合和實業
合和實業有限公司（港交所：0054，OTCBB：HOWWY）係香港地產發展商，創辦人係胡應湘，執行董事兼營運總監係佢個仔胡文新。總部嚮灣仔合和中心。嚮1972年8月21號首日上市，到2019年因為私有化除牌。
歷史
[編輯]合和嘅成立最早要追溯到由胡應湘老豆胡忠創立嘅中央建業，胡忠喺二戰前就已經開咗的士公司，後來更加做咗「的士大王」同涉足地產。1962年，喺美國讀書返嚟嘅胡應湘開始喺老豆嘅公司度幫手。到1972年，合和成立兼且上市。但係到1973年，合和率先發現有假股票流通，最終成為引爆1973年香港股災嘅原因之一，合和一路跌到1974年尾見底，市值足足到最高峰嗰陣少咗97%，後來慢慢回升。地產業務方面，合和喺70年代到80年代頭發展唔少地產項目，例如：荃威花園、健威花園、德福花園等，同長實、新鴻基呢啲地產公司俗稱「地產五虎將」。
到1980年代中後期，胡應湘將合和發展重心擺咗喺發展基建項目度，減少地產業務，後嚟好多人都話呢個決定令到合和錯過咗香港地產市場嘅增長期。
2019年，胡應湘成功私有化合和。
睇埋
[編輯]拎
[編輯]