香港公園

出自維基百科,自由嘅百科全書
公園金鐘入口
由香港公園仰望中環區大廈
公園裏面嘅表演者
開放時間
奧林匹克廣場

香港公園英文Hong Kong Park)係香港公園,喺香港島中環金鐘山邊,紅棉路十九號,地方好大。公園用咗三億九千萬蚊起,佔地八公頃,行政上歸中西區

歷史[編輯]

香港公園喺前域多利兵房上半部。1979年,香港政府決定將域多利兵房嘅下半部,留畀商業用,其他部份就用嚟做公園。當年英皇御准香港賽馬會有份捐錢起一部分。公園最後喺1991年5月由港督衛奕信爵士主持揭幕儀式。

地理環境[編輯]

公園地勢相當斜,而起嗰陣,原有嘅樹大部分都保留。

有5個入口,連接法院道紅棉路山頂纜車總站,堅尼地道。法院道有扶手電梯連接太古廣場港鐵金鐘站

設施[編輯]

公園文化設施有視覺藝術中心茶具文物館,重有好多康體設施,好似香港壁球中心、室內運動場同太極園。公園裏面有好多動植物畀人睇,有尤德觀鳥園、溫室等。其他地方重有花園廣場、奧林匹克廣場、兒童遊樂場同食堂。

公園近紅綿路重有紅棉路婚姻登記處,係結婚熱門地點。

交通[編輯]

事件[編輯]

香港公園入面有條14年歷史嘅長滑梯,係唔少80後至00後嘅童年回憶。康文署喺2015年1月以「冇零件而難復修」為理由拆咗條長滑梯[1]。事件引發市民喺facebook度開咗個叫「還我香港公園長滑梯」嘅群組嚟發起聯署,要求康文署原址重建長滑梯。經過一年嘅爭取,長滑梯喺2016年7月27號重新開放。

睇埋[編輯]

出面網頁[編輯]

座標: 22°16′38″N 114°09′41″E / 22.27716°N 114.16146°E / 22.27716; 114.16146

  1. 零件難復修 香港公園長滑梯難重置. on.cc東網 (香港中文). 喺2019-03-20搵到.