香港房屋委員會展覽中心

香港房屋委員會展覽中心

香港房屋委員會展覽中心係介紹香港公共房屋發展嘅博物館，喺香港九龍何文田佛光街80號房屋委員會總部第三座4樓，由香港房屋委員會負責管理。已於2022年3月關閉。

簡介

香港房屋委員會展覽中心展示香港嘅公營房屋發展，同埋多年來嘅工作同成果。展覽中心佔地1,000平方米，設有內容豐富嘅展示屏、有趣嘅樓宇模型、懷舊嘅模擬單位，同埋多輯相片同影片，呈現香港公共房屋嘅發展歷程。沿住玻璃瞭望橋，可以俯瞰喺各區嘅發展項目；更可以到互動角，透過有趣嘅遊戲建設理想嘅公共屋邨。

展覽特色

展覽中心強調互動同創新，展區分為：

• 時光漫遊
  • 台階式嘅展覽動線，透過圖片、實物擺設同模擬單位，畀參觀者體驗公共房屋計劃嘅發展過程。
• 觀景橋
  • 喺展區中央嘅位置，起喺一個1:1000嘅香港公共房屋規劃模型之上。參觀者可以喺觀景橋睇到房委會嘅發展項目喺香港市區嘅分佈。
• 資訊角
• 工作坊
• 簡介影院

出面網頁

• 香港房屋委員會展覽中心