堅尼地道

出自維基百科,自由嘅百科全書
Jump to navigation Jump to search
堅尼地道近住香港視覺藝術中心嘅一段

堅尼地道粵拼gin1 nei4 dei6 dou6英文Kennedy Road),又叫做二馬路粵拼ji6 maa5 lou6),連住香港灣仔同埋中環,係香港島半山區一條主要道路,係為咗紀念第七任港督堅尼地而命名嘅。

簡介[編輯]

堅尼地道東面連住皇后大道東,西面連住上亞厘畢道花園道,依山而建,但響大部路段都係平坦嘅,淨係接近同皇后大道東交界嘅一段路係斜路。響接近花園道附近呢,有山頂纜車天橋橫跨堅尼地道,但係佢嘅高度令到雙層巴士過唔到。堅尼地道一帶大部份都係住宅區,亦都有唔少學校

歷史[編輯]

堅尼地道係香港繼皇后大道之後起嘅第二條主要道路,所以當時亦都叫做「二馬路」。香港日治時期嗰陣,堅尼地道曾經被人改個名做「東大正通」。1970年代末期呢,合和實業興建合和中心,入便有升降機連住皇后大道東出口及堅尼地道出口,令到來往兩地的市民唔洗再用十幾層嘅樓梯上落。呢樣嘢亦都令到嗰陣中華巴士唯一服務堅尼地道嘅17號線停辦。

沿路出名嘅地方[編輯]

交通[編輯]

28號小巴會行晒成條路,乘客可以響沿途任何地方落車。去近住紅棉路同花園道嗰面嘅堅尼地道,可以搭12A、23、23B、40同103巴士,或者1A小巴。

睇下埋[編輯]