小西灣

出自維基百科,自由嘅百科全書
跳去: 定向搵嘢
小西灣(響柴灣華人永遠墳場拍落來)

小西灣,本名柴灣仔,亦叫小柴灣,係香港,亦喺一,響柴灣東面。灣已填,化身新興嘅住宅區,人口約莫七萬。行政上歸東區

[編輯]

原名柴灣仔,皆因地近柴灣。英文柴灣初時不繙Chai Wan,或口音,或誤聽,繙做Sai Wan。柴灣仔就半音半意,繙成Little Sai Wan。及後師爺不明所以,將佢倒繙做小柴灣小西灣。師爺再倒轉返英文,今英文寫Siu Sai Wan

地理[編輯]

小西灣喺柴灣一帶,範圍包括永泰道以東嘅地方。喺未填海之前,小西灣係柴灣東邊嘅灣仔。

[編輯]

小西灣一帶原本係英國情報中心。1947年英國同埋美國澳洲加拿大新西蘭簽署聯合收集情報嘅協議。因此,英軍喺小西灣起咗成個遠東最大規模嘅情報中心,監聽中國無線電通訊。到咗1980年代,香港將會鐵定會交畀中國,英軍就將成個情報中心拆到渣都無淨。

去到1980年代,因為要起地下鐵路,柴灣市區嘅徙置大廈要拆,政府為咗安置呢班居民,加上應付日益膨漲嘅市區人口,所以決定開發小西灣。當時政府見小西灣個小西會令人諗起𨳒兩個性器官兼粗口字,唔係咁好聽,所以建議過改名做小柴灣,但因為當地居民反對,所以幾年後小西灣邨落成,將個名改返做小西灣。但係家下香港的士同業都採用佢嘅諧音做呢個地區嘅暗語。

小西灣由於好近鯉魚門,環境極佳,所以政府就喺當地起居屋來賣,樓盤包括富景花園、富怡花園同富欣花園等。而對海皮一塊地,更加引到大型地產發展商信和置業來投,喺1997年佢用咗HK$118億投到,起咗豪宅藍灣半島。而該地價就創下香港最高賣地成交價,至今都未打破。

社區設施[編輯]

小西灣海濱花園

教育[編輯]

小西灣有多間中小學校,中學有中華基金中學漢華中學福建中學 (小西灣)衛理中學嶺南衡怡紀念中學,而小學就有培僑小學東華三院李志雄紀念小學

交通[編輯]

小西灣邨嘅巴士總站(左邊),後面就係商場同埋公共屋邨樓宇。

藍灣半島起好,小西灣越來越多人住,新巴城巴兩間巴士公司將唔少原本以柴灣東為總站嘅巴士線,加長到小西灣,總站重搬到小西灣邨同埋藍灣半島兩個大巴士總站。

政府曾建議地下鐵路研究將港島綫柴灣延伸入小西灣,但由於路線太過兜轉,地鐵公司唔受。地鐵亦研究過用輕便鐵路將小西灣同柴灣連埋,但係造價同融資好多問題搞到不了了之。

主要交通幹道[編輯]

公共交通[編輯]

小西灣有好多巴士同小巴綫,而且唔少重過隧道過埋維多利亞港,甚至遠到赤鱲角機場都有。近嘅會駁去柴灣站