收費區內 落馬洲站
亞洲國際博覽館(4個) 東涌站
  • 亞洲國際博覽館嘅港鐵特惠站分別位於東大堂地下及一樓(喺2010年11月9號至11月29號期間)

港鐵車程減收HK$2[編輯]

港鐵特惠站 位置 指定港鐵站
啟德花園商場 黃大仙站
華潤大廈 灣仔站
集成中心 灣仔站銅鑼灣站
大窩口第二商場 大窩口站
企業廣場 九龍灣站
英皇娛樂廣場 荃灣站
和富家居庭 北角站炮台山站
青怡花園商場 青衣站
長發廣場
駿發花園商場 油麻地站
海港城 尖沙咀站柯士甸站[2]
半島中心 尖沙咀站尖東站[2]
尚德商場 將軍澳站
富寧花園商場 坑口站
中環至半山自動扶手電梯系統 中環站香港站上環站
百滙電腦城 上環站
盈暉家居城 美孚站[2]
大角咀市政大廈 奧運站旺角站太子站
  • 英皇娛樂廣場嘅港鐵特惠站喺地下扶手電梯旁邊
  • 駿發花園商場嘅港鐵特惠站喺便利店對出去房協長者居住中心嘅商場通道
  • 海港城嘅港鐵特惠站喺港威2樓3302號舖對面,扶手電梯側
  • 中環至半山自動扶手電梯系統嘅港鐵特惠站喺中區警署附近

港鐵車程減收HK$1[編輯]

港鐵特惠站 位置 指定港鐵站
葵涌邨商場 大窩口站
葵星中心 葵興站
葵盛東商場
沙田商業中心 火炭站[2]
銀城商場 第一城站[2]
頌安商場 恆安站馬鞍山站[2]
耀安商場 馬鞍山站[2]
星光行 尖沙咀站尖東站[2]
港灣豪庭廣場 奧運站南昌站[2]
穗禾商場[3] 火炭站
美林商場[3] 大圍站
白田商場[4] 石硤尾站
平田商場[4] 藍田站

已取消嘅特惠站[編輯]

位置 指定車站 慳到嘅車費 取消日期
紅磡站城際直通車入境大堂禁區內 紅磡站[2] HK$5[1] 2010年1月18日
中港城 尖沙咀站九龍站 HK$2
尖沙咀中心 尖沙咀站 HK$2
新文華中心 尖沙咀站 HK$2
荃灣愉景新城 荃灣站 HK$2
荃灣廣場 荃灣站 HK$2
中環廣場 灣仔站 HK$2 2006年7月25日
海富商場 奧運站旺角站 HK$2
新世紀廣場 旺角站太子站 HK$2 2008年6月20日
中環4號碼頭索罟灣渡輪出口) 中環站香港站 HK$1.5 2009年1月13日
榕樹灣碼頭(閘內)
坪洲碼頭(閘內)
梅窩碼頭(閘外)
悅來坊商場 大窩口站 HK$1 2008年12月30日
昂坪360昂坪纜車站 東涌站 免費[5] 備註:所有八達通都適用
地鐵太古站 太古站 免費前往杏花邨站 備註:所有八達通都適用

車站啟用前特別優惠[編輯]

呢一種特惠站暫時只有西營盤站啟用之前設立過喺西營盤嘅4間7-11裏面。

西營盤站#西營盤站啟用前特別優惠

參考[編輯]

  1. 1.0 1.1 1.2 如果港鐵特惠站嘅優惠金額高過要畀嘅港鐵車資,乘客只可以享有相等於後者嘅優惠。
  2. 2.00 2.01 2.02 2.03 2.04 2.05 2.06 2.07 2.08 2.09 2.10 2.11 優惠唔適用於全月通嘅使用者(包括畀咗頭等額外費嘅乘客,但唔包括喺非指定車站出閘而畀額外正價車費)
  3. 3.0 3.1 2011年12月9號開始("沙田區增兩新「港鐵特惠站」 提供$1車費折扣" (PDF). 
  4. 4.0 4.1 2012年1月12號開始("石硤尾及藍田增兩新「港鐵特惠站」 提供$1車費折扣" (PDF). )新聞稿入面話優惠由2011年開始只係港鐵公司嘅低級錯誤
  5. 只適用於港島綫荃灣綫觀塘綫將軍澳綫東涌綫迪士尼綫,如果喺九龍塘站美孚站南昌站尖沙咀站/尖東站轉乘東鐵綫馬鞍山綫西鐵綫嘅話,就要畀嗰段東鐵綫馬鞍山綫西鐵綫嘅正價車費冇再入閘費調減)

出面網頁[編輯]