香港視覺藝術中心
香港視覺藝術中心（英文：Hong Kong Visual Arts Centre）係康樂及文化事務署嘅藝術推廣辦事處轄下嘅藝術發展中心，位於香港島金鐘香港公園裏面嘅西面，係一間畀視覺藝術家互相觀摩學習交流創作發展嘅地方。
簡介
[編輯]香港視覺藝術中心結合專門設備、展覽空間同充滿活力嘅創作環境，係一個開放嘅、多向嘅、着重藝術學習同交流嘅藝術空間。無論係全職藝術創作者、業餘愛好者，或對藝術感興趣嘅大眾，都可以喺呢度獲得藝術養分、創作機會，讓藝術變成生活。
呢個具啟發性嘅旅程，藉住各種藝術經歷，喚醒參與者嘅藝術潛能，深化佢哋嘅造詣。喺鼓舞探索嘅旅程裏面，畀參與者經驗藝術創作，增進藝術知識同技巧。通過自我試煉同交流，進而激發創意、放眼無邊。
位於香港公園嘅香港視覺藝術中心係一橦一級歷史建築，前身係已婚英軍宿舍卡素樓（Cassels Block），大概起喺1900年。中心嘅英文名 vA! 表達咗藝術為我哋帶來嘅驚喜，同藝術推廣辦事處轄下另一場地油街實現嘅英文 Oi! 互相呼應同配合－油街實現從橫向發展，提供實驗嘅空間，誘發嶄新思維，擴闊各種可能性，畀唔同社群參與藝術創作；香港視覺藝術中心就從深度發展為方向，舉行各類藝術培訓。
設施
[編輯]- 展覽廳
- 演講廳
- 多用途工作室
- 陶瓷室
- 雕塑室
- 版畫室
開放時間
[編輯]- 星期一、三至日：上晝10:00至晚上9:00
- 中秋節、冬至、聖誕前夕、新年除夕同農曆新年除夕：上晝10:00至下晝5:00
- 星期二、聖誕節同翌日、元旦日、農曆年初一至三休館
入場費
[編輯]免費入場